Akts 2:20 - Vengo (Babungo)

²⁰ Shɨshwi ndɔ kiasə maa mfiŋsə, ŋuu kiasə maa mənshi, buu shi tɨta Nwi kùꞌ, faŋ luu ŋkee shi kwalə nə shi jəə.

Akts 2:20 ပူးပေါင်းရင်းမြစ်များ

Matiu 24:29

Sheꞌ yighee njyə faŋ vəshi və ŋɨꞌ yɔ́ ndɔ kɨ mè, shɨshwi ndɔ fəŋ, ŋuu kee baa kɔ̀ məley wi me. Məjwiŋ fiŋkə fɨ taa yizɔ. Vəwutə faŋ mbə lùu yizɔ nə, nəꞌnə.

Matiu 27:45

Kɨ lùu maa yizɔ buꞌtə, vədɨꞌ fəŋ ŋkee yaa nɨntəŋ vətuꞌ maa vəshəŋ vənshə, gə ziꞌ maa vəshɨshwi vətia.

Mark 13:24

«Ndɔ luu maa yighee mbi yɔ́, faŋ ŋɨꞌ yɔ́ ndɔ kɨ me, shɨshwi fəŋ, ŋuu kee baa bee me,

Lukas 21:25

(Yeso baa gì laa,) «Vəshwenə faŋ mbə fesə vɨɨ ndɔ fuu taa shɨshwi, nə taa ŋuu nə məjwiŋ. Mfuŋ ŋii ŋgwisə vɨɨ fɨ shɨ nsi. Nduŋ sɨɨ vɨɨ buꞌ fɨŋ faŋ ŋkə koꞌ fɨ taa mamuu, nə vəba və muu faŋ mbə shɨshɔɔ ŋkee nə wutə.

Akts 2:19

Mə ndɔ də vənu və shuu yɔŋvə yizɔ, baa nə vəshwenə shɨ nsi, vəshwenə yaa mənshi nə wisə nə fəndɨꞌ.

Akts 2:21

Ŋkə ndɔ luu maa yighee yɔ́ laa, wə ntɨə faŋ ŋwə ndɔ tii yizii Tɨta ŋwaa-nsiŋ, ndɔ bwey.»

1 Kɔrintian 5:5

mèꞌtə wə ghɔ́ tɨ́ tɨɨ vəzwitə vəbwəvə laa ŋwə ndisə ŋwaa wə ghɔ́. Nɨniŋ, kaꞌ zwitə ki ndɔ bwey maa shi ŋkɨə faŋ tɨta Yeso ndɔ bəŋ jwi, kɨ sɔꞌ mbi nə.

1 Tesalonika 5:2

Nshɨ-tɔ wiŋ kɔꞌ kɨɨ ŋkee jəə laa, shi məjwi tɨta Kristo ndɔ luu yaa ndɔꞌ, faŋ ŋwə yaa kɨ jwi nɨntəŋ vətuꞌ, faŋ wə kee yikɨɨ me.

2 Pita 3:10

Viŋ kɔꞌ kɨɨ laa, yighee ndɔ kɨ kuꞌ, faŋ tɨta Yeso ndɔ bəŋ jwì, ŋwə ndɔ gwəkə jwi yaa ndɔꞌ, faŋ ndɔꞌ yaa kɨ jwi faŋ vɨɨ kee yikɨɨ me. Maa yighee yɔ́, vɨ ndɔ zɔ gɨ yikwalə yimɔ́ꞌ laa «kwaŋ», yizɔ kee baa lùu shɔ me. Vətɔ fɨ yizɔ nə fɨ nsi yey taa wi vənshə, mè laylay. Nsi nɨzi, ghɔ vətɔ vənshə faŋ mbə lùu shɔ, me vənshə.

2 Pita 3:7

Nwi nə baa gì laa yizɔ ghɔ nsi faŋ vɨ ye ndee, ndɔ twàŋ wisə twàŋ nyə yinshə. Yizɔ nə nsi ndɔ goꞌ kɔ̀ tɨ́ yighee njyə faŋ Nwi ndɔ kɨ sɔꞌ nsɔꞌsə vɨɨ, ndìsə vɨɨ bwənə faŋ vəŋ kee zɔnə ŋwə me.

Reveleyshən 16:8

Nshiiŋii Nwi lwesə yishwe tu kay ki shuu shɨshwi ŋwə twaŋ vɨɨ yaa wisə.

Reveleyshən 6:12

Mə kɨ ye, yè faŋ ŋwə shoꞌ vəlay lwesə ntɔfə, nsi kɨ nii nə̀ꞌnə ŋkee nəŋay, shɨshwi fəŋ yaa njwi faŋ vɨ bà nə nyuŋsə fəŋsə, ŋuu kiasə kɨ bɨbay yaa mənshi.