Akts 2:23 - Vengo (Babungo)

²³ Nwi nə duꞌtə Nwi nuŋsə taa ŋkɨɨ Nwi laa, vɨ kɔ̀ Yeso tɨ́ viŋ, viŋ yɨ laa vɨɨ faŋ vəŋ kee kɨɨ nə ntɨsə Nwi me, bey ŋwə fuu fəŋkɔꞌ fə ŋkɨꞌsə, zwi ŋwə shɔ.

Akts 2:23 ပူးပေါင်းရင်းမြစ်များ

Matiu 20:19

buu kɔ ŋwə tɨ́ vɨɨ tətɔŋ fu laa vəŋ shɨꞌ ŋwə, sàŋ ŋwə nə vəmfa, bèy ŋwə fuu fəŋkɔꞌ fə ŋkɨꞌsə, ŋwə ku. Vəshi kɨ ziꞌ vətia, ŋwə ywey fɨ shɨ yiku.»

Matiu 26:24

Wuu yinsəŋ Nwi taa ndi, yuu vɨ nə nyɔ̀ꞌ buꞌ ŋwə taa ŋwaꞌlə Nwi. Luu nə, ndwaŋ tɔ wə ntɨə faŋ ŋwə fìŋ Wuu yinsəŋ Nwi ghɔ́. Ŋkə nə bàw tɨ́ wə ghɔ́ laa kɨ vɨ bi ŋwə me.»

Matiu 27:35

Vəŋ kɨ nii bey ŋwə fuu fəŋkɔꞌ fə ŋkɨꞌsə, ndì njwisə si, tùŋ beꞌ maa məgaatə,

Mark 15:24

Vəŋ bey ŋwə fuu fəŋkɔꞌ fə ŋkɨꞌsə, gàatə njwi si vəŋ vəŋ, tùŋ beꞌ shɔ laa vɨ ye njyə faŋ wə taa tuŋ zɨ ndì.

Lukas 22:22

Wuu yinsəŋ Nwi gə ndi, sheꞌ faŋ vɨ nə tə̀. Luu nə, ndwaŋ tɔ wə ntɨə faŋ ŋwə fiŋ Wuu yinsəŋ Nwi ghɔ́.»

Lukas 22:37

Mə naysə tɨ́ viŋ laa, nu ŋkɨə faŋ vɨ nə nyɔ̀ꞌ taa ŋwaꞌlə Nwi, taa ghaa gay maa mə. Nu kɔ́ faŋ vɨ nə nyɔ̀ꞌ buꞌ mə nə, lùu laa, «Vɨ nuŋsə wə ghɔ́ taa ŋwaa vəyɨ-kəbwə.» Yinsəŋ, yigi yɔ́ taa faynə maa mə.»

Lukas 23:33

Vəŋ kɨ ziꞌ maa shəŋ ŋkɨə faŋ vɨ tii nə shəŋ ghutə tɔ wə, vɨ bey Yeso fuu fəŋkɔꞌ fə ŋkɨꞌsə yifi, bèy vəyɨ-vəbwəvə vɔ́ shɔ nɨzi, wuu mɔ́ꞌ maa kwiŋ Yeso maꞌnə, wuu mɔ́ꞌ maa kwiŋ ŋkwii.

Lukas 24:20

Vɨɨ kwalə məfeꞌ Nwi nə vəshɨꞌ via jia ŋwə, kwaŋ taa nsɔꞌ. Vɨ sɔꞌ nu ki, shìa laa vɨ zwi ŋwə, buu vɨ kɨ nii bèy ŋwə fuu fəŋkɔꞌ fə ŋkɨꞌsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:18

Vəŋ nə zìꞌ yifi, bèy Yeso fuu fəŋkɔꞌ fə ŋkɨꞌsə. Maa yighee yɔ́ vɨ baa bèy vɨɨ vəmɔ́ꞌ vəbɔɔ, wə mɔ́ꞌ maa kwiŋ Yeso muꞌ, wuu mɔ́ꞌ maa kwiŋ muꞌ, Yeso luu nɨntəŋ ŋwaa vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:24

Vəŋ gi vəŋ vəŋ laa, «Kɨ nsiŋ setə me, nsiŋ tuŋ beꞌ shɔ, yè wə ntɨə faŋ ŋwə taa zɨ.» Ŋkə nə gày nɨniŋ maa məfaynə nə nu ŋkɨə faŋ ŋkə lùu taa ŋwaꞌlə Nwi laa, «Vəŋ nə gàtə njwi saŋ vəŋ vəŋ, tùŋ beꞌ maa njwi nyaa yimɔꞌ.» Luu sheꞌ faŋ vəsogeꞌ vɔ́ nə yɨ̀.

Akts 13:27

Viŋ zɔ! Vɨɨ mbɨə faŋ vəŋ luu Jerusalem ghɔ vɨ vɨɨ mbɨə faŋ vəŋ sɔꞌ vəŋ nə, nə kee kɨ̀ɨ nə Yeso me, kee bee zɔ kɨ̀ɨ nə nu ŋkɨə faŋ nshiisə-ŋii sɔghɔ nə gi kɔ̀ŋ ŋwə nə me, tɨ́ vɨ tii yigisə vəŋ maa vəshi və zwisə vənshə. Luu nə, vəŋ yɨ laa yigisə nshiisə-ŋii sɔghɔ gu yinsəŋ, faŋ vəŋ nə zwì Yeso.

Akts 15:18

Nu kɔ́ nə luu taa ŋkɨɨ Nwi shù fɨ maa vənzi və mbi.»

Akts 2:36

Nɨniŋ nə, bàw vɨɨ vənshə fɨ shɨ Isirayl kɨɨ yinsəŋ laa Nwi nùŋsə sheꞌ Yeso ghɔ́ faŋ viŋ nə bèy fuu fəŋkɔꞌ fə ŋkɨꞌsə nə, laa ŋwə luu tɨta ŋwaa-nsiŋ, baa luu wuu məbweysə ŋwaa-nsiŋ.»

Akts 3:18

Nɨniŋ, Nwi nə yɨ̀ nɨniŋ, laa nu ŋkɨə faŋ nshiisə-ŋii sɔghɔ vənshə nə fɨ̀ꞌtə, faynə, fɔnə faŋ vəŋ nə nàysə laa Kristo, wuu məbweysə ŋwaa-nsiŋ, ndɔ ye ŋɨꞌ.

Akts 4:28

Vəŋ yɨ̀sə vənu vənshə faŋ a nə nùŋsə maa wutə kə nə ŋkɨɨ yə laa ŋkə ndɔ gay.

Akts 5:28

«Maa yia nə shɨ laa kɨ viŋ baa kɨ deesə nu maa yizii nyə̀ me! Luu nə, mədeesə wiŋ maa yizii yɔ́ duꞌtə ŋwə saynə taa ntɨꞌ Jerusalem nshə. Viŋ kəə yɨ laa mənshi mə wə wì ndɔ koꞌ tɔ yia mu?»

Akts 5:30

Nwi faŋ lùu Nwi vətɨɨ vaŋ-nsiŋ, ywèysə Yeso fɨ shɨ yiku, ŋkee Yeso ŋgwə faŋ viŋ nə bèy ŋwə fuu fəŋkɔꞌ, ŋwə ku.

Akts 7:52

Nshiiŋii-sɔghɔ lùu shɔ, faŋ vətɨɨ viŋ kee shòꞌ ghuu ghi yimu? Vəŋ nə zwìlə vɨɨ mbɨə faŋ vəŋ nə bɨ fɔŋ gì laa wuu ley Nwi ndɔ jwi fɨ yiba. Lùu ndwə, viŋ fìŋ wuu ley Nwi ghɔ́, zwi ŋwə.

Roma 2:12

Vɨɨ tətɔŋ fu faŋ vəŋ kee kɨ̀ɨ nə ntɨsə Nwi me, ndɔ ndi buꞌ vənu vəbwəvə vəŋ, faŋ vəŋ nə yɨ̀sə. Vəŋ nə kɔlə kee kɨɨ nə ntɨsə sɔ́ me, vəŋ taa ndi. Gə fɨ maa vɨɨ Jus, faŋ vəŋ kɨ̀ɨ nə ntɨsə sɔ́ nə, gù maa ntɨsə sɔ́, ntɨsə sɔ́ shìa nsɔꞌ tɔ vəŋ, vəŋ ndɔ ndi sheꞌ nɨniŋ.

Roma 4:17

Ŋkə fàynə maa nu ŋkɨə faŋ ŋkə lùu taa ŋwaꞌlə Nwi, faŋ Nwi gì tɨ́ Abraham laa, «Mə nùŋsə ghɔ laa a ndɔ luu tɨɨ məshɨ məyaŋ.» Nɨniŋ, ŋwə gù tii ŋwaa-nsiŋ vənshə vɨsɨ Nwi, faŋ ŋwə nə nùŋ fwi yi maa Nwi laa Nwi yweysə vəŋku və nsisə, yɨ̀sə laa vətɔ faŋ mbə nə kee lùu shɔ me, luu shɔ.

1 Tesalonika 2:15

Vɨɨ Jus nə kee kɔ ŋɨꞌ sheꞌ tɨ́ vɨɨ Nwi fiiba Yeso me, vəŋ nə bee kii zwì nshɨ-tɔ tɨta Yeso, baa zwilə nshiisə-ŋii sɔghɔ nɨzi, baa luu shoꞌ ghuu ghia. Vəŋ kee bàw tɨ́ Nwi me; vəŋ lùu vɨɨ mbeenə vɨɨ vənshə.

1 Pita 1:2

Tɨta Nwi nə kɨ̀ɨ nə viŋ fɨshi, shòꞌ viŋ laa Zwitə ki yɨsə viŋ luu vɨɨ vi, kɨ zɔnə ŋwə, baa nə laa Yeso Kristo tùtə mənshi mi tɔ viŋ, tɨ́ kaꞌ viŋ ley vɨsɨ Nwi. Nwi kuꞌsə mənɔŋ-bwaŋnə tɔ viŋ, baa nə məduꞌ-nyɔŋ!

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,

1 Pita 2:8

Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.