Akts 20:18 - Vengo (Babungo)

¹⁸ Faŋ vəŋ nə jwi yè ŋwə, ŋwə gi tɨ́ vəŋ laa, «Viŋ kɔꞌ kɨɨ faŋ mə nə shì taa ŋwaa viŋ, shù fɨ maa shi vɨsɨ faŋ mə nə bɨ tə̀ ghuu kaŋ nsi Asia nə.

Akts 20:18 ပူးပေါင်းရင်းမြစ်များ

Akts 18:19

Faŋ vəŋ nə ziꞌ shɨ Efesɔs, ŋìi taa ŋii məshɔꞌtə Nwi vɨɨ Jus, gi tɨ́ vɨɨ Jus, kɨ nii mèꞌtə Prisila ghɔ Akwila shɨ Efesɔs.

Akts 19:1

Nə luu maa yighee yɔ́ faŋ Apɔlɔs nə luu ntɨꞌ Kɔrint fɨ shɨ Akaya, Pɔɔl shɔɔ fɨ taa təkweꞌ fɨ nsi Asia, siꞌ jwi shɨ Efesɔs. Faŋ ŋwə nə ziꞌ shɨ Efesɔs, yè vɨɨ məbiŋ nu Kristo vəmɔ́ꞌ,

Akts 19:10

Vəŋ yɨsə nɨniŋ maa ŋuꞌsə bɔɔ. Nɨniŋ, vɨɨ Jus ghɔ vɨ vɨɨ Griik vənshə faŋ vəŋ nəə shi maa kwiŋ Asia zɔ nu tɨta Yeso.

Akts 20:16

Yia nə gə̀ nɨniŋ, buꞌ laa Pɔɔl nə gì laa yi taa shɨshɔɔ fɨ Efesɔs, laa kɨ yi bɨsə yighee nsi Asia me. Ŋwə nəə kəə toꞌ titi, tɨ́ kaꞌ yighee mɔ́ꞌ ŋwə ziꞌ ntɨꞌ Jerusalem maa shi Pentekos.

Akts 20:4

Faŋ ŋwə nə shɔ̀ɔ fɨ shɨ Makedonia nə, vɨɨ mɔ́ꞌ nə luu shɔ faŋ ghɔ vɨ Pɔɔl toꞌ mɔ́ꞌ. Vɨɨ vɔ́ luu Sopata, wee Pirɔs fɨ Berea, nə Aristarkɔs ghɔ Sekundɔs fɨ ntɨꞌ Tesalonika, nə Gayɔs ghɔ Timoti fɨ Derbi, nə Tikikɔs ghɔ Trofimɔs fɨ kwiŋ Asia.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Timoti 3:10

Gə fɨ maa ghɔ, a nə ndì ghuu yitoꞌ kaŋ maa nu ŋkɨə faŋ mə nə dèesə nə, baa luu bèꞌsə mə fɨ maa nshinə nyaa, baa nə faŋ mə kəə jɨɨsə maa məgə vɨsɨ vɨsɨ, nùŋ fwi nyaa maa Kristo, jìa fwi, dùꞌ bwaŋnə, kàw vɨɨ, jia fwi nyaa faŋ vɨ kɔ ŋɨꞌ tɨ́ mə.