Akts 21:4 - Vengo (Babungo)

⁴ Faŋ yia nə zìꞌ Tayra nɨniŋ nə, gə̀ yè vɨɨ məbiŋ nu Kristo faŋ vəŋ nə luu yifi, yia vɨ vəŋ shi vəshi kwatia. Vɨɨ vɔ́ twey tɨ́ Pɔɔl laa, kɨ ŋwə gə Jerusalem me, buꞌ laa Zwitə Nwi nə də̀ nu Pɔɔl tɨ́ vəŋ.

Akts 21:4 ပူးပေါင်းရင်းမြစ်များ

Matiu 10:11

Viŋ kɨ luu ŋìi taa ntɨꞌ yikwalə, tɨꞌnə me yitɨtiꞌ, viŋ kəə wə faŋ ŋwə kùꞌnə, kɨ shi fu ŋwə, zìꞌ maa shi ŋkɨə faŋ viŋ taa kuunə.

Akts 11:26

Ŋwə kəə Sɔɔl, yè ŋwə, ndì ŋwə, ghɔ ŋwə bəŋ gə Antiɔk. Vəŋ vəbɔɔ duꞌ tày ghɔ vɨ vɨɨ məbiŋ Kristo fɨ Antiɔk yaa ŋuꞌ ŋkwəŋ, deesə nu Nwi tɨ́ vɨɨ vəyaŋ. Nə luu ntɨꞌ Antiɔk faŋ vɨ nə fɔŋ tey kɨ tii vɨɨ məbiŋ nu Kristo laa vɨɨ Kristo.

Akts 19:1

Nə luu maa yighee yɔ́ faŋ Apɔlɔs nə luu ntɨꞌ Kɔrint fɨ shɨ Akaya, Pɔɔl shɔɔ fɨ taa təkweꞌ fɨ nsi Asia, siꞌ jwi shɨ Efesɔs. Faŋ ŋwə nə ziꞌ shɨ Efesɔs, yè vɨɨ məbiŋ nu Kristo vəmɔ́ꞌ,

Akts 21:16

Yia vɨ vɨɨ məbiŋ nu Kristo vəmɔ́ꞌ fɨ ntɨꞌ Sisaria gə mɔ́ꞌ. Vəŋ gə twèy yia taa ŋii wə mɔ́ꞌ faŋ yizii yi lùu Mənasɔn, wuu Sayprɔs, faŋ nə luu wuu məbiŋ nu Kristo shù fɨshi, laa yia shi fu ŋwə.

Akts 28:14

Faŋ yia nə zìꞌ yifi, yè vɨɨ məbiŋ nu Kristo vəmɔ́ꞌ. Vəŋ buꞌ ghɔ tɨ́ yia laa yia vɨ vəŋ shi vəshi kwatia. Nɨniŋ, yia shi shɔ, buu baa ndɔ̀ gə̀ shɨ Rom.

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

2 Timoti 1:17

Ŋwə yaa ziꞌ shɨ Rom, kə̀ə mə nə wutə, yè mə.

Reveleyshən 1:10

Kɨ luu maa shi zwisə Nwi mɔ́ꞌ, Zwitə Ley Nwi ŋii maa mə, mə zɔ gɨ wə gi fɨ yiba jɨŋ mə nəŋay yaa gɨ yisaw.