Akts 20:17 - Vengo (Babungo)

¹⁷ Faŋ yia nə ziꞌ Miletɔs, Pɔɔl tɔŋ ntɔŋ shɨ Efesɔs, tìi vɨɨ taa fɨ taa məshəŋtə vɨɨ Kristo fɨ shɨ Efesɔs.

Akts 20:17 ပူးပေါင်းရင်းမြစ်များ

Akts 11:30

Vəŋ yɨsə nɨniŋ, kɔ̀ vətɔ vɔ́ tɨ́ Barnabas ghɔ Sɔɔl, tɔŋ vəŋ, vəŋ gə kɔ̀ tɨ́ vɨɨ taa fɨ taa nshəŋtə vɨɨ Kristo ntɨꞌ Jerusalem.

Akts 14:23

Maa vəshəŋ vənshə vəŋ shoꞌ vɨɨ, nùŋsə vəŋ maa vɨɨ taa fɨ taa məshəŋtə vɨɨ Kristo, baŋ fazɨ, shɔꞌtə Nwi, mɔꞌ ghɔ vəŋ tɔ vɨɨ taa vɔ́, nuŋsə vəŋ vɨsɨ tɨta Yeso, laa ŋwə shiinə vəŋ, yuu vəŋ nə nùŋ fwisə vəŋ maa ŋwə nə.

Akts 15:23

Vɨ kɨ nii nyɔ̀ꞌ ŋwaꞌlə, kɔ̀ tɨ́ vəŋ, vəŋ gə nə ŋwə. Taa ŋwaꞌlə ghɔ́, vɨ nə ŋwàꞌlə laa, «Nyɔꞌ vɨɨ ntɔŋ Yeso ghɔ vɨ vɨɨ taa fɨ taa məshəŋtə vɨɨ Kristo nyɔ̀ꞌ ŋwaꞌlə ŋwə̀ tɨ́ vɨɨ tətɔŋ fu faŋ viŋ biŋ nu Kristo, faŋ viŋ shi taa məshɨ mə Antiɔk nə Siria nə Saylisia. Yia nyɔ̀ꞌ tɨ́ viŋ yaa vaŋ-nshwi viŋ, shɔꞌtə viŋ jəə jəə.

Akts 15:4

Nɨniŋ, vəŋ gə ziꞌ Jerusalem. Məshəŋtə vɨɨ Kristo fɨ ntɨꞌ Jerusalem ndi vəŋ nə məŋaytə. Vɨɨ ntɔŋ Kristo nə vɨɨ taa fɨ taa məshəŋtə ghɔ́ jia vəŋ jəə. Vəŋ naysə vənu vənshə faŋ Nwi nə gàŋtə vəŋ, vəŋ yɨsə.

Akts 15:6

Vɨɨ ntɔŋ Kristo nə vɨɨ taa fɨ taa nshəŋtə yɔ́ baytə, duꞌnə kɨ kwaꞌtə tɔ vəŋ maa nu kɔ́.

Akts 16:4

Vəŋ baa kii shɔɔ fɨ taa məshɨ, toꞌ nàysə vənu mbɨə faŋ vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo fɨ ntɨꞌ Jerusalem nə nuŋsə nə, laa vəŋ kɨ zɔnə, yɨ vənu vɔ́.

Akts 18:19

Faŋ vəŋ nə ziꞌ shɨ Efesɔs, ŋìi taa ŋii məshɔꞌtə Nwi vɨɨ Jus, gi tɨ́ vɨɨ Jus, kɨ nii mèꞌtə Prisila ghɔ Akwila shɨ Efesɔs.

Akts 20:15

Fu lee yia baa gə vɨsɨ, zìꞌ shuu yɨ Kiɔs. Fu lee yia gə zìꞌ Samɔs. Shi baa shɔ̀ɔ kəmuꞌ, yia ziꞌ Miletɔs.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

1 Timoti 5:17

Bàw vɨ kɨ fee vɨɨ taa mbɨə faŋ vəŋ lùu tɔ taa məshəŋtə vɨɨ Nwi, faŋ vəŋ faꞌ faꞌ vəŋ jəə. Kɨsə kɔ feenə tɨ́ vɨɨ taa vɔ́ faŋ vəŋ sàŋ ŋwaa vəŋ maa məfɨꞌtə nu Nwi, baa twelə ŋiꞌ ki.

Taytəs 1:5

Ŋiꞌ nu ŋkɨə faŋ mə nə mèꞌtə ghɔ shɨ Kriit, lùu laa a bɔŋsə vənu mbɨə faŋ mbə nə gòꞌ nə, nùŋsə vɨɨ taa taa nshəŋtə vɨɨ Nwi ntɨꞌsə ntɨꞌsə, faŋ mə nə gì tɨ́ ghɔ nə.

Jeyms 5:14

Wə fɨ taa ŋwaa viŋ kɨ luu kɨ zasə, bàw ŋwə tii vɨɨ taa fɨ taa nshəŋtə vɨɨ Nwi, laa vəŋ jwi shɔ̀ꞌtə Nwi tɔ ŋwə, yoꞌ ŋwə nə məŋgwə maa yizii Mɔꞌmbi.

1 Pita 5:1

Gə fɨ maa vɨɨ taa fɨ taa nshəŋtə vɨɨ Nwi, mə baa kɔ yigisə ntɨ tɨ́ viŋ, yuu nshɨ-tɔ ŋwaa luu wuu taa nɨzi. Mə nə yè ŋɨꞌ njyə faŋ nyə nə ŋii Kristo nə, nə yisɨ. Mə ndɔ baa luu taa ŋwaa vɨɨ mbɨə faŋ vəŋ ndɔ zɨ nu yifwàŋ Nwi, ŋkɨə faŋ ŋkə ndɔ fuu ntee fɨkɨꞌ nə.

2 Jɔn 1:1

Luu mə, wuu taa fɨ taa nshəŋtə vɨɨ Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, yaa, viŋ vaŋ və faŋ Nwi nə shoꞌ viŋ (nshəŋtə vɨɨ Kristo). Mə kàw viŋ yinsəŋ. Kee kaw sheꞌ mə kaw viŋ nɨnɔŋ me; vɨɨ vənshə faŋ vəŋ kɨɨ nə nu Nwi yinsəŋ, kaw viŋ nɨzi.

3 Jɔn 1:1

Lùu mə, wuu taa fɨ taa məshəŋtə vɨɨ Kristo, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Gayɔs, faŋ mə kàw ghɔ yinsəŋ.