Akts 2:5 - Vengo (Babungo)

⁵ Maa yighee yɔ́ vɨɨ Jus faŋ vəŋ nəə bəŋsə Nwi, nə shi Jerusalem, faŋ vəŋ nə ndɔ̀ fɨ maa məshɨ fɨ mbi mənshə.

Akts 2:5 ပူးပေါင်းရင်းမြစ်များ

Matiu 24:14

Nu mɔ́ꞌ lùu laa vɨ ndɔ fɨꞌtə ntɔŋ yijəə buꞌ nu yifwàŋ yizɔ taa mbi yinshə. Vɨɨ fɨ taa məshɨ mənshə ndɔ zɔ ntee, buu vəndwə və mbi ndɔ kuꞌnə.

Lukas 17:24

Shi ŋkɨə faŋ Wuu yinsəŋ Nwi ndɔ bəŋ jwi shɔ, ŋkə ndɔ luu sheꞌ yaa yibay faŋ nyə ndwaꞌlə fɨ yizɔ, bee shù fɨ kwiŋ nyə̀, gə ziꞌ kwiŋ yì.

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Lukas 24:18

Wə muꞌ fɨ taa ŋwaa vəŋ, faŋ yizii yi lùu Kliopas, bəŋsə tɨ́ ŋwə laa, «Luu sheꞌ ghɔ fɨ taa ŋwaa vətɔŋ mbɨə faŋ vəŋ shi ntɨꞌ Jerusalem, faŋ a kee kɨ̀ɨ nə nu ŋkɨə faŋ ŋkə gày shɔ maa vəshi və̀ yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:20

Fɨ taa ŋwaa vɨɨ mbɨə faŋ vəŋ nə gə̀ ntɨꞌ Jerusalem maa məbəŋsə Nwi maa shi zwisə nə, vɨɨ shɨ Griis mɔ́ꞌ nə luu shɔ.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 10:7

Nshiiŋii Nwi yɔ́ metə yigi yɔ́, ndɔ̀ gə̀. Kɔrniliɔs tii vɨɨ faꞌ vi vəbɔɔ nə sogeꞌ muꞌ faŋ ŋwə nəə fee Nwi, fɨ taa ŋwaa vɨɨ mbɨə faŋ vəŋ nəə kɨꞌ ŋwə.

Akts 13:50

Vɨɨ Jus duꞌ kɨ gisə tɨ́ vəki və vəshɨꞌ faŋ vəŋ nəə jwi taa ŋii Nwi vɨɨ Jus, ndɔ gə̀ yè vəshɨꞌ nɨzi, gì nu bwə tɔ Pɔɔl ghɔ Barnabas, yɨ laa vɨ tey kɨ kəə ŋiꞌ Pɔɔl ghɔ Barnabas, kɨ nii jɔ̀ŋ vəŋ fɨ maa shɨ kɔ́.

Akts 2:1

Shi zwisə Pentekos kuꞌ, vɨɨ Yeso vɔ́ vənshə baa baytə shəŋ muꞌ.

Akts 22:12

Wə mɔ́ꞌ nə luu shɔ ntɨꞌ Damaskɔs, yizii yi luu Ananias. Ŋwə nə luu wuu weꞌ maa ntɨsə Nwi, vɨɨ Jus vənshə fɨ ntɨꞌ Damaskɔs biŋ ŋwə yaa wuu jəə.

Akts 8:2

Vɨɨ mɔ́ꞌ faŋ vəŋ nəə bəŋsə Nwi, gə təə Stefen, gwìa yiku yi ŋkee dɨdɨꞌ.

Akts 8:27

Filip ndɔ fɨ nsi, gə. Faŋ ŋwə nə ziꞌ yifi, yè wuu Itiopia mɔ́ꞌ faŋ nə luu ndifwaŋ taa mbuꞌ tɨ́ Kandaki, fwàŋ Itiopia faŋ nə luu wəzwi. Ndifwaŋ ghɔ́ nəə nuŋsə ka fwàŋ nshə. Ŋwə nə jwi Jerusalem maa məshɔꞌtə Nwi,

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.