Akts 22:12 - Vengo (Babungo)

¹² Wə mɔ́ꞌ nə luu shɔ ntɨꞌ Damaskɔs, yizii yi luu Ananias. Ŋwə nə luu wuu weꞌ maa ntɨsə Nwi, vɨɨ Jus vənshə fɨ ntɨꞌ Damaskɔs biŋ ŋwə yaa wuu jəə.

Akts 22:12 ပူးပေါင်းရင်းမြစ်များ

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 17:4

Vɨɨ mɔ́ꞌ biŋ yigisə Pɔɔl, bèꞌsə nu Pɔɔl ghɔ Silas. Vɨɨ vəyaŋ fɨ taa ŋwaa vɨɨ Griik faŋ vəŋ nəə bəŋsə Nwi, nə bèꞌsə vəŋ nɨzi. Vəki vəkwalə vəyaŋ nə luu taa ŋwaa vɨɨ vɔ́.

Akts 6:3

Nɨniŋ, vaŋ-nshwi, viŋ shoꞌ vɨɨ fɨ taa ŋwaa viŋ kwatia, faŋ vɨ kɨɨ laa Zwitə Ley Nwi lwàŋ taa fwisə vəŋ, baa nə yitɔfə; yia taa kɔ nu məgaasə vətɔ tɨ́ vəŋ.

Akts 8:2

Vɨɨ mɔ́ꞌ faŋ vəŋ nəə bəŋsə Nwi, gə təə Stefen, gwìa yiku yi ŋkee dɨdɨꞌ.

2 Kɔrintian 6:8

Yia toꞌ nɨniŋ faŋ vɨɨ kɔ feenə tɨ́ yia, tɨꞌnə me kwaŋ tɔ dɨɨ maa yia, faŋ vɨɨ gisə vənu vəbwəvə tɔ yia, tɨꞌnə me vənu vəjəəvə. Faŋ vɨɨ kɔlə gi laa yia fɨnə vɨɨ məbweꞌsə vɨɨ, yia lùu vɨɨ yinsəŋ.

1 Timoti 3:7

Baw sheꞌ wə faŋ vɨɨ taa shɨ, faŋ vəŋ kee lùu vɨɨ Nwi me, biŋ ŋwə nɨzi, laa lùu wuu jəə. Nɨniŋ laa kɨ vɨɨ ndɔ kɨ gisə bwə tɔ ŋwə, tɨ́ kaꞌ ŋwə ŋii taa mbɨə Satan me.

Hibru 11:2

Bàw nsiŋ zwetə fɨ ghɔ vɨɨ ywaŋ-vɨsɨ, faŋ vəŋ nə nùŋ fwisə vəŋ maa Nwi, buu Nwi biŋ vəŋ.

3 Jɔn 1:12

Gə fɨ maa Dimitriɔs, vɨɨ vənshə biŋ ŋwə ntee laa ŋwə lùu wuu jəə. Vənu vəjəəvə vi baa də̀ laa ŋwə lùu wuu jəə maa vənu mbɨə faŋ ŋwə yɨsə. Nshɨ-tɔ wia bìŋ ŋwə nɨzi. A kɔꞌ kɨɨ laa yigisə yia lùu yinsəŋ.