Akts 2:9 - Vengo (Babungo)

⁹ Maa nsiŋ lùu vɨɨ Partia nə vɨɨ Media, nə vɨɨ Elam, nə vɨɨ Mesopoteymia, nə vɨɨ Jus, nə vɨɨ Kapadosia, nə vɨɨ fɨ Pɔntɔs, nə fɨ Asia,

Akts 2:9 ပူးပေါင်းရင်းမြစ်များ

Akts 16:6

Vɨ Pɔɔl kɨ nii shɔ̀ɔ fɨ taa məshɨ mə Frigia nə Galatia, buꞌ laa Zwitə Ley Nwi nə fəŋ vəŋ maa məfɨꞌtə nu Nwi shɨ Asia.

Akts 18:2

Faŋ ŋwə nə ziꞌ yifi, yè wuu Jus mɔ́ꞌ faŋ yizii yi luu Akwila. Vɨ nə bì ŋwə shɨ Pɔntɔs. Ŋwə nə bɨ kɨ jɨjwi fɨ shɨ Itali ghɔ zu wi Prisila, buꞌ faŋ fwàŋ Klɔɔdiɔs nə kɔ̀ sɔꞌ laa vɨɨ Jus vənshə fuu fɨ shɨ Rom, faŋ lùu nsi Itali. Pɔɔl nə gə ye vəŋ,

Akts 19:10

Vəŋ yɨsə nɨniŋ maa ŋuꞌsə bɔɔ. Nɨniŋ, vɨɨ Jus ghɔ vɨ vɨɨ Griik vənshə faŋ vəŋ nəə shi maa kwiŋ Asia zɔ nu tɨta Yeso.

Akts 19:27

Nu kɔ́ kee ndɔ suꞌtə sheꞌ faꞌ ŋwaa-nsiŋ me, ŋkə taa suꞌtə nu ŋii nwi Artimis, yizii yikwalə yi me nɨzi. Maa vɨɨ fɨ nsi Asia yinshə nə mbi yinshə bəŋsə nwi ŋwaa-nsiŋ Artimis.»

Akts 19:31

Vɨɨ kwalə mɔ́ꞌ fɨ taa shɨ faŋ nə luu vɨɨmba Pɔɔl, nə tɔŋ ntɔŋ, bùꞌ ghɔ tɨ́ ŋwə laa, kɨ ŋwə jwi də ŋwaa wi taa shəŋ vəghay kɔ́ me.

Akts 2:8

Sii yɨ kə laa nsiŋ vənshə zɔ faŋ vəŋ gisə ŋkee maa təghaŋ taŋ-nsiŋ, faŋ nsiŋ nə ta kɨ gisə.

Akts 20:16

Yia nə gə̀ nɨniŋ, buꞌ laa Pɔɔl nə gì laa yi taa shɨshɔɔ fɨ Efesɔs, laa kɨ yi bɨsə yighee nsi Asia me. Ŋwə nəə kəə toꞌ titi, tɨ́ kaꞌ yighee mɔ́ꞌ ŋwə ziꞌ ntɨꞌ Jerusalem maa shi Pentekos.

Akts 20:18

Faŋ vəŋ nə jwi yè ŋwə, ŋwə gi tɨ́ vəŋ laa, «Viŋ kɔꞌ kɨɨ faŋ mə nə shì taa ŋwaa viŋ, shù fɨ maa shi vɨsɨ faŋ mə nə bɨ tə̀ ghuu kaŋ nsi Asia nə.

Akts 20:4

Faŋ ŋwə nə shɔ̀ɔ fɨ shɨ Makedonia nə, vɨɨ mɔ́ꞌ nə luu shɔ faŋ ghɔ vɨ Pɔɔl toꞌ mɔ́ꞌ. Vɨɨ vɔ́ luu Sopata, wee Pirɔs fɨ Berea, nə Aristarkɔs ghɔ Sekundɔs fɨ ntɨꞌ Tesalonika, nə Gayɔs ghɔ Timoti fɨ Derbi, nə Tikikɔs ghɔ Trofimɔs fɨ kwiŋ Asia.

Akts 21:27

Faŋ vəshi vɔ́ kwatia nəə kəə mè, vɨɨ Jus mɔ́ꞌ faŋ vəŋ nə ndɔ̀ fɨ kwiŋ Asia, ye Pɔɔl taa ŋii Nwi yikwalə, tey kɨ buulə fwisə nwaa vɨɨ vənshə, jìa Pɔɔl,

Akts 24:18

Nə luu maa yighee njyə faŋ mə nə gə kɔ̀ vəkɔ və Nwi taa ŋii Nwi yikwalə maa məleysə ŋwaa ŋwaa vɨsɨ Nwi, faŋ vɨ yè mə shɔ, kee bee yè mə taa nwaa vɨɨ me, tɨꞌnə me laa mə bɨbuulə nwaa vɨɨ me.

Akts 27:2

Pɔɔl ghɔ wə ntɨə faŋ ŋwə nyɔ̀ꞌ ŋwaꞌlə ŋwə̀, ŋii bay kwalə kəmɔ́ꞌ, faŋ ŋkə nə ndɔ̀ fɨ Adramitiəm, kɨ kəə gə ziꞌ kwiŋ shɨ Asia. Lùu faŋ yia nə ndɔ fɨ ntɨꞌ Sisaria, yia vɨ Aristarkɔs, wuu Makedonia mɔ́ꞌ fɨ ntɨꞌ Tesalonika.

Akts 6:9

Luu nə, vɨɨ mɔ́ꞌ nə luu shɔ faŋ vəŋ kee kàw Stefen me. Nə luu vɨɨ Jus fɨ taa ŋii məshɔꞌtə Nwi yimɔ́ꞌ, faŋ vɨ nəə tii vəŋ laa vəbuꞌ faŋ vɨ shòꞌtə fɨ maa vəŋ. Vɨɨ Kirene nə vɨɨ Alesandria nə vəmɔ́ꞌ fɨ Saylisia, nə fɨ Asia nə luu taa ŋwaa vəŋ. Vəŋ ndɔ kɨ suŋnə ghɔ vɨ Stefen.

Akts 7:2

Stefen gi laa, «Vaŋ-nshwi vaŋ nə vətɨɨ vaŋ, viŋ zɔ! Nwi faŋ ŋwə bàw shɨlə, nə fùu yikəꞌ tii ŋwaa-nsiŋ Abraham yighee njyə faŋ ŋwə nəə kɨ bii nsi Mesopoteymia, kee ta gə̀ shi ntɨꞌ Haran me.

Roma 16:5

Viŋ shɔꞌtə vəŋ, baa shɔ̀ꞌtə nshəŋtə vɨɨ Kristo fɨ taa ŋii vəŋ, baa shɔ̀ꞌtə Epaynetɔs, faŋ mə kàw ŋwə nə. Ŋwə nə luu mfɔŋ wə faŋ ŋwə nə fìŋ tɔ ki tɨ́ Kristo fɨ shɨ Asia.

1 Kɔrintian 16:19

Vəməshəŋtə və vɨɨ Nwi vənshə fɨ kwiŋ Asia shɔꞌtə viŋ. Akwila nə Prisila nə nshəŋtə vɨɨ Nwi faŋ vəŋ fàynə taa ŋii vəŋ, shɔꞌtə viŋ ŋkee jəə, fɔnə viŋ vɨ vəŋ lùu fa kəmuꞌ taa ŋwaa tɨta Yeso.

2 Kɔrintian 1:8

Bàw viŋ kɨɨ laa ŋɨꞌ nə ŋìi yia shɨ Asia dɨdɨꞌ. Ŋkee nu weꞌ nə ŋìi yia, ghɔ̀ꞌ yia, ghɔ̀ꞌ wutə kia; yia fee laa yia kee taa bwey, fùu fɨ fuŋ me.

2 Timoti 1:15

A kɨɨ laa vɨɨ vənshə fɨ nsi Asia mèꞌ mə. Vɨɨ mɔ́ꞌ fɨ taa ŋwaa vəŋ luu Figelɔs nə Hermojenis.

1 Pita 1:1

Lùu mə Pita, wuu ntɔŋ Yeso Kristo, faŋ mə tɔŋ ŋwaꞌlə ŋwə̀ tɨ́ viŋ, vɨɨ Nwi faŋ viŋ sàykə taa məshɨ mə Pɔntɔs nə Galatia nə Kapadosia nə Asia nə Bitinia.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 1:4

Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,