Akts 2:27 - Vengo (Babungo)

²⁷ buꞌ laa a kee ndɔ biŋ laa zwitə kaŋ goꞌ shɨ yiku me, tɨꞌnə me laa wuu ley wə ndɔ shuu me.

Akts 2:27 ပူးပေါင်းရင်းမြစ်များ

Matiu 11:23

Gə fɨ maa ghɔ, ntɨꞌ Kapernaum, a nə bɨ̀ꞌtə laa vɨ ndɔ shaꞌsə ghɔ yizɔ lee? A ndɔ siꞌ gə̀ ŋkee maa shəŋ ŋɨꞌ faŋ vəŋku və nsisə vəbwəvə lùu shɔ nə. Vɨ nə yɨsə ŋkee vənu vəkwalə taa ntɨꞌ ghɔ. Vɨ nəə toꞌ yɨsə vənu vɔ́ shɨ Sodom, faŋ Nwi nə ndìsə buꞌ vənu vəbwəvə vəŋ fɨshi nə, buu vəŋ kɨ bii shɔ kɔ tɔ və-ndee.

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Lukas 1:35

Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Lukas 16:23

Ŋwə gə zìꞌ shɨ yiku, kɨ ye ŋɨꞌ shɔ dɨdɨꞌ, shàꞌsə tɔ ki yizɔ, yè Abraham fɨ ntaŋ, nə Lasarɔs faŋ ŋwə dùꞌ yɨ ŋwə.

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Lukas 4:34

«Aŋ ghɔ, Yeso, wuu Nazaret, a kìi kə maa məyɨ nə yia? A jwì ndisə yia mu? Mə kɔꞌ kɨɨ nə wə ntɨə faŋ lùu ghɔ; a luu ŋkee wuu ley Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:39

Yeso gi tɨ́ vəŋ laa vəŋ baꞌsə ŋoꞌ yɔ́ fɨ shuu swi. Marta, weenshu Lasarɔs faŋ ŋwə nə kù nə, gi tɨ́ Yeso laa, «Tɨta, ŋku wə kɔ́ taa kɨ luŋ, buꞌ laa ndwə lùu vəshi yishwe faŋ ŋwə nə kù nə.»

Akts 2:26

Fwi nyaa ŋaytə, yigisə nyaa lwaŋ nə məŋaytə, ŋwaa ŋwaa ndɔ ku, nɔ̀ŋ kɨ kɨꞌ məbwey,

Akts 2:28

A də̀ fɔꞌ shee faŋ lùu fɔꞌ məbwey. A taa yɨ laa fwi nyaa lwaŋ nə məŋaytə ghee nshə faŋ mə lùu yɨ ghɔ.»

Akts 2:31

Nɨniŋ nə, ŋwə nə gi kɔ̀ŋ nu məywey Yeso Kristo fɨ shɨ yiku, laa vɨ kee gày ŋwə shɨ yiku me, mbasə ŋwaa wi kee shuu me.

Akts 3:14

Viŋ nə twèy wuu ley ghɔ́ faŋ nə luu wuu yinsəŋ, kɨ kəə laa vɨ fuusə wuu məzwi wə fɨ taa ŋii mfiŋ, kɔ̀ tɨ́ viŋ,

Akts 4:27

Yinsəŋ, fwàŋ Herod nə goməna Pɔntiɔs Pilate faynə ntɨꞌ nyə̀ ghɔ vɨ vɨɨ tətɔŋ fu, nə vɨɨ Isirayl maa məka yighaw tɔ Yeso, wuu faꞌ ley wə, faŋ a shòꞌ.

1 Kɔrintian 15:52

Nu kɔ́ ndɔ gay sheꞌ yighee muꞌ, faŋ vɨ ndɔ taw yisaw maa yighee vəndwə və mbi. Maa yighee yɔ́, faŋ yisaw yɔ́ ndɔ gi nə, vɨɨ mbɨə faŋ vəŋ nə kukə nə, ywey. Vəŋ jwi kii yiŋwaa faŋ kaꞌ nyə kee baa bɨ me. Gə fɨ maa nsiŋ, nsiŋ ndɔ kwiinə yiŋwaa maa yighee yɔ́ nɨzi.

1 Kɔrintian 15:55

Aŋ yiku, wutə kə bə? Aŋ yiku, wutə mətə wə kə baa bə?»

1 Jɔn 2:20

Gə fɨ maa viŋ, Yeso Kristo faŋ ŋwə bàw shɨ̀lə nə, tù Zwitə Ley Nwi maa viŋ. Nɨniŋ, viŋ vənshə kɔꞌ kɨɨ nə vənu və yinsəŋ.

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.

Reveleyshən 20:13

Nɨniŋ, mamuu bəŋsə vəŋku və vɨɨ faŋ mbə lùu tey yi nə. Yiku baa nə shɨ yiku bəŋsə vɨɨ mbɨə faŋ mbə lùu taa ghɔ vəŋ. Vɨ sɔꞌ vənu və vɨɨ faŋ vəŋ nəə yɨsə tɔ tɔ,

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,