Akts 21:16 - Vengo (Babungo)

¹⁶ Yia vɨ vɨɨ məbiŋ nu Kristo vəmɔ́ꞌ fɨ ntɨꞌ Sisaria gə mɔ́ꞌ. Vəŋ gə twèy yia taa ŋii wə mɔ́ꞌ faŋ yizii yi lùu Mənasɔn, wuu Sayprɔs, faŋ nə luu wuu məbiŋ nu Kristo shù fɨshi, laa yia shi fu ŋwə.

Akts 21:16 ပူးပေါင်းရင်းမြစ်များ

Akts 10:24

Fu kɨ lee vəŋ ziꞌ ntɨꞌ Sisaria, tɨ́ Kɔrniliɔs kɨꞌ vəŋ, bàytə vɨɨ yikuu vi nə vɨɨmba vi shəŋ muꞌ.

Akts 10:48

Nɨniŋ, Pita gi laa vɨ kɔ muu mə Nwi tɨ́ vəŋ maa yizii Yeso Kristo. Vəŋ kɨ nii bùꞌ ghɔ tɨ́ ŋwə laa ghɔ vɨ vəŋ shi vəshi vəmɔ́ꞌvə.

Akts 11:19

Yighee njyə faŋ vɨ nə zwì Stefen nə, vɨ tey kɨ kɔ ŋɨꞌ tɨ́ vɨɨ məbiŋ nu Yeso vəmɔ́ꞌ nɨzi, vəŋ saykə. Vɨɨ vəmɔ́ꞌ fɨ taa ŋwaa vəŋ gə ŋkee taa məshɨ mə Fənishia nə Sayprɔs nə Antiɔk. Vəŋ nəə toꞌ fɨꞌtə nu Kristo vəshəŋ vəshəŋ, fɨꞌtə sheꞌ tɨ́ vɨɨ Jus.

Akts 15:39

Nɨniŋ, vəŋ nə kii ntay taa ŋwaa vəŋ, tày dɨdɨꞌ, buu gàasə. Barnabas kɨ nii ndì Jɔn Mark, ghɔ ŋwə ŋii taa bay kwalə, tɔŋ gə̀ shɨ Sayprɔs.

Akts 15:7

Faŋ ntay nə yaŋ, Pita ndɔ yizɔ, gì tɨ́ vəŋ laa, «Vaŋ-nshwi vaŋ, viŋ kɔꞌ kɨɨ laa Nwi nə shòꞌ mə fɨ taa ŋwaa viŋ fɨshi, laa vɨɨ tətɔŋ fu zɔ ntɔŋ yijəə fɨ shuu mə, nùŋ fwisə vəŋ maa Kristo.

Akts 21:8

Fu lee yia ndɔ gə ntɨꞌ Sisaria, gə̀ ŋìi taa ŋii Filip, wuu məfɨꞌtə ntɔŋ yijəə Nwi, faŋ ŋwə nə luu fɨ maa vɨɨ kwatia vì, faŋ vɨ nə nùŋsə vəŋ maa faꞌ Nwi maa yighee vɨsɨ nə. Yia kɨ nii shì taa ŋii ŋwə.

Akts 4:36

Nɨniŋ, wə mɔ́ꞌ nə luu shɔ, yizii yi luu Josef. Vɨɨ ntɔŋ Yeso shù yizii yi nə Barnabas, faŋ lùu laa wuu məkɔ wutə. Ŋwə nə luu wuu Levi. Vɨ nə bi ŋwə shɨ Sayprɔs.

Akts 8:40

Gə fɨ maa Filip, ŋwə ye ŋwaa wi ntɨꞌ Atsotɔs, baa shɔɔ fɨ taa ntɨꞌsə səmɔ́ꞌ, fɨꞌtə ntɔŋ yijəə Nwi, buu gə ziꞌ ntɨꞌ Sisaria.

Roma 16:7

Viŋ shɔꞌtə Andronikɔs nə Junias, faŋ lùu vɨɨ shɨ vaŋ nə, yia vɨ vəŋ nə luu taa ŋii mfiŋ mɔ́ꞌ. Vəŋ lùu vɨɨ kwalə fɨ taa ŋwaa vɨɨ ntɔŋ Kristo, baa lùu vənshɔɔ vɨsɨ vaŋ maa nu Kristo.

Filemon 1:9

Mə bee kii buꞌ ghɔ tɨ́ ghɔ, buꞌ laa mə kàw ghɔ. Mə buꞌ ghɔ tɨ́ ghɔ yaa wuu taa, yuu mə luu wuu taa nə. Mə baa luu wə taa ŋii mfiŋ buꞌ nu Yeso Kristo maa yighee ndwə.