Akts 19:13 - Vengo (Babungo)

¹³ Nɨniŋ, vɨɨ Jus vəmɔ́ꞌ faŋ vəŋ nəə toꞌ fɨ taa mbi, toꞌ fùusə vəzwitə vəbwəvə fɨ maa vɨɨ, fiꞌsə maa mətii yizii tɨta Yeso maa vɨɨ faŋ zwitə bwə nə luu taa ŋwaa vəŋ, gisə tɨ́ vəzwitə vəbwəvə laa, «Maa yizii Yeso ŋgwə faŋ Pɔɔl toꞌ fɨꞌtə nu ki nə, yia gì laa viŋ fuu.»

Akts 19:13 ပူးပေါင်းရင်းမြစ်များ

Matiu 12:27

Mə nii toꞌ fuusə vəzwitə vəbwəvə maa wutə tɨɨ vəzwitə vəbwəvə, buu vaŋ viŋ sii fùusə vəzwitə vəbwəvə nə wutə ndə? Nɨniŋ, vaŋ viŋ ndɔ sɔꞌ nsɔꞌ yiŋ.

Matiu 26:63

Luu nə, Yeso kee bìnə me. Wuu kwalə məfeꞌ Nwi gi tɨ́ ŋwə laa, «Maa yizii Nwi Nshɔɔ-mbi, mə tə̀ ghɔ fuu məkee, naysə tɨ́ yia laa a luu Kristo, Wee Nwi mu?»

Mark 5:7

yùmə ŋkee nəŋay, gì laa, «Sɨ kìi kə, Yeso, Wee Nwi Nshɔɔ-mbi? Maa yizii Nwi, mə buꞌ ghɔ, kɨ ghaysə mə me!»

Mark 9:38

Jɔn kɨ nii gì tɨ́ Yeso laa, «Tɨta, yia nə yè wə faŋ nsiŋ vɨ vəŋ kee toꞌ mɔ́ꞌ me, ŋwə nə fuusə vəzwitə vəbwəvə fɨ maa vɨɨ maa yizii yə. Yia twey tɨ́ ŋwə, buꞌ laa nsiŋ vɨ vəŋ kee toꞌ mɔ́ꞌ me.»

Lukas 11:19

Mə nəə toꞌ fuusə vəzwitə vəbwəvə fɨ maa vɨɨ maa wutə Satan, buu vaŋ viŋ sii fuusə mbə-vəŋ maa wutə ndə? Nɨniŋ, vaŋ viŋ vɔ́ ndɔ luu vɨɨ məshia nsɔꞌ tɔ viŋ.

Lukas 9:49

Jɔn bəŋsə, gì laa, «Tɨta, yia yè wə mɔ́ꞌ faŋ ŋwə fuusə vəzwitə vəbwəvə maa yizii yə. Yia twey tɨ́ ŋwə, buꞌ laa nsiŋ vɨ vəŋ kee toꞌ mɔ́ꞌ me.»

Akts 19:14

Taa ŋwaa vɨɨ vɔ́ faŋ vəŋ nəə toꞌ yɨsə nɨniŋ, vɨɨ kwatia nə luu shɔ vɨsɨ. Vəŋ nə luu vaŋ wuu kwalə məfeꞌ Nwi mɔ́ꞌ faŋ yizii yi nə luu Skeyva.

2 Kɔrintian 11:4

Wə mɔ́ꞌ jwi, dèesə nu kɔ̀ŋ Yeso day, kee dèesə nu Yeso ŋgwə faŋ yia nəə deesə nu ki nə me, buu viŋ biŋ ŋwə nə məŋaytə. Vɨ kɔ̀ zwitə kəday tɨ́ viŋ, faŋ kee luu zwitə ŋkɨə faŋ viŋ nə fì yighee vɨsɨ nə me, tɨꞌnə me, fɨꞌtə ntɔŋ yijəə yiday, faŋ viŋ nə kee yizɔ yighee vɨsɨ me, buu viŋ bìŋ nə məŋaytə. Ŋkə kee baw me.