Akts 2:30 - Vengo (Babungo)

³⁰ Ŋwə nə lùu nshiiŋii-sɔghɔ, ndɔ kɨɨ laa, Nwi nə lɨ̀ꞌtə tɨ́ ŋwə laa ŋkee wee wee ŋwiŋ wi bi ndɔ duꞌ fuu ŋkaw yifwàŋ ki.

Akts 2:30 ပူးပေါင်းရင်းမြစ်များ

Matiu 22:43

Ŋwə gi tɨ́ vəŋ laa, «Faŋ ŋkə lùu nɨniŋ nə, sii yɨ̀ kə buu fwàŋ Deyvid tii ŋwə fɨ taa Zwitə Ley Nwi laa «tɨta»? Maa fwàŋ Deyvid nə gì laa lee,

Matiu 27:35

Vəŋ kɨ nii bey ŋwə fuu fəŋkɔꞌ fə ŋkɨꞌsə, ndì njwisə si, tùŋ beꞌ maa məgaatə,

Mark 12:36

Maa Zwitə Nwi nə yɨ̀sə nshɨ-tɔ fwàŋ Deyvid gi laa, «Tɨta Nwi nə gì tɨ́ tɨta ŋwaa laa, duꞌnə nsi maa kwiŋ maꞌnə ŋwaa, zìꞌ maa yighee njyə faŋ mə taa mɔꞌ vɨɨ mbeenə və vɨsɨ ghɔ, a tə ghuu ghə tɔ vəŋ.»

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Akts 1:16

Ŋwə gi laa, «Vaŋ-nshwi vaŋ, nu ŋkɨə faŋ ŋkə lùu taa ŋwaꞌlə Nwi kɔ̀ŋ nu Judas, faŋ ŋwə nə də̀ jɨɨ tɨ́ vɨɨ mbɨə faŋ vəŋ nə jìa Yeso nə, fàynə, buꞌ laa Zwitə Nwi nə duꞌtə ŋkə kwaŋ nu kɔ́ taa yigisə fwàŋ Deyvid yighee vɨsɨ, ŋwə naysə tɨ́ vɨɨ.

Roma 1:3

Ntɔŋ Nwi yɔ́ lùu nu buꞌ ŋwiŋ wi, faŋ ŋwə nə fùu fɨ ŋiꞌ ŋii fwàŋ Deyvid.

Roma 15:12

Aysaya nə gì ŋkii laa, «Wuu ŋiꞌ ŋii Jesse ndɔ jwi, ndɔ̀ yizɔ, sɔ̀ꞌ məshɨ, vɨɨ tətɔŋ fu ndɔ nuŋ ŋkitə vəŋ maa ŋwə.»

2 Timoti 2:8

Kɨ lumə Yeso Kristo faŋ Nwi nə ywèysə ŋwə fɨ shɨ yiku, ŋwə faŋ ŋwə nə fùu fɨ ŋiꞌ ŋii fwàŋ Deyvid nə. Lùu faŋ mə yuu kɨ fɨꞌtə ntɔŋ yijəə tɨ́ vɨɨ nə.

Hibru 1:1

Ŋkee fɨshi Nwi nə gì yigi tɨ́ vɨɨ ywaŋ-vɨsɨ ghee yaŋ maa jɨɨsə nɨŋkwiŋ nɨŋkwiŋ. Maa yighee yɔ́, Nwi nəə gisə vənu, mbə shɔɔ fɨ ghɔ nshiisə-ŋii sɔghɔ.

Hibru 3:7

Nɨniŋ, nsiŋ zɔ faŋ Zwitə Nwi nə gì laa, «Faŋ viŋ zɔ gɨ Nwi ndee,

Hibru 4:7

Nɨniŋ, Nwi baa tə̀ shi kəmɔ́ꞌ maa məbaa nuŋsə ŋkɔꞌnə yɔ́ vɨsɨ vɨɨ. Faŋ ŋuꞌsə nə shɔ̀ɔ səyaŋ shù fɨ maa yighee yɔ́, Nwi fɨꞌtə yigi yi tɨ́ fwàŋ Deyvid. Lùu yigi njyə faŋ nsiŋ duꞌtə nsiŋ lumə nə laa, «Faŋ viŋ zɔ gɨ Nwi ndee, kɨ viŋ fəŋ fwi siŋ me!»

Hibru 6:17

Sheꞌ nɨniŋ, Nwi nəə kəə də̀ tɨ́ vɨɨ mbɨə faŋ Nwi nə kɔꞌnə vəŋ nə, laa yi taa kɔ fa ŋkɨə faŋ yi kɔ̀ꞌnə tɨ́ vəŋ nə, kee kwìinə fwi yi me. Nɨniŋ, ŋwə lɨꞌtə nu ŋkɨə faŋ ŋwə kɔ̀ꞌnə nə.

Hibru 7:21

Gə fɨ maa Yeso, nə lɨꞌtə nshɨ-tɔ Nwi tɨ́ ŋwə, faŋ ŋkə lùu taa ŋwaꞌlə Nwi laa, «Nwi lɨ̀ꞌtə tɨ́ ghɔ laa a lùu wuu məfeꞌ Nwi faŋ ŋwə gòꞌsə yighee muꞌ. Nwi gì nɨniŋ, yigisə yi kee ndɔ kwiinə me.»

2 Pita 1:21

buꞌ laa tuu yigi, faŋ nshiisə-ŋii sɔghɔ nə gì nə, kee lùu mbɨꞌtə wə mənsaw me. Nə luu Zwitə Ley Nwi, faŋ ŋkə nə ŋìi taa fwisə vɨɨ, yɨ̀sə vəŋ gisə yigi faŋ nyə ndɔ̀ fɨ ghɔ Nwi.

Reveleyshən 17:14

Vəŋ ndɔ ŋii yighaw maa bi-njɨɨ yɔ́, bi-njɨɨ yɔ́ faŋ lùu Kristo nə, ghɔꞌ vəŋ, buꞌ laa ŋwə lùu tɨɨ vɨɨ məsɔꞌ mbi, baa luu fwàŋ vəfwàŋ. Ŋwə ndɔ ghɔꞌ vəfwàŋ vɔ́ ghɔ vɨ vɨɨ vi faŋ Nwi nə tii vəŋ, shoꞌ vəŋ nə, buꞌ faŋ vəŋ nə jìa nu ki, nùŋ fwisə vəŋ maa ŋwə.»

Reveleyshən 19:16

Vɨ nyɔꞌ maa njwi yi maa yiŋii yi laa, «Fwàŋ vəfwàŋ, nə Tɨɨ vɨɨ məsɔꞌ mbi.»