Akts 2:22 - Vengo (Babungo)

²² Nɨniŋ, vɨɨ Isirayl, viŋ zɔ nu ŋkɨə faŋ mə gì tɨ́ viŋ. Viŋ kɨɨ laa Nwi nə kɔ̀ vənu vəkwalə nə vənu vəshuu yɔŋvə nə vəshwenə tɨ́ Yeso, wuu Nazaret, ŋwə nə yɨ̀sə taa ŋwaa viŋ, tɨ́ kaꞌ vɨ ye laa tɔ̀ŋ Nwi tɔ̀ŋ ŋwə yinsəŋ.

Akts 2:22 ပူးပေါင်းရင်းမြစ်များ

Matiu 12:28

Luu nə, mə kɨ luu fùusə vəzwitə vəbwəvə nə wutə Nwi, buu nu yifwàŋ Nwi zìꞌ taa ŋwaa viŋ.

Matiu 2:23

Ŋwə kɨ nii shɔ̀ɔ gə̀ shɨ Galilii, gə̀ kɨ shi maa ntɨꞌ yimɔ́ꞌ faŋ vɨ tii nə Nazaret. Nɨniŋ, ŋkə faynə maa nu ŋkɨə faŋ nshiiŋii-sɔghɔ nə nàysə laa, vɨ taa kɨ tii ŋwə nə wuu Nazarini.

Matiu 9:8

Nwaa vɨɨ vəyaŋ vɔ́ ye, fèe, kɨ bəŋsə yizii Nwi faŋ ŋwə kɔ̀ kəŋ wutə kɔ́ tɨ́ vɨɨ nə.

Lukas 11:20

Luu nə, mə kɨ luu kɨ fuusə vəzwitə vəbwəvə nə wutə Nwi, buu ŋkə lùu laa nu yifwàŋ Nwi zìꞌ ghɔ viŋ.

Lukas 18:37

Vɨ naysə tɨ́ ŋwə laa lùu Yeso, wuu Nazaret, faŋ ŋwə shɔɔ.

Lukas 24:18

Wə muꞌ fɨ taa ŋwaa vəŋ, faŋ yizii yi lùu Kliopas, bəŋsə tɨ́ ŋwə laa, «Luu sheꞌ ghɔ fɨ taa ŋwaa vətɔŋ mbɨə faŋ vəŋ shi ntɨꞌ Jerusalem, faŋ a kee kɨ̀ɨ nə nu ŋkɨə faŋ ŋkə gày shɔ maa vəshi və̀ yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:45

Fɨkɨꞌ Filip ye Nataniel, gì tɨ́ ŋwə laa, «Yia yè wə ntɨə faŋ Mose nə nshiisə-ŋii sɔghɔ nə nyɔꞌ kɔ̀ŋ ŋwə taa ŋwaꞌlə Nwi. Lùu Yeso, wuu Nazaret, wee Josef.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:37

Kɨ luu laa mə kee faꞌ faꞌ ŋgwə faŋ kɔ̀ Tii ŋwaa shee me, kɨ viŋ biŋ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:47

Vɨɨ məfeꞌ Nwi nə vɨɨ Farisii faynə taa ŋii məshia nsɔꞌsə, gì laa, «Nsiŋ yɨ kɨkə nə wə ŋwə̀ faŋ ŋwə yɨsə vəshwenə və shuu yɔŋvə vəyaŋ nee nə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:17

Vɨɨ mbɨə faŋ ghɔ vɨ Yeso nə luu mɔ́ꞌ yighee njyə faŋ Yeso nə fùusə Lasarɔs fɨ taa swi, ywèysə ŋwə fɨ shɨ yiku nə, vəŋ gi nu kɔ́ ntee faŋ vəŋ yè.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:24

Mə nə toꞌ kee kɨ yɨsə vənu mbɨə faŋ wə dɨday nə kee ta yiyɨsə taa ŋwaa vəŋ me, buu nu bwə vəŋ kee lùu shɔ me. Luu nə, vəŋ nə yè vənu vɔ́, baa kɨ bee mə, bee yia Tii ŋwaa vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:19

Pilate nə nyɔ̀ꞌ tɔ fəŋkɔꞌ fə ŋkɨꞌsə fə Yeso laa, «Yeso, wuu Nazaret, fwàŋ vɨɨ Jus.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:2

Vətuꞌ shi mɔ́ꞌ ŋwə jwi yè Yeso, gì tɨ́ ŋwə laa, «Rabi, yia kɔꞌ kɨɨ laa a lùu wuu mədeesə vɨɨ faŋ ŋwə ndɔ̀ fɨ ghɔ Nwi. Kaꞌ tuu wə kee yɨ̀ vənu və shuu yɔŋvə mbɨə faŋ a yɨ nə me, tɨ̀ lɨꞌ laa Nwi lùu fɨ yiba jɨŋ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:48

Yeso gi tɨ́ wuu kwalə ghɔ́ laa, «Maa viŋ kee kaw biŋ mə maa laa viŋ bɨ ye vəshwenə və shuu yɔŋvə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:36

Luu nə, vənu vəmɔ́ꞌ shɔ faŋ mbə shɔɔ yigisə Jɔn yɔ́, faŋ mbə də laa Tii ŋwaa nə tɔ̀ŋ mə yinsəŋ. Lùu vənu və shuu yɔŋvə faŋ mə yɨ nə, faŋ Tii ŋwaa kɔ̀ mə laa mə yɨ. Mbə də yinsəŋ laa tɔ̀ŋ Tii ŋwaa tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:14

Vɨɨ vɔ́ vənshə ye nu shuu yɔŋ ŋkɨə faŋ Yeso nə yɨ̀ yifi, vəŋ gi laa, «Yinsəŋ, luu ŋkee nshiiŋii-sɔghɔ nə, faŋ Nwi nə gì fɨshi laa ŋwə ndɔ jwì taa mbi shɨ nsi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:31

Luu nə, vɨɨ vəyaŋ biŋ nu ki. Vəŋ nə gisə laa, yinsəŋ, luu ŋkee wuu məbweysə ŋwaa-nsiŋ faŋ Nwi tɔ̀ŋ. Sii kaꞌ wə mɔ́ꞌ ndɔ baa lùu shɔ, faŋ Nwi tɔ̀ŋ, tɨ́ kaꞌ ŋwə də̀ vəshwenə shɔ̀ɔ wə ŋwə̀ mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:33

Yeso nə toꞌ kee ndɔ̀ fɨ ghɔ Nwi me, buu kaꞌ ŋwə kee yɨ̀ kəŋ nu ghɔ́ me.»

Akts 13:16

Pɔɔl ndɔ yizɔ, mɔ̀ꞌ ghɔ ghi, gì laa, «Vɨɨ Isirayl, nə viŋ vɨɨ faŋ viŋ fee Nwi, viŋ zɔ!

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

Akts 2:19

Mə ndɔ də vənu və shuu yɔŋvə yizɔ, baa nə vəshwenə shɨ nsi, vəshwenə yaa mənshi nə wisə nə fəndɨꞌ.

Akts 2:43

Vɨɨ vənshə fee Nwi, vɨɨ ntɔŋ Yeso yɨsə vənu və shuu yɔŋvə vəyaŋ.

Akts 21:28

yùmə laa, «Vɨɨ Isirayl, viŋ jwi gàŋtə! Ye wə ntɨə faŋ ŋwə toꞌ deesə vɨɨ vənshə nə bwə buꞌ vɨɨ Isirayl, nə buꞌ nuŋsə nyaa-nsiŋ, nə ŋii Nwi nyə̀. Ŋkə nə kee ta yikuꞌnə tɨ́ ŋwə me, ŋwə ndi vɨɨ Griik, jwì ŋìisə taa ŋii Nwi nyə̀, faŋ ŋkə kee yikuꞌnə laa vɨɨ tɔmə day ŋii shɔ me. Ŋwə bɨsə shəŋ ley Nwi kə̀.»

Akts 22:8

Mə bəŋsə, bìtə laa, «Tɨta, a lùu ndə?» Ŋwə gi laa, yi lùu Yeso, wuu Nazaret, faŋ mə toꞌ shoꞌ ghuu ghi nə.

Akts 24:5

Yia ye laa wə ŋwə̀ lùu wuu nsɔꞌsə, kəə ntaysə taa ŋwaa vɨɨ Jus vənshə maa vəshəŋ vənshə fɨ taa mbi. Ŋwə baa luu nshɔɔ vɨsɨ fɨ taa nwaa vɨɨ Nazarini.

Akts 26:26

Mə gisə vənu vɔ́ tɨ́ fwàŋ Agripa faŋ ŋwə kɔꞌ kɨɨ nə vənu vɔ́. Kaꞌ mə gì tɨ́ ŋwə nə fwi yiweꞌ, buꞌ laa mə kɔꞌ kɨɨ laa ŋwə nə duꞌtə ŋwə zɔ kɔ̀ŋ vənu vɔ́, buꞌ laa vənu vɔ́ nə kee gày taa shəŋ ndenə me.

Akts 26:9

Nshɨ-tɔ ŋwaa nəə bɨꞌtə laa bàw mə yɨsə vənu vəyaŋ maa Yeso, wuu Nazaret, maa məndisə yizii yi.

Akts 3:12

Faŋ Pita nə ye vɨɨ vɔ́, gì tɨ́ vəŋ laa, «Vɨɨ Isirayl, sii yɨ̀ kə laa shuu wiŋ yɔŋ maa nu kə̀? Yɨ̀ kə viŋ ndeynə yia? Viŋ bɨꞌtə laa luu ŋkia wutə laa yia yɨ wə ŋwə̀ toꞌ mu? Viŋ bɨꞌtə laa yɨ̀ yia buꞌ faŋ yia bəŋsə Nwi dɨdɨꞌ mu?

Akts 3:6

Pita gi tɨ́ ŋwə laa, «Mə kee kìi ka me. Luu nə, fa ŋkɨə faŋ mə kìi, mə taa kɔ tɨ́ ghɔ. Maa yizii Yeso Kristo, wuu Nazaret, mə gi laa a ndɔ fɨ nsi, kɨ toꞌ.»

Akts 4:10

Bàw viŋ vənshə, nə ŋgwisə ŋiꞌ ŋii Isirayl kənshə kɨɨ laa, wə ŋwə̀ faŋ ŋwə tɨŋ vɨsɨ viŋ, tɨ́ ŋwə bwaŋnə nə, bwaŋnə buꞌ yizii Yeso Kristo, wuu Nazaret, faŋ viŋ nə bèy ŋwə fuu fəŋkɔꞌ fə ŋkɨꞌsə. Nwi yweysə ŋwə fɨ shɨ yiku.

Akts 5:35

Ŋwə kɨ nii gì tɨ́ vəŋ laa, «Viŋ zɔ, viŋ vɨɨ Isirayl, viŋ ndɨɨnə maa vɨɨ və̀ kɔ̀ŋ nu ŋkɨə faŋ viŋ kəə yɨsə maa vəŋ nə.

Akts 6:14

Vəŋ baa gì laa vəŋ nə zɔ̀ faŋ ŋwə gì laa Yeso, wuu Nazaret taa sɔꞌ ŋii Nwi yɔ́, ndɔ baa kwiinə nuŋsə nyaa-nsiŋ faŋ Mose nə kɔ̀ tɨ́ nsiŋ nə.

2 Kɔrintian 12:12

Maa mə nə yɨsə vənu mbɨə faŋ mbə də̀ laa mə lùu wuu ntɔŋ Kristo taa ŋwaa viŋ nə fwi yizutə. Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə.

Hibru 2:4

Nwi baa luu də̀ laa lùu nu yinsəŋ, faŋ ŋwə nə ndì wutə ki, də̀ vəshwenə, baa yɨsə vənu və shuu yɔŋvə. Ŋwə baa luu kɔ̀ vəkɔ faŋ ŋwə kàw tɨ́ vɨɨ, faŋ mbə ndɔ̀ fɨ yiba Zwitə Ley.