Akts 22:14 - Vengo (Babungo)

¹⁴ Ŋwə gi laa, «Nwi vətɨɨ vaŋ-nsiŋ shòꞌ ghɔ, laa a kɨɨ nə nu ŋkɨə faŋ ŋkə lùu taa ŋkɨɨ Nwi, baa nə laa a ye wuu Nwi ŋgwə faŋ nu ki lùu kəloomə, baa zɔ̀ nu faŋ ŋkə fuu fɨ shuu ŋwə.

Akts 22:14 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:16

Nə kee shòꞌ viŋ shòꞌ mə laa mə luu tii wiŋ me, nə shòꞌ mə shòꞌ viŋ laa viŋ luu vɨɨ məzwetə nu kaŋ, mə baa shoꞌ viŋ laa viŋ kɨ toꞌ fàꞌ maa yizii nyaa, vənu vəjəəvə fuu fɨ fuŋ, kee mè me. Nɨniŋ, kaꞌ viŋ ndwàŋ fa fɨ ghɔ tɨta Nwi maa yizii nyaa, ŋwə kɔ̀ tɨ́ viŋ.

Akts 13:17

Nwi vɨɨ Isirayl nə shòꞌ vətɨɨ vaŋ-nsiŋ, kòꞌsə ndaw vəŋ yighee njyə faŋ vəŋ nə luu vəndɔ shɨ Ijip. Nwi nə shàꞌsə ghɔ ki, fùusə vəŋ fɨ fuŋ,

Akts 22:15

Ŋkə lùu nɨniŋ laa a ndɔ fɨꞌtə nu ki tɨ́ vɨɨ vənshə, kɨ naysə nu ŋkɨə faŋ a nə yè, nə nu ŋkɨə faŋ a nə zɔ̀ tɨ́ vəŋ.»

Akts 22:18

Mə ye ŋwə, ŋwə gi shee laa mə yasə kɔꞌlə ndɔ fɨ Jerusalem, buꞌ laa vɨɨ fɨ ntɨꞌ Jerusalem kee ndɔ biŋ nu ŋkɨə faŋ a gisə kɔ̀ŋ mə me.

Akts 24:14

Luu nə, mə bìŋ nu kəmuꞌ tɨ́ ghɔ, laa mə bəŋsə Nwi vətɨɨ via maa jɨɨ yɔ́ faŋ vəŋ gì laa lùu jɨɨ təba. Mə biŋ vənu vənshə faŋ Mose nə nyɔ̀ꞌ taa ŋwaꞌlə Nwi, nə mbə taa vəŋwaꞌlə və nshiisə-ŋii sɔghɔ.

Akts 26:16

Ndɔ yizɔ ndwə, tɨ̀ŋnə. Mə fùu yikəꞌ ghɔ buꞌ laa mə shòꞌ ghɔ maa wuu faꞌ ŋwaa. A taa kɨ naysə nu kaŋ tɨ́ vɨɨ, kɨ naysə nu ŋkɨə faŋ a ye kɔ̀ŋ mə ndee, baa nə nu ŋkɨə faŋ mə ndɔ də tɨ́ ghɔ.

Akts 5:30

Nwi faŋ lùu Nwi vətɨɨ vaŋ-nsiŋ, ywèysə Yeso fɨ shɨ yiku, ŋkee Yeso ŋgwə faŋ viŋ nə bèy ŋwə fuu fəŋkɔꞌ, ŋwə ku.

Akts 7:52

Nshiiŋii-sɔghɔ lùu shɔ, faŋ vətɨɨ viŋ kee shòꞌ ghuu ghi yimu? Vəŋ nə zwìlə vɨɨ mbɨə faŋ vəŋ nə bɨ fɔŋ gì laa wuu ley Nwi ndɔ jwi fɨ yiba. Lùu ndwə, viŋ fìŋ wuu ley Nwi ghɔ́, zwi ŋwə.

Akts 9:15

Tɨta Yeso baa gì tɨ́ ŋwə laa, «Gə shɔ, buꞌ laa mə shòꞌ wə ghɔ́, laa ŋwə luu wuu faꞌ ŋwaa, fɨꞌtə nu yizii kaŋ tɨ́ vɨɨ tətɔŋ fu, nə tɨ́ vəfwàŋ nə tɨ́ vɨɨ Isirayl.

Akts 9:17

Ananias ndɔ gə̀ taa ŋii yɔ́, mɔ̀ꞌ ghɔ ghi maa Sɔɔl, gì tɨ́ ŋwə laa, «Weenshu ŋwaa Sɔɔl, tɨta Yeso, faŋ viŋ ŋwə yaa faynə jɨɨ njyə faŋ a nəə jwi fɨ fuŋ nə, tɔ̀ŋ mə laa a baa kɨ yenə vədɨꞌ, baa nə laa Zwitə Ley Nwi lwaŋ taa fwi ghɔ.»

Roma 1:1

Lùu mə, Pɔɔl, wuu faꞌ Yeso Kristo, faŋ mə nyɔꞌ ŋwaꞌlə ŋwə̀ tɨ́ viŋ, vɨɨ Kristo fɨ shɨ Rom. Tɨta Yeso nə tìi mə, shòꞌ mə maa wuu ntɔŋ wi, shòꞌ mə laa mə kɨ toꞌ fɨꞌtə ntɔŋ yijəə Nwi.

1 Kɔrintian 11:23

Gə fɨ maa nu fazɨ Mbɔŋ, mə nə kɨ̀ɨ nə ŋkə fɨ ghɔ tɨta Yeso Kristo. Mə baa luu ndɨ̀, kɨ dəsə tɨ́ viŋ. Ŋkə lùu laa, Nə luu vətuꞌ maa shi ŋkɨə faŋ vɨ nə fìŋ tɨta Yeso nə, ŋwə nə ndɨ̀ bee,

1 Kɔrintian 15:3

Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.

1 Kɔrintian 15:8

Kɨ luu fɨ yiba, ŋwə fuu yikəꞌ mə nɨzi, faŋ mə lùu yaa wee faŋ vɨ bì faŋ yighee yi kee yikuꞌnə me.

1 Kɔrintian 9:1

Faŋ mə kɔlə gì nɨniŋ nə, mə kee lùu buꞌ tɨ́ nu me. Mə luu ŋkee wuu ntɔŋ Yeso Kristo. Maa mə nə yè Yeso Kristo faŋ lùu Tii ŋwaa-nsiŋ nə yisɨ. Nshɨ-tɔ wiŋ luu shwenə faꞌ ghɔ́ faŋ mə faꞌ tɨ́ tɨta Yeso Kristo nə.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Galatia 1:12

Mə nə kee zɔ̀ ntɔŋ yɔ́ fɨ shuu vɨɨ me, wə nə kee dèesə vənu vɔ́ shee me. Nə də nshɨ-tɔ Yeso Kristo də̀ vənu vɔ́ shee.

Galatia 1:15

Luu nə, Nwi nə shòꞌ mə, buu vɨ ndɔ kɨ dùꞌ bì mə. Nwi tii mə fɨ taa gəŋsə Nwi, laa mə beꞌsə ŋwə.

2 Timoti 1:1

Lùu mə, Pɔɔl, wuu ntɔŋ Yeso Kristo, faŋ nshɨ-tɔ Nwi nə nùŋsə mə maa faꞌ ghɔ́, laa mə kɨ fɨꞌtə nu məbwey vəlwaŋ faŋ Nwi ndɔ kɔ tɨ́ vɨɨ buꞌ Yeso Kristo nə.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

1 Pita 2:22

Ŋwə nə kee yɨ tuu nu bwə nə ŋwaa ŋgwinə me, wə kee ta zɔ̀ yigisə təba fɨ shuu ŋwə me.

1 Jɔn 2:1

Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.