Akts 22:24 - Vengo (Babungo)

²⁴ Tɨɨ vəsogeꞌ gi laa vɨ ndi Pɔɔl, gə̀ nə ŋwə taa ŋkɔꞌ vəsogeꞌ, saŋ ŋwə shɔ, bìtə tɨ́ ŋwə laa, sii yɨ̀ kə, buu vɨɨ kɨ yumə buꞌ ŋwə tɨ́ nee?

Akts 22:24 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:1

Nɨniŋ, Pilate gi laa vɨ jia Yeso, sàŋ ŋwə nə vəkɔtə.

Akts 16:37

Pɔɔl zɔ ntɔŋ yɔ́, gì tɨ́ vəŋ laa, «Vɨ nə kee kəə nu kia, ye laa yia gu nu me, sàŋ yia taa yiwiŋ, faŋ yia lùu vɨɨ Rom, baa kwàŋ yia taa ŋii mfiŋ. Luu ndwə, vəŋ kəə nyɨnyɔꞌtə fùusə yia buꞌ kə? Ŋkə kee lùu nɨniŋ me! Bàw vəŋ taa jwi feenə maa nshɨ-tɔ vəŋ, jwì fùusə yia.»

Akts 21:34

Way vɨɨ fɨ taa nwaa vɨɨ vɔ́ yumə gì nu, way mɔ́ꞌ gi nu day. Yigi nə yaŋ dɨdɨꞌ tɨ́ kaꞌ ŋwə kee kɨ̀ɨ nə nu yinsəŋ me. Nɨniŋ, ŋwə gi laa vɨ ndi Pɔɔl, gə̀ nə ŋwə ntoꞌ.

Akts 21:37

Faŋ vɨ nəə kəə ndì Pɔɔl, ŋii nə ŋwə ntoꞌ yɔ́, ŋwə gi tɨ́ tɨɨ vəsogeꞌ maa ghaŋ Griik laa, «Naꞌ, mə gi nu tɨ́ ghɔ.» Tɨɨ vəsogeꞌ gi laa, «A bee nə gisə ghaŋ Griik mu?

Akts 23:10

Ntay yɔ́ weꞌ, tɨɨ vəsogeꞌ kwalə ghɔ́ fee laa vɨ taa sa Pɔɔl, ŋwə gi laa vəsogeꞌ siꞌ ndì Pɔɔl fɨ taa ŋwaa vɨɨ vɔ́, bə̀ŋ gə̀ nə ŋwə taa ŋkɔꞌ vəsogeꞌ.

Akts 23:27

Vɨɨ Jus jìa wə ŋwə̀, kɨ kəə zwi ŋwə. Mə zɔ laa lùu wuu Rom, mə gə yia vəsogeꞌ vaŋ, fi ŋwə.

Akts 28:18

Vɨɨ Rom ndeynə nsɔꞌ nyaa, ye laa mə kee gù nu me, kɨ kəə meꞌtə mə, buꞌ laa mə nə kee yɨ̀ nu bwə, tɨ́ kaꞌ vɨ zwì mə shɔ me.

Hibru 11:35

Nwi nə baa luu yɨ̀sə vəki vəmɔ́ꞌ nə yè vɨɨ vəŋ, faŋ vəŋ nə kukə̀, faŋ vəŋ ywèy fɨ shɨ yiku. Vɨɨ mɔ́ꞌ nə yè ŋɨꞌ fɨ ghɔ vɨɨ mbeenə Nwi, kùkə . Vəŋ nə kee twey Nwi, tɨ́ la vɨ meꞌtə vəŋ me, buꞌ laa vəŋ nə nùŋ fwi vəŋ maa Nwi, laa vəŋ ndɔ ywey fɨ shɨ yiku, kìi məbwey jəə fɨ yizɔ.