Akts 22:16 - Vengo (Babungo)

¹⁶ Ŋwə kɨ nii baa bìtə shee laa mə sii kɨꞌ kə? «Bàw a ndɔ yizɔ, fì muu mə Nwi, kɨ tii yizii Yeso laa ŋwə sɔ nu bwə kə.»

Akts 22:16 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:8

Pita gi tɨ́ ŋwə laa, «Kɨ ghɔ sɔ ghuu ŋaa me! Kaꞌ mə kee biŋ me.» Yeso bəŋsə tɨ́ ŋwə laa, «Mə kee sɔ ghuu ghə me, buu kaꞌ nsoo kee lùu fa kəmuꞌ me.»

Akts 2:21

Ŋkə ndɔ luu maa yighee yɔ́ laa, wə ntɨə faŋ ŋwə ndɔ tii yizii Tɨta ŋwaa-nsiŋ, ndɔ bwey.»

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 7:59

buu vəŋ tumə Stefen. Stefen yumə laa, «Tɨta Yeso, fi zwitə kaŋ,»

Akts 9:14

Mə baa zɔ̀ laa vɨɨ kwalə məfeꞌ Nwi kɔ̀ wutə tɨ́ ŋwə laa ŋwə jia vɨɨ vənshə feenə, faŋ vəŋ tii yizii yə, fə̀ŋ vəŋ.»

Akts 9:18

Sheꞌ yighee yɔ́ fa kəmɔ́ꞌ yaa vəŋaꞌ fiŋ fɨ sɨ ŋwə, ŋwə ye vədɨꞌ, kɨ nii yindɔ, fì muu mə Nwi,

1 Kɔrintian 1:2

Yia Sɔsteniis nyɔꞌ ŋwaꞌlə ŋwə̀ tɨ́ nwaa vɨɨ Nwi fɨ shɨ Kɔrint. Viŋ lùu vɨɨ ley Nwi buꞌ faŋ viŋ fàynə viŋ vɨ Yeso Kristo. Nə shòꞌ Nwi shòꞌ viŋ laa viŋ luu vɨɨ vi, ghɔ vɨ vɨɨ vənshə, faŋ vəŋ bəŋsə Tii ŋwaa-nsiŋ Yeso Kristo maa vəshəŋ vənshə. Yeso Kristo lùu Tɨɨ vəŋ, baa lùu Tii ŋwaa-nsiŋ nɨzi.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

Galatia 3:27

Viŋ vənshə faŋ viŋ duꞌtə viŋ fi muu mə Nwi, lùu fa kəmuꞌ viŋ vɨ Kristo. Buꞌ muu mbɨə faŋ viŋ fi nə, viŋ biꞌ nshinə Kristo maa viŋ.

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

Taytəs 3:5

Faŋ ŋwə nə bweysə nsiŋ nɨniŋ nə, kee bweysə nsiŋ buꞌ vəfaꞌ vəjəəvə faŋ nsiŋ nə yɨsə me. Ŋwə bwèysə nsiŋ luu sheꞌ buꞌ gəŋ si, faŋ ŋwə nə sɔ nu bwə fɨ maa nsiŋ, bì nsiŋ fi. Zwitə Ley Nwi ŋii taa fwisə nsiŋ, kɔ nsiŋ nə nshinə yifi.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,