Akts 21:3 - Vengo (Babungo)

³ kɨ gə nɨniŋ, yè shɨ Sayprɔs fɨ maa kwiŋ ŋkwii, shɔ̀ɔ tɔŋ gə̀ fɨ yiba shɨ Siria, kɨ nii fùu Tayra, buꞌ laa nə luu shəŋ ŋkɨə faŋ vɨ nə fùusə vətɔ fɨ taa bay kɔ́.

Akts 21:3 ပူးပေါင်းရင်းမြစ်များ

Matiu 11:21

«Weybey, ntɨꞌ Korazin nə ntɨꞌ Betsayda, faŋ viŋ nə ye ŋkee vənu və shuu yɔŋvə nə. Vɨ nəə toꞌ yɨsə vənu vɔ́ shɨ Tayra, tɨꞌnə me shɨ Sidon, buu vɨɨ vɔ́ nə shùŋ njwisə ŋɨꞌ fɨshi, kùŋ vəbu tɔ vəŋ maa mədə laa vəŋ luŋ buꞌ vənu vəbwəvə vəŋ, kɨ kəə kwiinə nshinə vəŋ.

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Lukas 10:13

Yeso kɨ nii baa gì laa, «Ndwaŋ tɔ viŋ, vɨɨ Korazin! Ndwaŋ tɔ viŋ, vɨɨ Betsayda! Vənu vəkwalə mbɨə faŋ mbə nə gày taa ŋwaa viŋ nə, nəə toꞌ lùu maa məshɨ mə Tayra nə Sidon, buu vəŋ nə duꞌtə vəŋ kwiinə fwisə vəŋ fɨshi, shùŋ njwisə ŋɨꞌ, kùŋ vəbu tɔ vəŋ (maa mədə faŋ vəŋ lùŋ buꞌ vənu vəbwəvə vəŋ).

Lukas 2:2

Nə luu ŋkee mfɔŋ yighee maa məsay vɨɨ fɨ taa mbi. Yighee yɔ́ Kirenɔs nə luu goməna fɨ shɨ Siria.

Akts 11:19

Yighee njyə faŋ vɨ nə zwì Stefen nə, vɨ tey kɨ kɔ ŋɨꞌ tɨ́ vɨɨ məbiŋ nu Yeso vəmɔ́ꞌ nɨzi, vəŋ saykə. Vɨɨ vəmɔ́ꞌ fɨ taa ŋwaa vəŋ gə ŋkee taa məshɨ mə Fənishia nə Sayprɔs nə Antiɔk. Vəŋ nəə toꞌ fɨꞌtə nu Kristo vəshəŋ vəshəŋ, fɨꞌtə sheꞌ tɨ́ vɨɨ Jus.

Akts 12:20

Nə luu maa yighee yɔ́, fwàŋ Herod nə shəsə maa vɨɨ Tayra nə vɨɨ Sidon, vəŋ ka shuu muꞌ jwì ye Bəlastɔs, faŋ nə luu nshiiŋii fwàŋ yishi, tɔŋ ŋwə laa ŋwə gə buꞌ ghɔ tɨ́ fwàŋ, laa ghɔ vɨ fwàŋ metə nu ntay vəŋ bwaŋnə, buꞌ laa vɨɨ shɨ vəŋ yaa kɨ ywaŋ fazɨ vəŋ fɨ shɨ fwàŋ Herod.

Akts 13:4

Faŋ Zwitə Ley Nwi nə tɔ̀ŋ vəŋ nɨniŋ nə, vəŋ siꞌ gə ntɨꞌ Selusia, ŋìi taa bay kwalə, tɔ̀ŋ mamuu taa bay, tɔŋ gə̀ shɨ Sayprɔs.

Akts 15:23

Vɨ kɨ nii nyɔ̀ꞌ ŋwaꞌlə, kɔ̀ tɨ́ vəŋ, vəŋ gə nə ŋwə. Taa ŋwaꞌlə ghɔ́, vɨ nə ŋwàꞌlə laa, «Nyɔꞌ vɨɨ ntɔŋ Yeso ghɔ vɨ vɨɨ taa fɨ taa məshəŋtə vɨɨ Kristo nyɔ̀ꞌ ŋwaꞌlə ŋwə̀ tɨ́ vɨɨ tətɔŋ fu faŋ viŋ biŋ nu Kristo, faŋ viŋ shi taa məshɨ mə Antiɔk nə Siria nə Saylisia. Yia nyɔ̀ꞌ tɨ́ viŋ yaa vaŋ-nshwi viŋ, shɔꞌtə viŋ jəə jəə.

Akts 15:39

Nɨniŋ, vəŋ nə kii ntay taa ŋwaa vəŋ, tày dɨdɨꞌ, buu gàasə. Barnabas kɨ nii ndì Jɔn Mark, ghɔ ŋwə ŋii taa bay kwalə, tɔŋ gə̀ shɨ Sayprɔs.

Akts 15:41

shɔ̀ɔ fɨ taa məshɨ mə Siria nə Saylisia, tòꞌ wèꞌsə vɨɨ məbiŋ Kristo maa nu Nwi maa vəshəŋ vənshə.

Akts 18:18

Nu kɔ́ kɨ me, Pɔɔl baa shi yifi tày, baa kɨ nii kɔ̀ bwey-jəə tɨ́ vɨɨ məbiŋ nu Kristo, siꞌ gə̀ ntɨꞌ Keŋkria, kɔ̀ŋ tɔ ki, buꞌ laa ŋwə nə kɔ̀ꞌnə nu tɨ́ Nwi, ghɔ vɨ Prisila nə Akwila, kɨ nii ŋìi taa bay kwalə, tɔŋ gə njɨɨ Siria.

Akts 21:16

Yia vɨ vɨɨ məbiŋ nu Kristo vəmɔ́ꞌ fɨ ntɨꞌ Sisaria gə mɔ́ꞌ. Vəŋ gə twèy yia taa ŋii wə mɔ́ꞌ faŋ yizii yi lùu Mənasɔn, wuu Sayprɔs, faŋ nə luu wuu məbiŋ nu Kristo shù fɨshi, laa yia shi fu ŋwə.

Akts 21:2

Faŋ yia nə ziꞌ Patara, yè bay kəmɔ́ꞌ faŋ ŋkə gə Fənishia. Yia ŋii shɔ gə̀,

Akts 21:7

Nɨniŋ, yia nə metə yitoꞌ yia, ndɔ̀ fɨ Tayra, gə ziꞌ Tɔlemeɔs, yè vɨɨ məbiŋ nu Kristo faŋ vəŋ nə luu yifi, shɔ̀ꞌtə vəŋ, yia vɨ vəŋ shi sheꞌ shi kəmuꞌ.

Akts 27:4

Yia baa ndɔ fɨ fuŋ, kɨ toꞌ fɨ taa bay kɔ́, shɔɔ sheꞌ fɨ nshənə fɨ shɨ Sayprɔs, buꞌ faŋ fɨɨ nə fə̀ŋ yia.

Akts 4:36

Nɨniŋ, wə mɔ́ꞌ nə luu shɔ, yizii yi luu Josef. Vɨɨ ntɔŋ Yeso shù yizii yi nə Barnabas, faŋ lùu laa wuu məkɔ wutə. Ŋwə nə luu wuu Levi. Vɨ nə bi ŋwə shɨ Sayprɔs.