Akts 2:42 - Vengo (Babungo)

⁴² Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Akts 2:42 ပူးပေါင်းရင်းမြစ်များ

Lukas 24:30

Vəŋ gə ŋìi taa ŋii, dùꞌ nsi maa məzɨ, ŋwə ndi bee, shɔ̀ꞌtə Nwi, bɨꞌ, kɔ̀ tɨ́ vəŋ.

Lukas 24:35

Vəŋ kɨ nii nàysə nu ŋkɨə faŋ ŋkə gày jɨɨ nə, baa nə faŋ vəŋ nii kɨ̀ɨ nə Yeso buꞌ məbɨꞌ bee wi.

Akts 1:14

Vəŋ nə luu shɔ, fwi vəŋ luu yimuꞌ, vəŋ shɔꞌtə Nwi ghee nshə. Vəki vəmɔ́ꞌ nə Meri, nshu Yeso, nə vaŋ-nshwi Yeso nə luu taa ŋwaa vəŋ nɨzi.

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Akts 20:11

Pɔɔl kɨ nii baa bə̀ŋ koꞌ gə̀ taa ŋii, bɨ̀ꞌ bee, gàatə tɨ́ vɨɨ, ghɔ vɨ vəŋ zɨ, baa bə̀ŋ gì tɨ́ vəŋ, buu fu lee, ŋwə kɨ nii yindɔ gə̀.

Akts 20:7

Kɨ luu maa shi vɨsɨ faŋ yiwiŋ zì, yia faynə shəŋ muꞌ, yia vɨ vɨɨ məbiŋ nu Kristo maa məbɨꞌtə bee, Pɔɔl gi ghɔ vɨ vəŋ, buꞌ laa ŋwə nəə kəə ndɔ̀, faŋ fu taa lee. Nɨniŋ, ŋwə gi yigi zìꞌ nɨntəŋ vətuꞌ.

Akts 4:23

Sheꞌ yighee yɔ́ faŋ vɨ nə mèꞌtə Pita ghɔ Jɔn nə, vəŋ bəŋ gə yɨ vɨɨ vəŋ, nàysə nu ŋkɨə faŋ vɨɨ kwalə məfeꞌ Nwi nə vɨɨ taanə gì nə.

Akts 4:31

Faŋ vəŋ nə bùꞌ ghɔ tɨ́ Nwi nɨniŋ nə, shəŋ ŋkɨə faŋ vəŋ nə faynə shɔ nə, nəꞌnə, Zwitə Ley Nwi ŋii taa fwisə vəŋ vənshə. Vəŋ fɨꞌtə nu Nwi nə fwi yiweꞌ.

Akts 6:4

Gə fɨ maa yia, yia taa ndi yighee yia yinshə maa məshɔꞌtə Nwi, baa nə maa məswiŋnə nu Nwi.»

Roma 12:12

Ŋaytə buꞌ məbwey vəlwaŋ faŋ viŋ kɨꞌ ŋwə nə, jia fwi maa ŋɨꞌ, weꞌ maa məshɔꞌtə Nwi.

1 Kɔrintian 10:21

Jɨɨ kee lùu shɔ, tɨ́ kaꞌ viŋ nu məluꞌ taa ndaw Yeso Kristo, baa kìasə nu məluꞌ fɨ taa ndaw zwitə bwə me. Sheꞌ nɨniŋ, jɨɨ kee lùu shɔ, tɨ́ kaꞌ viŋ zɨ̀ fazɨ taa ŋii Nwi, baa kìasə zɨ̀ fazɨ taa ŋii zwitə bwə me.

1 Kɔrintian 11:2

Mə bəŋsə viŋ dɨdɨꞌ, buꞌ laa viŋ lumə yigisə nyaa yinshə, baa bèꞌsə vənu mbɨə faŋ mə nə dèesə viŋ shɔ nə.

1 Kɔrintian 14:6

Vaŋ-nshwi vaŋ, maa yighee njyə faŋ mə taa jwi yɨ viŋ, kɨ ghaŋ laa mə gisə sheꞌ maa təghaŋ nɨŋkwiŋ nɨŋkwiŋ, buu mə taa gaŋtə viŋ kɨkə? Kaꞌ mə gaŋtə viŋ sheꞌ faŋ mə deesə nu Nwi tɨ́ viŋ ŋkee kəley, naysə nu ŋkɨə faŋ Nwi də̀ shee tɨ́ viŋ, baa fɨ̀ꞌtə nu tɔ-ley tɨ́ viŋ faŋ Nwi kɔ̀ shee.

Galatia 1:6

Shuu ŋwaa yɔŋ, nu ghɔꞌ mə, laa viŋ duꞌtə viŋ baa kiasə ŋwaa fɨ maa nu Kristo, kee baa kɨ nuŋ fwi siŋ maa ŋwə me, faŋ ŋwə nə kèe gəŋ siŋ, tìi viŋ nə. Viŋ kìasə ŋwaa, kɨ gə fɨ maa jɨɨ yiday lee?

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

Efesɔs 6:18

Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

Filipi 1:5

buꞌ laa viŋ nəə beꞌsə mə maa faꞌ yigisə Nwi, shù fɨ́ maa yighee njyə faŋ viŋ nə fɔŋ zɔ ntɔŋ yijəə Nwi, jwi kɔ tɔ və-ndee.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 4:2

Viŋ kɨ shɔꞌtə Nwi ghee nshə, kee bwa me! Viŋ kɨ shi nə yikɨꞌ, bwaŋ Nwi maa vənu vənshə!

2 Timoti 3:14

Gə fɨ maa ghɔ, bàw a goꞌ nə nu ŋkɨə faŋ a nə zwetə̀, kɨɨ laa lùu yinsəŋ, buꞌ laa a kɨ̀ɨ nə vɨɨ mbɨə faŋ a nə zwètə fɨ ghɔ vəŋ nə.

Hibru 10:25

Kɨ nsiŋ goꞌ fɨ maa nshəŋtə nyaa-nsiŋ me, faŋ vɨɨ mɔ́ꞌ yaa kɨ goꞌ nə. Nsiŋ bee kɨ kii kwaŋ wutə maa yiŋwaa nyaa-nsiŋ, nsiŋ nsiŋ, ŋkee maa yighee njyə faŋ nsiŋ kɔꞌ kɨɨ laa shi ŋkɨə faŋ Tɨta ŋwaa-nsiŋ ndɔ bəŋ jwi shɔ nə, lùu nshənə.

Hibru 10:39

Gə fɨ maa nsiŋ, nsiŋ kee lùu kəŋ vɨɨ vɔ́ faŋ vəŋ taa bəŋ suꞌtə ghuu vəŋ nə, kɨ nii yindi me. Nsiŋ bee kɨ kii biŋ nu Kristo, buu ndɔ zɨ məbwey vəlwaŋ.

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

1 Jɔn 1:7

Kɨ luu laa nsiŋ toꞌ yitoꞌ nyaa-nsiŋ fɨ taa shɨshwi ley, faŋ nshɨ-tɔ Nwi lùu taa shɨshwi ley nə, buu nsiŋ lùu fa kəmuꞌ, nsiŋ nsiŋ. Mənshi mə ŋwiŋ wi Yeso Kristo sɔ̀ yibɨsə nyaa-nsiŋ fɨ maa nsiŋ yinshə, faŋ ŋwə nə kù tɔ nsiŋ nə.

1 Jɔn 2:19

Vɨɨ mbeenə Kristo vɔ́ nə fùu fɨ taa ŋwaa nsiŋ. Luu nə, vəŋ nə kee bee lùu vɨɨ vaŋ-nsiŋ me. Vəŋ nəə toꞌ luu vɨɨ vaŋ-nsiŋ, buu vəŋ nə gòꞌ nsiŋ vɨ vəŋ. Luu nə, vəŋ fuu nɨniŋ laa nsiŋ kɨɨ ntee laa vəŋ vənshə kee lùu vɨɨ vaŋ-nsiŋ me.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.