Akts 22:30 - Vengo (Babungo)

³⁰ Tɨɨ vəsogeꞌ kwalə ghɔ́ nəə kəə kɨɨ nə nu ŋkɨə faŋ vɨɨ Jus nəə kəə fɨ yiba Pɔɔl, fu kɨ lee ŋwə keꞌtə mfiŋ fɨ fəŋ Pɔɔl, tìi vɨɨ kwalə məfeꞌ Nwi nə vəshɨꞌ və vɨɨ Jus vənshə maa məshəŋtə, kɨ nii ndì Pɔɔl, yɨ̀sə ŋwə tɨŋnə nɨntəŋ ŋwaa vəŋ.

Akts 22:30 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Matiu 27:2

Vəŋ ka ŋwə, ndì ŋwə, tɔ̀ŋ ŋwə tɨ́ goməna Pilate.

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Akts 21:11

jwì yè yia, ndì kɔtə Pɔɔl, kà ghɔ ghi nə ghuu ghi shɔ, gì laa, «Zwitə Ley Nwi gì laa, vɨɨ Jus ndɔ ka ŋgɔɔ kɔtə nyə̀ ntɨꞌ Jerusalem sheꞌ nee, ndì ŋwə, kɔ̀ tɨ́ vɨɨ tətɔŋ fu.»

Akts 21:33

Tɨɨ vəsogeꞌ ghɔ́ shəŋtə jwì, jìa Pɔɔl, gì laa vɨ shuŋ ŋwə nə vəsumə vəbɔɔ. Ŋwə bitə laa Pɔɔl lùu ndə, baa nə laa ŋwə nə yɨ̀ kə bwə.

Akts 22:5

Lùu nu faŋ wuu kwalə məfeꞌ Nwi nə vɨɨ məshia nsɔꞌsə vənshə kɨ̀ɨ nə ŋkə ŋkee jəə. Mə nə fì ŋwaꞌlə ŋkee fɨ ghɔ vəŋ, faŋ vəŋ nə ŋwàꞌlə tɨ́ vaŋ-nshwi vaŋ-nsiŋ fɨ ntɨꞌ Damaskɔs (fɨ shɨ Siria), laa mə gə jiatə vɨɨ məbiŋ nu Yeso fɨ yifi, ka vəŋ, jwì nə vəŋ Jerusalem, laa vɨ sɔꞌ vəŋ.»

Akts 23:1

Pɔɔl tɨŋnə, ndèynə vəshɨꞌ vɔ́, gì laa, «Vaŋ-nshwi vaŋ, mə nəə toꞌ yitoꞌ nyaa yiley vɨsɨ Nwi ghee nshə, jwi kɔ tɔ və-ndee.»

Akts 23:15

«Nɨniŋ ghɔ, viŋ vɨ vəshɨꞌ tɔŋ ntɔŋ laa tɨɨ vəsogeꞌ kwalə baa kɨ tɔŋ Pɔɔl tɨ́ viŋ, tɨ́ kaꞌ viŋ sɨɨtə zɔ̀ nu ki, ŋkə ley. Viŋ yɨ nɨniŋ, buu yia taa kɨ kɨꞌ maa məzwi ŋwə jɨɨ, buu ŋwə zìꞌ feenə.»

Akts 23:20

Wee ghɔ́ gi tɨ́ ŋwə laa, «Vɨɨ Jus fàynə, gì laa vɨ taa buꞌ ghɔ tɨ́ ghɔ laa a baa ndi Pɔɔl, jwì nə ŋwə vɨsɨ vəshɨꞌ, tɨ́ kaꞌ vəŋ zɔ ŋkee ŋiꞌ nu fɨ ghɔ Pɔɔl.

Akts 23:28

Mə nə baa kəə kɨɨ nə nu ŋkɨə faŋ vəŋ kəə zwi ŋwə shɔ nə, mə ndi ŋwə, gə̀ nə ŋwə vɨsɨ vɨɨ məshia nsɔꞌsə vəŋ.

Akts 23:6

Pɔɔl nə gì nɨniŋ, kɨɨ laa way vɨɨ mɔ́ꞌ fɨ taa ŋwaa vəshɨꞌ vɔ́ nə luu vɨɨ Sadusii, way mɔ́ꞌ luu vɨɨ Farisii, ŋwə yumə taa ŋii nsɔꞌ yɔ́ laa, «Vaŋ-nshwi vaŋ, mə lùu wuu Farisii, baa lùu wee vɨɨ Farisii. Mə lùu taa nsɔꞌ feenə buꞌ laa mə tə sɨ, baa kɨ̀ɨ laa vəŋku və nsisə ndɔ ywey.»

Akts 26:29

Pɔɔl gi laa, «Mə taa shɔꞌtə Nwi laa, kɨ ŋkə taa luu kədə, tɨꞌnə me kətuŋsə, laa ghɔ, viŋ vɨ vɨɨ vənshə faŋ viŋ zɔ yigisə nyaa ndee, taa kiasə lùu yaa mə, goꞌ sheꞌ vəsumə və̀.»

Akts 5:21

Vəŋ zɔ nɨniŋ, kɨ luu leefu, vəŋ gə taa ŋii Nwi yikwalə, kɨ deesə nu Nwi shɔ. Wuu kwalə məfeꞌ Nwi nə vɨɨ vi tii vɨɨ taanə nə vəshɨꞌ vənshə maa nshəŋtə yikwalə vɨɨ Isirayl, tɔŋ ntɔŋ laa vɨ jwi nə vɨɨ ntɔŋ Yeso vɔ́ vɨsɨ vəŋ.