Akts 22:25 - Vengo (Babungo)

²⁵ Faŋ vəsogeꞌ nə ka ŋwə, kɨ kəə saŋ, Pɔɔl gi tɨ́ tɨɨ vəsogeꞌ faŋ ŋwə nə tɨ̀ŋnə yifi laa, «Luu nuŋsə tɨ́ viŋ laa vɨ saŋ wuu Rom maa zɔ̀ ŋiꞌ nu ŋkɨə faŋ ŋwə yɨ̀sə mu?»

Akts 22:25 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Matiu 27:54

Tɨɨ vəsogeꞌ ghɔ vɨ vɨɨ vi faŋ vəŋ nə dùꞌ, kɨ ndeynə Yeso nə, ye mənəꞌnə nsi ghɔ́, baa nə vənu vənshə faŋ mbə nə gày, vəŋ fee dɨdɨꞌ, gì laa, «Ŋkee yinsəŋ, nə luu ŋkee Wee Nwi nə.»

Matiu 8:8

Tɨɨ vəsogeꞌ ghɔ́ bəŋsə tɨ́ ŋwə laa, «Tɨta, mə kee bee kùꞌnə, tɨ́ kaꞌ a ŋìi taa ŋii mə me. Bàw a gi sheꞌ nə shuu wə, wuu faꞌ ŋwaa ghɔ́ bwaŋnə.

Akts 10:1

Wə mɔ́ꞌ nə luu shɔ, ntɨꞌ Sisaria, yizii yi luu Kɔrniliɔs. Ŋwə nə luu tɨɨ vəsogeꞌ taa ŋii njɔŋ faŋ vɨ nəə tii nə ŋii njɔŋ vɨɨ Itali.

Akts 16:37

Pɔɔl zɔ ntɔŋ yɔ́, gì tɨ́ vəŋ laa, «Vɨ nə kee kəə nu kia, ye laa yia gu nu me, sàŋ yia taa yiwiŋ, faŋ yia lùu vɨɨ Rom, baa kwàŋ yia taa ŋii mfiŋ. Luu ndwə, vəŋ kəə nyɨnyɔꞌtə fùusə yia buꞌ kə? Ŋkə kee lùu nɨniŋ me! Bàw vəŋ taa jwi feenə maa nshɨ-tɔ vəŋ, jwì fùusə yia.»

Akts 22:26

Faŋ tɨɨ vəsogeꞌ nə zɔ̀ nɨniŋ, ndɔ̀ gə̀ yè tɨɨ vəsogeꞌ kwalə, gì tɨ́ ŋwə laa, «A sii taa yɨ kɨkə? Wə ghɔ́ lùu wuu Rom.

Akts 23:17

Pɔɔl tii tɨɨ vəsogeꞌ mɔ́ꞌ, nàysə tɨ́ ŋwə laa ŋwə ndi weembwa ghɔ́, ghɔ ŋwə gə yè tɨɨ vəsogeꞌ kwalə, buꞌ laa ŋwə kìi nu maa mənaysə tɨ́ ŋwə.

Akts 23:27

Vɨɨ Jus jìa wə ŋwə̀, kɨ kəə zwi ŋwə. Mə zɔ laa lùu wuu Rom, mə gə yia vəsogeꞌ vaŋ, fi ŋwə.

Akts 25:16

Mə bəŋsə tɨ́ vəŋ laa kee luu nuŋsə vɨɨ Rom maa məkɔ wə laa vɨ zwi ŋwə, maa laa vɨ bɨ dùꞌ nsi kwiŋ bɔɔ me, tɨ́ kaꞌ wə ntɨə faŋ vɨ gì nu tɔ ŋwə, kìi yighee maa məfi tɔ ki fɨ maa nu ŋkɨə faŋ vɨ gì tɔ ŋwə nə me.

Akts 27:1

Kɨ lùu shi mɔ́ꞌ vɨ gi laa Pɔɔl ŋii taa bay, gə Itali. Nɨniŋ, vɨ kɔ Pɔɔl ghɔ vɨ vɨɨ ŋii mfiŋ vəmɔ́ꞌ tɨ́ tɨɨ vəsogeꞌ mɔ́ꞌ, faŋ yizii yi nə luu Julius. Ŋwə nə luu fɨ taa nwaa vəsogeꞌ vɨ fwàŋ kwalə Kaysa.

Akts 27:3

Fu kɨ lee yia ziꞌ Sidon. Fwi Julius nə luu yijəə maa Pɔɔl. Ŋwə biŋ tɨ́ Pɔɔl laa ŋwə gə yè vɨɨmba vi, tɨ́ kaꞌ vəŋ gaŋtə ŋwə nə vətɔ mbɨə faŋ ŋwə nəə bəə maa yitoꞌ yɔ́.

Akts 27:43

Luu nə, tɨɨ vəsogeꞌ nə kəə bweysə Pɔɔl , twey laa kɨ vɨ zwilə vəŋ me. Ŋwə gi laa bàw vɨɨ mbɨə faŋ vəŋ kɨɨ saŋ muu, vəŋ fuu, fì vɨsɨ, shə̀ŋ taa muu, sàŋ muu, gə̀ mbɔꞌ bia, koꞌ,