Akts 20:6 - Vengo (Babungo)

⁶ Pɔɔl shi Filipi maa vəshi mbɨə faŋ vɨɨ Jus yaa kɨ zɨ bee faŋ fənsɨŋ kee lùu taa tey yi me. Vəshi vɔ́ kɨ mè, ŋwə ndɔ fɨ Filipi, ghɔ wə ntɨə faŋ ŋwə nyɔꞌ ŋwaꞌlə ŋwə̀, ŋìi taa bay kwalə, tɔ̀ŋ gə Troas nɨzi. Yitoꞌ yɔ́ nə ndi vəshi tee. Faŋ yia nə ziꞌ Troas nɨniŋ nə, baa kii faynə yia vɨ vɨɨ vɔ́, faŋ vəŋ nə shɔɔ gə vɨsɨ nə, ghɔ vɨ vəŋ baa kɨ shi Troas vəshi kwatia.

Akts 20:6 ပူးပေါင်းရင်းမြစ်များ

Akts 12:3

Faŋ ŋwə nə ye laa ŋkə bàw tɨ́ vɨɨ Jus, ŋwə shɔɔ vɨsɨ, baa jìa Pita. Nə luu maa yighee yitianə yimɔ́ꞌ faŋ vɨɨ Jus yaa kɨ zɨ bee faŋ vɨ kee kwàŋ fənsɨŋ taa tey yi me.

Akts 16:10

Faŋ njyəə yɔ́ nə shì Pɔɔl nɨniŋ nə, vəŋ kəə bay maa mətɔŋ gə̀ njɨɨ Makedonia, buꞌ laa vəŋ nə kɨɨ laa tii Nwi tii vəŋ, laa vəŋ tɔŋ gə̀ fɨ̀ꞌtə ntɔŋ yijəə Nwi tɨ́ vɨɨ Makedonia.

Akts 16:12

baa ndɔ̀ fɨ fuŋ, toꞌ gə̀ zìꞌ Filipi, faŋ luu ŋkee ntɨꞌ vɨsɨ fɨ shɨ Makedonia. Shəŋ kɔ́ nə baa luu ntɨꞌ vəndɔ tɨ́ vɨɨ Rom. Vəŋ kɨ nii shì yifi maa vaŋ-mbusə vəshi.

Akts 16:8

Nɨniŋ, vəŋ shɔɔ fɨ mbɨɨ Misia, siꞌ gə̀ ziꞌ Troas.

Akts 20:16

Yia nə gə̀ nɨniŋ, buꞌ laa Pɔɔl nə gì laa yi taa shɨshɔɔ fɨ Efesɔs, laa kɨ yi bɨsə yighee nsi Asia me. Ŋwə nəə kəə toꞌ titi, tɨ́ kaꞌ yighee mɔ́ꞌ ŋwə ziꞌ ntɨꞌ Jerusalem maa shi Pentekos.

Akts 20:5

Vɨɨ vɔ́ kɨ nii shɔɔ vɨsɨ, gə̀ kɨ̀ꞌ Pɔɔl shɨ Troas.

Akts 21:4

Faŋ yia nə zìꞌ Tayra nɨniŋ nə, gə̀ yè vɨɨ məbiŋ nu Kristo faŋ vəŋ nə luu yifi, yia vɨ vəŋ shi vəshi kwatia. Vɨɨ vɔ́ twey tɨ́ Pɔɔl laa, kɨ ŋwə gə Jerusalem me, buꞌ laa Zwitə Nwi nə də̀ nu Pɔɔl tɨ́ vəŋ.

Akts 21:8

Fu lee yia ndɔ gə ntɨꞌ Sisaria, gə̀ ŋìi taa ŋii Filip, wuu məfɨꞌtə ntɔŋ yijəə Nwi, faŋ ŋwə nə luu fɨ maa vɨɨ kwatia vì, faŋ vɨ nə nùŋsə vəŋ maa faꞌ Nwi maa yighee vɨsɨ nə. Yia kɨ nii shì taa ŋii ŋwə.

Akts 28:14

Faŋ yia nə zìꞌ yifi, yè vɨɨ məbiŋ nu Kristo vəmɔ́ꞌ. Vəŋ buꞌ ghɔ tɨ́ yia laa yia vɨ vəŋ shi vəshi kwatia. Nɨniŋ, yia shi shɔ, buu baa ndɔ̀ gə̀ shɨ Rom.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

1 Tesalonika 2:2

Viŋ baa luu kɨɨ faŋ yia nə bɨ yè ŋɨꞌ ntɨꞌ Filipi, vɨɨ kɔ ŋɨꞌ tɨ́ yia dɨdɨꞌ. Luu nə, yia jia fwi buꞌ Nwi wia, jwi fɨ̀ꞌtə ntɔŋ yijəə Nwi tɨ́ viŋ, faŋ vɨ nə kɔlə nywènə yia nə.

2 Timoti 4:13

A taa kii jwi, a ndì kutə ŋwaa faŋ mə nə mèꞌtə shɨ Troas tɨ́ Karpɔs. Ndi vəŋwaꞌlə nɨzi, ŋkee mbɨə faŋ vɨ naysə fɨ maa gɔ nyaa nə.