Akts 22:3 - Vengo (Babungo)

³ «Mə lùu wuu Jus, vɨ bì mə ntɨꞌ Tarsɔs fɨ shɨ Saylisia. Luu nə, mə ta luu shɨ feenə, zwetə ŋwaꞌlə ŋkee fɨ ghɔ tɨta Gamaliel, faŋ ŋwə dèesə nuŋsə vətɨɨ vaŋ-nsiŋ ŋkee jəə. Nɨniŋ, mə gù wuu weꞌ maa nu Nwi, sheꞌ faŋ viŋ wèꞌ shɔ ndee nə.

Akts 22:3 ပူးပေါင်းရင်းမြစ်များ

Lukas 10:39

Weenshu Marta nə luu shɔ nɨzi, yizii yi luu Meri. Meri duꞌ ghuu tɨta Yeso, kɨ zɔ nu ŋkɨə faŋ ŋwə gisə.

Lukas 2:46

Fu lee, vəŋ gə taa ŋii Nwi yikwalə, yè ŋwə yifi. Ŋwə nə dùꞌ taa ŋwaa vɨɨ mədeesə ŋwaꞌlə Nwi, zɔ vənu faŋ vəŋ gisə, bitə vənu tɨ́ vəŋ.

Lukas 8:35

Vɨɨ fuu gə maa məye nu ŋkɨə faŋ ŋkə nii gày shɔ nə. Vəŋ jwi yɨ Yeso, yè wə ntɨə faŋ vəzwitə vəbwəvə fùu fɨ taa ŋwaa ŋwə nə, tɨ́ ŋwə duꞌ ghuu Yeso, shùŋ njwi si, tɔ ki ley. Vəŋ fee.

Akts 11:25

Barnabas kɨ nii ndɔ̀ gə ntɨꞌ Tarsɔs (fɨ shɨ Saylisia) maa məkəə Sɔɔl.

Akts 15:23

Vɨ kɨ nii nyɔ̀ꞌ ŋwaꞌlə, kɔ̀ tɨ́ vəŋ, vəŋ gə nə ŋwə. Taa ŋwaꞌlə ghɔ́, vɨ nə ŋwàꞌlə laa, «Nyɔꞌ vɨɨ ntɔŋ Yeso ghɔ vɨ vɨɨ taa fɨ taa məshəŋtə vɨɨ Kristo nyɔ̀ꞌ ŋwaꞌlə ŋwə̀ tɨ́ vɨɨ tətɔŋ fu faŋ viŋ biŋ nu Kristo, faŋ viŋ shi taa məshɨ mə Antiɔk nə Siria nə Saylisia. Yia nyɔ̀ꞌ tɨ́ viŋ yaa vaŋ-nshwi viŋ, shɔꞌtə viŋ jəə jəə.

Akts 15:41

shɔ̀ɔ fɨ taa məshɨ mə Siria nə Saylisia, tòꞌ wèꞌsə vɨɨ məbiŋ Kristo maa nu Nwi maa vəshəŋ vənshə.

Akts 21:20

Faŋ vəŋ nə zɔ̀ nɨniŋ, bə̀ŋsə Nwi, kɨ nii gì tɨ́ Pɔɔl laa, «Weenshu wia, a kɔꞌ kɨɨ laa vɨɨ Jus shɔ ŋkaŋsə ŋkaŋsə, faŋ vəŋ biŋ nu Kristo. Vəŋ vənshə baa wèꞌ maa ntɨsə Nwi.

Akts 21:39

Pɔɔl bəŋsə tɨ́ ŋwə laa, «Mə lùu wuu Jus. Vɨ bì mə ntɨꞌ Tarsɔs fɨ shɨ Saylisia, faŋ luu ŋkee shəŋ weꞌ nə. Mə bùꞌ ghɔ tɨ́ ghɔ, naꞌ mə gi tɨ́ vɨɨ və̀.»

Akts 23:34

Goməna ghɔ́ tii ŋwaꞌlə ghɔ́, bìtə tɨ́ Pɔɔl laa ŋwə ndɔ fɨ maa kwiŋ ŋgwəə, zɔ laa ŋwə ndɔ̀ fɨ shɨ Saylisia.

Akts 23:6

Pɔɔl nə gì nɨniŋ, kɨɨ laa way vɨɨ mɔ́ꞌ fɨ taa ŋwaa vəshɨꞌ vɔ́ nə luu vɨɨ Sadusii, way mɔ́ꞌ luu vɨɨ Farisii, ŋwə yumə taa ŋii nsɔꞌ yɔ́ laa, «Vaŋ-nshwi vaŋ, mə lùu wuu Farisii, baa lùu wee vɨɨ Farisii. Mə lùu taa nsɔꞌ feenə buꞌ laa mə tə sɨ, baa kɨ̀ɨ laa vəŋku və nsisə ndɔ ywey.»

Akts 26:5

Vəŋ nii toꞌ kee kɨ kaw kiasə nu kɔ́ me, buu vəŋ taa biŋ laa mə nəə shi luu ŋkee nshinə vɨɨ Farisii, faŋ vəŋ wèꞌ maa nu Nwi kaŋ-nsiŋ shɔ̀ɔ vɨɨ vənshə.

Akts 26:9

Nshɨ-tɔ ŋwaa nəə bɨꞌtə laa bàw mə yɨsə vənu vəyaŋ maa Yeso, wuu Nazaret, maa məndisə yizii yi.

Akts 5:34

Luu nə, wə mɔ́ꞌ nə luu shɔ, yizii yi luu Gamaliel. Ŋwə nə luu wuu Farisii nə wuu mədeesə ŋwaꞌlə Nwi kwalə. Vɨɨ vənshə fee ŋwə. Ŋwə ndɔ fɨ nsi taa məshəŋtə ghɔ́, gì laa vɨ meꞌtə vɨɨ və̀, vəŋ fuu fu maa kuŋtə yighee.

Akts 6:9

Luu nə, vɨɨ mɔ́ꞌ nə luu shɔ faŋ vəŋ kee kàw Stefen me. Nə luu vɨɨ Jus fɨ taa ŋii məshɔꞌtə Nwi yimɔ́ꞌ, faŋ vɨ nəə tii vəŋ laa vəbuꞌ faŋ vɨ shòꞌtə fɨ maa vəŋ. Vɨɨ Kirene nə vɨɨ Alesandria nə vəmɔ́ꞌ fɨ Saylisia, nə fɨ Asia nə luu taa ŋwaa vəŋ. Vəŋ ndɔ kɨ suŋnə ghɔ vɨ Stefen.

Akts 9:1

Maa yighee yɔ́, Sɔɔl kɨ tɨtoꞌ shoꞌ ghuu vɨɨ tɨta Yeso, kɔꞌnə vəŋ,

Akts 9:11

Tɨta Yeso gi tɨ́ ŋwə laa, «Ndɔ fɨ nsi, gə̀ fɨ maa jɨɨ njyə faŋ vɨ tii nə jɨɨ yineꞌtə nə, gə̀ taa ŋii Judas, bìtə wə mɔ́ꞌ shɔ, faŋ yizii yi lùu Sɔɔl, wuu Tarsɔs. Sɔɔl ghɔ́ lùu taa ŋii yɔ́, shɔꞌtə Nwi,

Akts 9:30

Vɨɨ məbiŋ nu Yeso zɔ, ndì ŋwə, gə̀ nə ŋwə ntɨꞌ Sisaria, tɔŋ ŋwə ntɨꞌ Tarsɔs (fɨ shɨ Saylisia).

Roma 11:1

Ŋkə də̀ laa Nwi mèꞌ vɨɨ Isirayl, faŋ lùu ŋgwisə vɨɨ vi nə mu? Bey, kee lùu nɨniŋ me. Maa mə lùu wuu Isirayl nɨzi, fɨ taa ŋiꞌ ŋii Abraham fɨ ŋii nə Benyamin.

2 Kɔrintian 11:22

Vəŋ lùu vɨɨ Hibru lee? Mə lùu wuu Hibru nɨzi. Vəŋ lùu vɨɨ Isirayl mu? Mə lùu wuu Isirayl nɨzi. Vəŋ lùu vɨɨ ŋiinə Abraham mu? Mə lùu wuu ŋiinə Abraham nɨzi.

Galatia 1:14

Mə nə gə vɨsɨ fɨ taa ŋwaa vɨɨ vaŋ, shɔ̀ɔ za kaŋ vənshə maa nu vɨɨ Jus, wèꞌ maa nu ŋkɨə faŋ vətɨɨ via nə nàysə nə.

Galatia 1:21

Maa yighee yɔ́, faŋ mə nə ndɔ̀ fɨ Jerusalem, gə kwiŋ Siria, baa nə Saylisia.