Akts 20:32 - Vengo (Babungo)

³² Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Akts 20:32 ပူးပေါင်းရင်းမြစ်များ

Mark 10:17

Yeso kɨ nii fùu fu, zìꞌ jɨɨ, wə mɔ́ꞌ nyɨŋ jwì, tùŋ vətɔ vəyəə vi nsi vɨsɨ ŋwə, bìtə tɨ́ ŋwə laa, «Tɨta, a lùu wuu jəə. Mə kəə bitə tɨ́ ghɔ laa, mə sii taa yɨ kə buu zɨ məbwey vəlwaŋ faŋ ŋwə gòꞌsə yighee muꞌ?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:3

Gə̀ fɨ maa viŋ, viŋ lùu yaa təntaŋ tɔ́ faŋ vɨ duꞌtə vɨ yɔꞌ, tɨ́ kaꞌ viŋ kɨ kwaanə jəə. Yigisə njyə faŋ mə nə gì tɨ́ viŋ, yɨsə làa viŋ ley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:17

Yɨsə vəŋ luu vɨɨ və, baa bàw, buꞌ faŋ vəŋ ye nu ŋkɨə faŋ ŋkə lùu yinsəŋ. Də yigisə yə də nu ŋkɨə faŋ lùu nu yinsəŋ.

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 14:23

Maa vəshəŋ vənshə vəŋ shoꞌ vɨɨ, nùŋsə vəŋ maa vɨɨ taa fɨ taa məshəŋtə vɨɨ Kristo, baŋ fazɨ, shɔꞌtə Nwi, mɔꞌ ghɔ vəŋ tɔ vɨɨ taa vɔ́, nuŋsə vəŋ vɨsɨ tɨta Yeso, laa ŋwə shiinə vəŋ, yuu vəŋ nə nùŋ fwisə vəŋ maa ŋwə nə.

Akts 14:26

Vəŋ baa ndɔ̀ fɨ yifi, ŋìi taa bay kwalə, tɔ̀ŋ mamuu, bə̀ŋ gə̀ Antiɔk, faŋ lùu shəŋ ŋkɨə faŋ vəŋ nə bɨ ndɔ̀ fɨ fuŋ nə, faŋ vaŋ-nshwi vəŋ maa yizii Kristo nə shɔꞌtə Nwi, tɔŋ vəŋ maa faꞌ Nwi, ŋgwə faŋ vəŋ bə̀ŋ fɨ fuŋ ndwə nə.

Akts 14:3

Luu nə, Pɔɔl ghɔ Barnabas shi yifi tày, fɨ̀ꞌtə nu Nwi ntee, buꞌ laa vəŋ nə nùŋ fwisə vəŋ sheꞌ maa tɨta Yeso. Tɨta Yeso luu yiba jɨŋ vəŋ, kɔ wutə tɨ́ vəŋ laa vəŋ kɨ yɨsə vənu və shuu yɔŋvə, tɨ́ kɨ kaꞌ vɨɨ yè laa yigisə vəŋ kɔ̀ŋ gəŋsə Nwi lùu yinsəŋ.

Akts 15:40

Pɔɔl shoꞌ Silas. Nshəŋtə vɨɨ Kristo shɔꞌtə Nwi tɔ Pɔɔl ghɔ Silas laa Nwi gaŋtə vəŋ. Vəŋ ndɔ, tòꞌ fɨ nsi,

Akts 20:24

Luu nə, mə kee fii ŋwaa ŋwaa nə nu me. Mə kəə sheꞌ laa mə yɨsə, ndɔ mètə faꞌ ŋgwə faŋ Yeso nə kɔ̀ shee, laa mə faꞌ nə, laa mə fɨꞌtə ntɔŋ yijəə Nwi, faŋ Nwi kee gəŋsə vɨɨ, kəə kɔ məbwey vəlwaŋ tɨ́ vɨɨ.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 9:31

Nɨniŋ ghɔ́, vɨɨ məbiŋ Kristo fɨ taa məshɨ mə Judia nə Galilii nə Samaria mənshə nə dùꞌ bwaŋnə, baa toꞌ maa ghuu yitoꞌ tɨta Yeso, fee Mɔꞌmbi. Zwitə Ley Nwi yɨsə vɨɨ vəmɔ́ꞌvə baa kùꞌsə nwaa vəŋ.

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

1 Kɔrintian 1:2

Yia Sɔsteniis nyɔꞌ ŋwaꞌlə ŋwə̀ tɨ́ nwaa vɨɨ Nwi fɨ shɨ Kɔrint. Viŋ lùu vɨɨ ley Nwi buꞌ faŋ viŋ fàynə viŋ vɨ Yeso Kristo. Nə shòꞌ Nwi shòꞌ viŋ laa viŋ luu vɨɨ vi, ghɔ vɨ vɨɨ vənshə, faŋ vəŋ bəŋsə Tii ŋwaa-nsiŋ Yeso Kristo maa vəshəŋ vənshə. Yeso Kristo lùu Tɨɨ vəŋ, baa lùu Tii ŋwaa-nsiŋ nɨzi.

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

Efesɔs 1:14

baa luu mfɔŋsə vətɔ faŋ nsiŋ ndɔ zɨ. Zwitə Ley kɔ́ baa luu shwenə faŋ ŋkə də̀ laa Nwi ndɔ yweysə nwaa vɨɨ vi, tɨ́ la vɨ kɨ bəŋsə yikwalə Nwi.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 4:12

Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ.

Efesɔs 4:16

Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.

Efesɔs 5:5

Viŋ kɔꞌ kɨɨ ŋkee jəə laa kɨ tuu wuu mətii vəki nə mətoꞌ sakə, tɨꞌnə me, yɨ-kəbwə, tɨꞌnə me wuu məzɨ shɨ, ndɔ kɨ shi taa ŋwaa vɨɨ nu yifwàŋ Kristo nə Nwi me. Kəŋ vɨɨ vɔ́ lùu yaa vɨɨ məfeꞌ vənwi vədayday.

Kɔlɔsii 1:12

Viŋ kɨ bwaŋ Tii ŋwaa-nsiŋ fɨ yizɔ nə məŋaytə! Yɨsə ŋwə buu viŋ kùꞌnə laa viŋ ndɔ zɨ vənu mbɨə faŋ ŋwə nə nùŋsə tɨ́ vɨɨ vi maa shəŋ ŋkɨə faŋ məley Nwi bee shɔ nə.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

Kɔlɔsii 3:24

Viŋ kɔꞌ kɨɨ laa tɨta Yeso Kristo ndɔ ndɔꞌ viŋ, faŋ viŋ ndɔ zɨ məbwey vəlwaŋ fɨ ghɔ ŋwə, buꞌ laa viŋ lùu vɨɨ faꞌ Kristo nə.

Hibru 10:14

Nɨniŋ, Kristo nə fèꞌ ndey yimuꞌ, yɨ̀sə laa vɨɨ mbɨə faŋ vəŋ lùu vəley buꞌ ŋwə nə, ndɔ zɨ məbwey vəlwaŋ nɨzi, faŋ ŋwə gòꞌsə yighee muꞌ.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

Hibru 2:11

Yeso yɨsə vɨɨ duꞌ vəley vɨsɨ Nwi. Vɨɨ mbɨə faŋ Yeso yɨ̀sə vəŋ duꞌ vəley nə, ghɔ nshɨ-tɔ Yeso kìi Tɨɨ vəŋ muꞌ. Lùu ŋiꞌ nu ŋkɨə faŋ Yeso tii vəŋ nə vaŋ-nshwi vi. Tɔ ki kee dɨ̀ɨ shɔ me.

Hibru 9:15

Ŋkə də̀ laa Yeso lùu wə ntɨə faŋ ŋwə tɨŋ nɨntəŋ ŋwaa nsiŋ vɨ Nwi. Ŋwə nə jwì nə məkee məfimə, laa vɨɨ mbɨə faŋ Nwi tìi vəŋ laa vəŋ lùu mbii vɨɨ nə, jwi fì məbwey vəlwaŋ, faŋ Nwi nə kɔ̀ꞌnə maa məkɔ tɨ́ vəŋ nə. Kristo nə lòotə məkee məfimə mbɔ́ faŋ ŋwə nə kù tɔ nsiŋ nə. Yiku yi fuusə vɨɨ fɨ taa vənu vəbwəvə vəŋ faŋ vəŋ nə yɨ̀sə maa yighee njyə faŋ məkee məmwamə nəə kɨ bii sɔ̀ꞌ vəŋ nə.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.