Akts 2:17 - Vengo (Babungo)

¹⁷ «Nwi gì laa, yi ndɔ tu Zwitə Ley Nwi tɔ vɨɨ vənshə maa vəshi vəndwə, laa vaŋ viŋ, mbə vəndɔŋ nə mbə vəki, ndɔ kɨ naysə yigisə shuu Nwi. Zawə wiŋ ndɔ kɨ ye vəshwenə və Nwi. Gə fɨ maa vɨɨ taa viŋ, njyəəsə ndɔ kɨ shi vəŋ, laa vəŋ ye ŋiꞌ nu Nwi shɔ.

Akts 2:17 ပူးပေါင်းရင်းမြစ်များ

Lukas 3:6

Wə tɨ̀ me wə ndɔ kɨ ye faŋ Nwi bweysə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:2

A nə kɔ̀ wutə shee maa məsɔꞌ vɨɨ vənshə fɨ shɨ nsi, laa mə kɨ kɔ məbwey faŋ ŋwə gòꞌsə yighee muꞌ tɨ́ vɨɨ vənshə, faŋ a nə kɔ̀ shee nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:39

Yeso nə gì yigi yɔ́ kɔ̀ŋ Zwitə Ley Nwi faŋ ŋkə ndɔ ŋii maa vɨɨ mbɨə faŋ vəŋ nùŋ fwisə vəŋ maa Nwi. Maa yighee yɔ́ vɨɨ nə kee ta kìi Zwitə Ley kɔ́ me, buꞌ laa Nwi nə kee ta kòꞌsə ndaw Yeso taa shəŋ yifwàŋ Nwi me.

Akts 10:45

Nu kɔ́ ghɔꞌ vɨɨ məbiŋ Kristo fɨ taa ŋwaa vɨɨ Jus, faŋ vəŋ nə jwì ghɔ vɨ Pita nə. Shuu vəŋ yɔŋ laa Nwi tù Zwitə Ley ki maa vɨɨ faŋ vəŋ nə kee lùu vɨɨ Jus me, faŋ vɨ nə kee sɨ̀ɨtə vəŋ me. Nwi nə key vəŋ nə Zwitə Ley ki,

Akts 11:27

Sheꞌ maa yighee yɔ́ nshiisə-ŋii sɔghɔ vəmɔ́ꞌ ndɔ fɨ ntɨꞌ Jerusalem, gə Antiɔk.

Akts 11:28

Wə mɔ́ꞌ fɨ taa ŋwaa vəŋ luu Agabɔs. Ŋwə ndɔ fɨ nsi, gì faŋ Zwitə Ley Nwi nàysə tɨ́ ŋwə laa, ŋkee jɨŋ yiweꞌ taa koo shɨ nsi. Jɨŋ yɔ́ kɨ nii kòo shɨ nsi maa yighee fwàŋ Klɔɔdiɔs.

Akts 2:16

Nu ŋkɨə faŋ viŋ ye ndwə, fàynə nu ŋkɨə faŋ nshiiŋii-sɔghɔ Joel, nə nyɔ̀ꞌ taa ŋwaꞌlə Nwi fɨshi. Ŋwə nə ŋwàꞌlə laa lee,

Akts 2:18

Mə Nwi ndɔ tu Zwitə Ley kaŋ tɔ vəbuꞌ vaŋ, mbə vəndɔŋ nə mbə vəki, maa vəshi vɔ́, laa vəŋ naysə yigisə shuu Nwi.

Akts 2:33

Nwi fuusə ŋwə fɨ shɨ yiku, nùŋ ŋwə maa kwiŋ maꞌnə Nwi, kɔ̀ Zwitə Ley Nwi tɨ́ ŋwə, faŋ Nwi nə kɔ̀ꞌnə nə. Ŋwə tù Zwitə Ley kɔ́ feenə ndwə, faŋ viŋ ye baa zɔ.

Akts 21:9

Vaŋ-vəki və Filip nə luu shɔ yishwe, kee ta ndaa me, fɨꞌtə yigisə shuu Nwi.

Roma 5:5

Faŋ nsiŋ kɨꞌ nu kwalə fɨ ghɔ Nwi, buu nsiŋ kee ndɔ ndi tɔ dɨɨ shɔ me, buꞌ laa Nwi nə kwàŋ Zwitə Ley ki taa fwisə nsiŋ, ŋkə lwaŋ, yɨ laa nsiŋ zɔ faŋ Nwi kàw nsiŋ.

1 Kɔrintian 12:10

Wə mɔ́ꞌ baa lùu shɔ faŋ Nwi kɔ̀ wutə tɨ́ ŋwə maa məyɨsə vənu və shuu yɔŋvə. Wə mɔ́ꞌ kii wutə maa məfɨꞌtə yigisə Nwi faŋ Nwi də̀ tɨ́ ŋwə. Wə mɔ́ꞌ kii wutə maa məkɨɨ nə vəzwitə və vɨɨ, laa mbə ndɔ̀ fɨ ghɔ Nwi mu. Wə mɔ́ꞌ baa lùu shɔ faŋ ŋwə kìi wutə maa məgi təghaŋ faŋ nshɨ-tɔ wə ghɔ́ kee bee ta zɔ̀ ghaŋ ghɔ́ me. Wə mɔ́ꞌ shɔ faŋ Nwi kɔ̀ wutə tɨ́ ŋwə, tɨ́ kaꞌ ŋwə kɨ twelə ŋiꞌ təgi təghaŋ tɔ́ tɨ́ vɨɨ.

1 Kɔrintian 12:28

Fɨ taa ŋwaa vɨɨ Nwi, Nwi shòꞌ vɨɨ mɔ́ꞌ vɨsɨ laa vəŋ lùu vɨɨ ntɔŋsə Yeso Kristo, shoꞌ vɨɨ mɔ́ꞌ laa vəŋ kɨ naysə yigi faŋ Nwi kɔ̀ tɨ́ vəŋ, baa shòꞌ vɨɨ mɔ́ꞌ laa vəŋ kɨ deesə nu ki. Ŋwə baa shoꞌ vɨɨ mɔ́ꞌ laa vəŋ kɨ yɨsə vənu və shuu yɔŋvə, baa nə vɨɨ mɔ́ꞌ laa vəŋ kɨ shuꞌ vəza fɨ maa vɨɨ vəza, nə vɨɨ mɔ́ꞌ faŋ vəŋ gaŋtə vɨɨ, nə gwisə, nə vɨɨ faŋ vəŋ gisə təghaŋ nɨŋkwiŋ nɨŋkwiŋ.

Hibru 1:2

Maa yighee ndwə, faŋ lùu yighee yiba, ŋwə gi yigi tɨ́ nsiŋ, nyə shɔɔ fɨ ghɔ ŋwiŋ wi. Nə luu ghɔ ŋwiŋ wi ghɔ́ faŋ Nwi nə bɔ̀ŋ mbi. Nwi nə baa shòꞌ ŋwə laa kìi ŋwə kìi vətɔ vənshə.

Jeyms 5:3

Maŋgɨlɨ kwə ka wiŋ. Maŋgɨlɨ ghɔ́ lùu shwenə: Sheꞌ faŋ ŋwə kwə ka wiŋ, ŋwə ndɔ kwə mbasə ŋwaa wiŋ nɨzi yaa wisə. Viŋ lùu vɨɨ faŋ vəŋ bɔꞌtə təka ŋkee maa vəshi və̀, faŋ lùu vəshi vəshə və mbi.

2 Pita 3:3

Viŋ kɔꞌ kɨɨ jəə jəə laa vɨɨ məshɨꞌ vɨɨ Nwi ndɔ fuu, kɨ shɨꞌ viŋ shɨshɨꞌ maa yighee shə. Vɨɨ vɔ́ ndɔ kɨ yɨsə sheꞌ vənu faŋ too vəŋ kàw, kɨ shɨꞌ viŋ shɨshɨꞌ,