Akts 2:45 - Vengo (Babungo)

⁴⁵ Vəŋ fiŋ ndɨɨsə vəŋ nə vətɔ vəvəŋ, ndì ka ghɔ́, gàasə tɨ́ vɨɨ vənshə faŋ vəŋ kee yikii me.

Akts 2:45 ပူးပေါင်းရင်းမြစ်များ

Matiu 19:21

Yeso gi tɨ́ ŋwə laa, «A kəə laa a baw mètə, a gə fìŋtə vətɔ və, gàa ka ghɔ́ tɨ́ vɨɨ ŋɨꞌ, buu vəkeynə və taa luu yizɔ. A yɨ̀ nɨniŋ, a kɨ nii jwì bèꞌsə mə.»

Lukas 16:9

Nɨniŋ, mə gì tɨ́ viŋ laa viŋ ndi ka, faŋ lùu fa dayday, faŋ ŋkə lùu ghɔ viŋ nə, kɨ key vɨɨ shɔ, laa viŋ kɨ kii vɨɨmba viŋ fuŋ maa yighee njyə faŋ ka wiŋ ndɔ me, Nwi ndi viŋ, ŋìisə viŋ taa ndɔꞌ ŋgɨə faŋ ŋə gòꞌsə yighee muꞌ.

Lukas 18:22

Yeso zɔ nɨniŋ, gì tɨ́ ŋwə laa, «Bəə sheꞌ nu kəmuꞌ fɨ ghɔ ghɔ. Gə fiŋtə vətɔ və vənshə, gàa ka ghɔ́ tɨ́ vɨɨ ŋɨꞌ, buu a ndɔ kii vəkeynə və yizɔ, kɨ nii jwi bèꞌsə mə!»

Lukas 19:8

Zakiɔs tɨŋnə vɨsɨ tɨta Yeso, gì tɨ́ ŋwə laa, «Tɨta, mə taa gaasə vətɔ vaŋ vəway vəbɔɔ, kɔ̀ way kəmuꞌ tɨ́ vɨɨ ŋɨꞌ. Kɨ luu laa mə nə fùŋsə fa wə, buu mə taa bəŋsə tɨ́ ŋwə ghee shwe.»

Akts 11:29

Vɨɨ məbiŋ Kristo zɔ yigi Agabɔs yɔ́, gì laa, bàw vəŋ vənshə kɔ fa tɔ tɔ, wə kɔ ki fa faŋ ŋwə kìi, wə kɔ ki fa faŋ ŋwə kìi, tɨ́ kaꞌ vɨ tɔŋ gàŋtə vaŋ-nshwi shɔ fɨ shɨ Judia.

Akts 4:34

Bəə nə kee lùu taa ŋwaa vəŋ me, buꞌ laa vɨɨ mbɨə faŋ vəŋ nə kìi ndɔꞌ nə təndɨɨ, gə fiŋ vətɔ vəvəŋ, jwì nə ka ghɔ́,

Akts 4:35

jwi kɔ tɨ́ vɨɨ ntɔŋ Yeso. Vɨɨ ntɔŋ Yeso gaasə ka ghɔ́ tɨ́ vɨɨ, wə kii faŋ ŋwə kùꞌnə.

2 Kɔrintian 9:1

Nu kee baa lùu shɔ mə baa nyɔ̀ꞌ tɨ́ viŋ kɔ̀ŋ faꞌ ŋgwə faŋ nsiŋ baytə vətɔ maa məgaŋtə vɨɨ ley Nwi fɨ shɨ Jerusalem nə me.

2 Kɔrintian 9:9

Lùu faŋ ŋkə lùu taa ŋwaꞌlə Nwi laa, «Wə ntɨə faŋ ŋwə saynə vətɔ vi, kɔ̀ tɨ́ mbəəsə, nu ki lùu kəloomə, gòꞌsə yighee muꞌ.»

1 Jɔn 3:17

Wə ntɨə faŋ ŋwə kìi vətɔ, yè weenshu wi faŋ ŋwə kee yikii me, kee kɨ kee gəŋ si me, buu kɨ kaꞌ ŋwə jìa nu ŋkawnə Nwi kɨkə?