Akts 2:10 - Vengo (Babungo)

¹⁰ nə fɨ Frigia, nə fɨ Pamfilia, nə fɨ Ijip, nə fɨ nsi Libia yɨ Kirene, nə vɨɨ Rom faŋ vəŋ shi shɨ nyə̀.

Akts 2:10 ပူးပေါင်းရင်းမြစ်များ

Matiu 2:15

Vəŋ gə dùꞌ shɔ, zìꞌ maa yighee njyə faŋ fwàŋ Herod nə kù. Nɨniŋ, ŋkə faynə nə nu ŋkɨə faŋ tɨta Nwi nə yɨ̀sə nshiiŋii-sɔghɔ nə naysə fɨshi. Ŋwə nə nàysə laa, «Mə Nwi tii ŋwiŋ ŋwaa fɨ shɨ Ijip.»

Matiu 23:15

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ toꞌ gə̀ maa vəshəŋ vənshə, shɔɔ fɨ fuu mamuu nə fɨ fuu nsi yinshə laa viŋ kiasə wə muꞌ, ŋwə gu wuu məbiŋ Nwi wiŋ. Luu nə, yighee njyə faŋ ŋwə kìasə nɨniŋ, viŋ yɨ̀sə ŋwə gù wuu bwə, shɔ̀ɔ viŋ taa nu bwə ghee bɔɔ, ndɔ ŋii taa shəŋ vəŋku və nsisə vəbwəvə taa wi.

Matiu 27:32

Faŋ vəŋ nəə koꞌ gə, fàynə ghɔ vɨ wə mɔ́ꞌ fɨ shɨ Kirene, yizii yi luu Saymon. Vəŋ dɔɔ wə ghɔ́ laa ŋwə shaꞌ fəŋkɔꞌ fə ŋkɨꞌsə fə Yeso.

Mark 15:21

Faŋ vəŋ nəə gə nə Yeso nɨniŋ nə, wə mɔ́ꞌ jwi shɔ̀ɔ vəŋ, kɨ kuunə fɨ taa biisə. Yizii wə ghɔ́ luu Saymon. Ŋwə nə luu wuu Kirene, tɨɨ Alesanda nə Rufɔs. Vəsogeꞌ vɔ́ jia ŋwə laa ŋwə biꞌ fəŋkɔꞌ fə ŋkɨꞌsə fə Yeso.

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

Akts 13:13

Pɔɔl ghɔ vəliŋ vi kɨ nii ndɔ̀ fɨ ntɨꞌ Pafɔs, baa tɔŋ mamuu, shɔɔ gə̀ ziꞌ ntɨꞌ Perga fɨ shɨ Pamfilia. Jɔn Mark meꞌtə vəŋ yifi, bə̀ŋ gə ntɨꞌ Jerusalem.

Akts 13:43

Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 14:24

Pɔɔl ghɔ Barnabas kɨ nii shɔ̀ɔ fɨ shɨ Pisidia, gə̀ zìꞌ shɨ Pamfilia.

Akts 15:38

Luu nə, Pɔɔl kee kàw me, buꞌ laa Jɔn Mark nə mèꞌtə vəŋ shɨ Pamfilia, bə̀ŋ gə̀ Jerusalem, kee baa tòꞌ ghɔ vəŋ, gàŋtə maa faꞌ Nwi me.

Akts 16:6

Vɨ Pɔɔl kɨ nii shɔ̀ɔ fɨ taa məshɨ mə Frigia nə Galatia, buꞌ laa Zwitə Ley Nwi nə fəŋ vəŋ maa məfɨꞌtə nu Nwi shɨ Asia.

Akts 17:21

Vəŋ nə gì nɨniŋ, buꞌ laa vɨɨ fɨ ntɨꞌ Atens vənshə ghɔ vɨ vəndɔ faŋ vəŋ nəə shi yifi, yaa kɨ kaw maa məduꞌ kɨ gisə vənu vəfivə, tɨꞌnə me zɔ̀ vənu vəfivə, bɨ̀sə yighee vəŋ sheꞌ nɨniŋ.

Akts 18:2

Faŋ ŋwə nə ziꞌ yifi, yè wuu Jus mɔ́ꞌ faŋ yizii yi luu Akwila. Vɨ nə bì ŋwə shɨ Pɔntɔs. Ŋwə nə bɨ kɨ jɨjwi fɨ shɨ Itali ghɔ zu wi Prisila, buꞌ faŋ fwàŋ Klɔɔdiɔs nə kɔ̀ sɔꞌ laa vɨɨ Jus vənshə fuu fɨ shɨ Rom, faŋ lùu nsi Itali. Pɔɔl nə gə ye vəŋ,

Akts 18:23

Pɔɔl nə shì Antiɔk vəshi vəmɔ́ꞌ, baa kii ndɔ fɨ fuŋ, gə̀ tòꞌ fɨ kwiŋ Galatia nə Frigia, toꞌ gisə tɨ́ vɨɨ məbiŋ nu Kristo, yɨsə vəŋ weꞌ maa nu Nwi.

Akts 2:11

Nsiŋ lùu vɨɨ Jus mbinə mbinə nə vənjwinjwi faŋ vəŋ biŋ nu Nwi kaŋ-nsiŋ, nə vɨɨ Kriit, nə vɨɨ Areybia. Nɨniŋ, nsiŋ vənshə zɔ maa təghaŋ taŋ-nsiŋ faŋ vəŋ gisə kɔ̀ŋ vənu vəkwalə mbɨə faŋ Nwi yɨsə nə.»

Akts 23:11

Kɨ luu vətuꞌ shi kɔ́, tɨta Yeso fuu yikəꞌ Pɔɔl, tɨŋ yɨ ŋwə, gì tɨ́ ŋwə laa, «Kɨ fwi yə lɔꞌ me! A nə gì nu kaŋ ntee ntɨꞌ Jerusalem; a ndɔ ghaa gi nu kaŋ shɨ Rom sheꞌ nɨniŋ.»

Akts 27:5

Yia kɨ nii shɔ̀ɔ fɨ taa mamuu ŋgwə faŋ ŋwə lùu yɨ Saylisia nə Pamfilia nə, gə̀ zìꞌ Mira faŋ luu ntɨꞌ yimɔ́ꞌ fɨ shɨ Lisia.

Akts 28:15

Vɨɨ məbiŋ nu Kristo fɨ shɨ Rom kɨ zɔ laa yia jɨjwi, vɨɨ mɔ́ꞌ ndɔ jwì ndì yia ŋkee fɨ maa shəŋ yiwiŋ Apiu, nə vəmɔ́ꞌ maa shəŋ kəmɔ́ꞌ faŋ vɨ tii nə Ndɔꞌ-məzɨ-fazɨ-tia. Vəshəŋ vɔ́ nəə kɨ bii ntaŋ fɨ shɨ Rom. Nə luu yitoꞌ vəshi vəbɔɔ. Faŋ Pɔɔl nə yè vɨɨ vɔ́, faŋ vəŋ jwi ndì ŋwə ŋkee fɨ ntaŋ nə, ŋwə bwaŋ Nwi, fwi yi shəŋtə.

Akts 6:5

Nwaa vɨɨ vɔ́ vənshə nə kàw nu ŋkɨə faŋ vɨɨ ntɔŋ Yeso nə gì nə. Vəŋ kɨ nii shòꞌ Stefen, wə faŋ ŋwə nə bìŋ Kristo nə fwi yimuꞌ, Zwitə Ley Nwi lwàŋ taa fwi ŋwə. Vɨ baa shòꞌ Filip, nə Prokorɔs nə Nikanor nə Timon nə Parminas nə Nikolaws, wuu Antiɔk faŋ ŋwə nə ŋìi nu Nwi vɨɨ Jus.

Akts 6:9

Luu nə, vɨɨ mɔ́ꞌ nə luu shɔ faŋ vəŋ kee kàw Stefen me. Nə luu vɨɨ Jus fɨ taa ŋii məshɔꞌtə Nwi yimɔ́ꞌ, faŋ vɨ nəə tii vəŋ laa vəbuꞌ faŋ vɨ shòꞌtə fɨ maa vəŋ. Vɨɨ Kirene nə vɨɨ Alesandria nə vəmɔ́ꞌ fɨ Saylisia, nə fɨ Asia nə luu taa ŋwaa vəŋ. Vəŋ ndɔ kɨ suŋnə ghɔ vɨ Stefen.

Roma 1:15

Nɨniŋ, mə kàw laa mə taa kɨ fɨꞌtə nu Nwi tɨ́ viŋ shɨ Rom nɨzi.

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

2 Timoti 1:17

Ŋwə yaa ziꞌ shɨ Rom, kə̀ə mə nə wutə, yè mə.

Reveleyshən 11:8

Vəŋku və ŋwaa vəvəŋ nɔŋ jɨɨsə shɨ Jerusalem, ŋkee taa shɨ kwalə ŋkɨə faŋ vɨ nə bey tɨta vəŋ shɔ fuu fəŋkɔꞌ fə ŋkɨꞌsə nə. Nɨniŋ, vɨ kɨ tii shɨ kɔ́ nə Sodom, tɨꞌnə me Ijip, (buꞌ faŋ ŋkə bɨ sheꞌ yaa məshɨ mbɔ́.)