Akts 20:20 - Vengo (Babungo)

²⁰ Viŋ kɔꞌ kɨɨ laa mə nə kee ndɨ̀ə tuu nu fɨ ghɔ viŋ me. Maa yighee njyə faŋ mə nə fɨꞌtə, baa deesə nu Nwi tɨ́ vɨɨ vənshə ntee, baa nə maa yighee njyə faŋ mə nəə gisə tɨ́ wə nə muꞌ nə muꞌ taa ndɔꞌ viŋ, mə naysə vənu vənshə tɨ́ viŋ faŋ kaꞌ mbə taa gaŋtə viŋ.

Akts 20:20 ပူးပေါင်းရင်းမြစ်များ

Mark 4:34

Ŋwə nəə gisə tɨ́ vəŋ sheꞌ maa ghaŋ tii, kɨ gə̀ yiba maa vɨɨ məzwetə nu ki, twèlə tɨ́ vəŋ.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Akts 20:27

buꞌ laa mə nə nàysə nu Nwi tɨ́ viŋ kənshə, kee mèꞌtə tuu nu faŋ ŋkə lùu taa ŋkɨɨ Nwi me.

Akts 20:31

Nɨniŋ, viŋ kɨ shi nə yikɨꞌ, lumə faŋ nsiŋ nə shì mɔ́ꞌ maa ŋuꞌsə tia, mə nəə tɨsə viŋ wə nə muꞌ nə muꞌ, vətuꞌ nə shɨshwi, kee bwa me, mənsɨ baa sìꞌ fɨ sɨ mə buꞌ viŋ.

Akts 5:2

Ŋwə kɨ nii ndì sheꞌ way ka ghɔ́ faŋ ŋwə nə fìŋ yindɨɨ yi yɔ́ nə, jwì nə ŋwə vɨsɨ vɨɨ ntɔŋ Yeso, faŋ ghɔ zu wi shə̀ŋtə, ndɨ̀ə way.

Akts 5:42

Vəŋ kee mèꞌtə fɨ kɨ deesə ntɔŋ yijəə Nwi shi shi taa ŋii Nwi yikwalə nə taa ndɔꞌ vɨɨ me. Vəŋ nəə fɨꞌtə laa Yeso luu Kristo, wuu məbweysə vɨɨ.

1 Kɔrintian 12:7

Zwitə Nwi yaa kɨ dəsə nu tɨ́ wə tɨ̀ me wə, sheꞌ laa wə ghɔ́ taa kɨ gaŋtə vɨɨ Nwi vənshə nə nu kɔ́.

1 Kɔrintian 14:6

Vaŋ-nshwi vaŋ, maa yighee njyə faŋ mə taa jwi yɨ viŋ, kɨ ghaŋ laa mə gisə sheꞌ maa təghaŋ nɨŋkwiŋ nɨŋkwiŋ, buu mə taa gaŋtə viŋ kɨkə? Kaꞌ mə gaŋtə viŋ sheꞌ faŋ mə deesə nu Nwi tɨ́ viŋ ŋkee kəley, naysə nu ŋkɨə faŋ Nwi də̀ shee tɨ́ viŋ, baa fɨ̀ꞌtə nu tɔ-ley tɨ́ viŋ faŋ Nwi kɔ̀ shee.

1 Kɔrintian 15:3

Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.

Filipi 3:1

Vaŋ-nshwi vaŋ, vəndwə və yigi vaŋ lùu laa, viŋ kɨ ŋaytə maa tɨta Kristo. Faŋ mə kɔlə nyɔ̀ꞌ vənu faŋ mə nə tèꞌsə nyɔ̀ꞌ nə, mə kee bee yibwa maa mənyɔꞌ vənu vɔ́ me. Yigi yɔ́ taa kɨ yɨsə viŋ weꞌ maa nu Nwi.

Kɔlɔsii 1:28

Luu sheꞌ nu Kristo kɔ́ faŋ yia fɨꞌtə tɨ́ vɨɨ nə. Yia tɨsə vɨɨ vənshə, baa naysə nu Nwi tɨ́ vɨɨ vənshə nə yitɔfə yinshə, tɨ́ kaꞌ wə tɨ̀ me wə faŋ ŋwə kwàŋ fwi yi maa Kristo, kɨ toꞌ maa jɨɨ njyə faŋ Nwi kàw, maa vənu vənshə.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.