Akts 20:7 - Vengo (Babungo)

⁷ Kɨ luu maa shi vɨsɨ faŋ yiwiŋ zì, yia faynə shəŋ muꞌ, yia vɨ vɨɨ məbiŋ nu Kristo maa məbɨꞌtə bee, Pɔɔl gi ghɔ vɨ vəŋ, buꞌ laa ŋwə nəə kəə ndɔ̀, faŋ fu taa lee. Nɨniŋ, ŋwə gi yigi zìꞌ nɨntəŋ vətuꞌ.

Akts 20:7 ပူးပေါင်းရင်းမြစ်များ

Mark 16:9

[Nə luu maa mfɔŋ shi fɨ taa yiwiŋ, ŋkee taa nshia-ndoo-mbisɨ, faŋ Yeso nə ywèy fɨ shɨ yiku. Ŋwə kɨ nii fùu yikəꞌ Meri Madalin vɨsɨ. Lùu ŋwə faŋ Yeso nə fùusə vəzwitə vəbwəvə kwatia fɨ maa ŋwə.

Lukas 22:19

Ŋwə baa ndì bee, shɔ̀ꞌtə Nwi, bɨ̀ꞌtə, kɔ̀ tɨ́ vəŋ, gì laa, «Lùu ŋwaa ŋwaa nə, [faŋ mə ndɔ kɔ tɔ viŋ. Viŋ ndɔ kɨ yɨsə nɨniŋ, lumə mə.»

Lukas 24:35

Vəŋ kɨ nii nàysə nu ŋkɨə faŋ ŋkə gày jɨɨ nə, baa nə faŋ vəŋ nii kɨ̀ɨ nə Yeso buꞌ məbɨꞌ bee wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:1

Shi zwisə kɔ́ kɨ shɔɔ, fu kɨ lee maa shi vɨsɨ maa yiwiŋ, Meri Madalin fuu kɨ gə shuu swi Yeso ŋkee taa wee-leefu, faŋ fu kee ta yigaasə me. Ŋwə ziꞌ yifi, ye laa vɨ bàꞌsə ŋoꞌ njyə faŋ vɨ yaa nùŋ shuu swi yɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:19

Kɨ lùu laynəfu maa shi kɔ́, faŋ nə luu shi vɨsɨ fɨ taa yiwiŋ, vɨɨ məzwetə nu Yeso baytə taa ŋii yimɔ́ꞌ, fə̀ŋ shuufɔ, buꞌ laa vəŋ nəə fee vɨɨ Jus. Faŋ vəŋ nə luu yifi, Yeso fuu taa ŋwaa vəŋ, shɔ̀ꞌtə vəŋ laa, «Mənɔŋ-bwaŋnə tɔ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:26

Vəshi shɔɔ yifɔŋ, vɨɨ məzwetə nu Yeso baa bàytə taa ŋii, Tɔmas luu shɔ ghɔ vɨ vəŋ mɔ́ꞌ. Faŋ vəŋ nə kɔlə fə̀ŋ shuu ŋii, Yeso fuu taa ŋwaa vəŋ, shɔꞌtə vəŋ, gì laa, «Mənɔŋ-bwaŋnə tɔ viŋ,»

Akts 16:10

Faŋ njyəə yɔ́ nə shì Pɔɔl nɨniŋ nə, vəŋ kəə bay maa mətɔŋ gə̀ njɨɨ Makedonia, buꞌ laa vəŋ nə kɨɨ laa tii Nwi tii vəŋ, laa vəŋ tɔŋ gə̀ fɨ̀ꞌtə ntɔŋ yijəə Nwi tɨ́ vɨɨ Makedonia.

Akts 2:42

Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Akts 20:11

Pɔɔl kɨ nii baa bə̀ŋ koꞌ gə̀ taa ŋii, bɨ̀ꞌ bee, gàatə tɨ́ vɨɨ, ghɔ vɨ vəŋ zɨ, baa bə̀ŋ gì tɨ́ vəŋ, buu fu lee, ŋwə kɨ nii yindɔ gə̀.

Akts 20:31

Nɨniŋ, viŋ kɨ shi nə yikɨꞌ, lumə faŋ nsiŋ nə shì mɔ́ꞌ maa ŋuꞌsə tia, mə nəə tɨsə viŋ wə nə muꞌ nə muꞌ, vətuꞌ nə shɨshwi, kee bwa me, mənsɨ baa sìꞌ fɨ sɨ mə buꞌ viŋ.

Akts 20:5

Vɨɨ vɔ́ kɨ nii shɔɔ vɨsɨ, gə̀ kɨ̀ꞌ Pɔɔl shɨ Troas.

Akts 20:9

Wəndɔŋ zawə mɔ́ꞌ nə luu shɔ, yizii yi luu Yutikɔs. Ŋwə nə duꞌnə shuu buꞌ ŋii. Mbweysə koo ŋwə, buꞌ faŋ Pɔɔl nə gi tày dɨdɨꞌ nə. Faŋ mbweysə nə ghɔꞌ ŋwə nɨniŋ nə, ŋwə gu ŋkee fɨ taa njɨɨ ŋii fɨ yizɔ nsi, vɨ shaꞌ ŋwə sheꞌ ŋku.

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

1 Kɔrintian 10:16

Maa yighee njyə faŋ nsiŋ yaa kɨ zɨ fazɨ Mbɔŋ, nsiŋ yaa kɨ bwaŋ Nwi maa ndaw məluꞌ. Faŋ nsiŋ nu məluꞌ mbɔ́, nsiŋ vɨ Yeso Kristo faynə gù fa kəmuꞌ taa mənshi ŋwə. Faŋ nsiŋ bɨ̀ꞌ bee zɨ, nsiŋ faynə nsiŋ vɨ ŋwaa Kristo.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

1 Kɔrintian 16:2

Bàw laa yiwiŋ tɨ̀ me yiwiŋ, maa mfɔŋ shi fɨ taa yiwiŋ, bàw wə tɨ̀ me wə nuŋsə fa ŋkɨə faŋ ŋkə lùu kəjəə tɨ́ ŋwə. Kee bàw laa viŋ ndɔ tey kɨ baytə ka sheꞌ maa yighee njyə faŋ mə ndɔ luu yɨ viŋ nə me.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

Reveleyshən 1:10

Kɨ luu maa shi zwisə Nwi mɔ́ꞌ, Zwitə Ley Nwi ŋii maa mə, mə zɔ gɨ wə gi fɨ yiba jɨŋ mə nəŋay yaa gɨ yisaw.