Akts 18:7 - Vengo (Babungo)

⁷ Ŋwə meꞌtə vəŋ, ndɔ̀ gə̀ taa ŋii wə mɔ́ꞌ faŋ ŋwə nəə bəŋsə Nwi, kee lùu wuu Jus me. Yizii wə ghɔ́ luu Titiɔs Justɔs. Ŋii yi nə luu sheꞌ yɨ ŋii məshɔꞌtə Nwi vɨɨ Jus nee.

Akts 18:7 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:31

Nsiŋ kɔꞌ kɨɨ laa Nwi kee yaa kɨ zɔ məshɔꞌtə vɨɨ vənu vəbwəvə me. Nwi zɔ sheꞌ məshɔꞌtə wə ntɨə faŋ ŋwə bəŋsə Nwi, yɨ nu ŋkɨə faŋ Nwi kàw.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 13:42

Pɔɔl metə yigi yi yɔ́. Vɨɨ fuu fɨ taa ŋii Nwi, buꞌ ghɔ tɨ́ Pɔɔl nə Barnabas laa shi zwisə taa baa kuꞌ, vəŋ baa jwì nàysə kɔ̀ŋ nu kɔ́ tɨ́ vəŋ.

Akts 13:43

Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 13:50

Vɨɨ Jus duꞌ kɨ gisə tɨ́ vəki və vəshɨꞌ faŋ vəŋ nəə jwi taa ŋii Nwi vɨɨ Jus, ndɔ gə̀ yè vəshɨꞌ nɨzi, gì nu bwə tɔ Pɔɔl ghɔ Barnabas, yɨ laa vɨ tey kɨ kəə ŋiꞌ Pɔɔl ghɔ Barnabas, kɨ nii jɔ̀ŋ vəŋ fɨ maa shɨ kɔ́.

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Akts 17:4

Vɨɨ mɔ́ꞌ biŋ yigisə Pɔɔl, bèꞌsə nu Pɔɔl ghɔ Silas. Vɨɨ vəyaŋ fɨ taa ŋwaa vɨɨ Griik faŋ vəŋ nəə bəŋsə Nwi, nə bèꞌsə vəŋ nɨzi. Vəki vəkwalə vəyaŋ nə luu taa ŋwaa vɨɨ vɔ́.

Kɔlɔsii 4:11

Yeso ŋgwə faŋ vɨ tii ŋwə nə Justɔs nə, shɔꞌtə viŋ nɨzi. Luu sheꞌ vɨɨ vɔ́ vətia nə, yɨ mə, faŋ vəŋ lùu vɨɨ Jus, faŋ yia vɨ vəŋ faꞌ nu Kristo mɔ́ꞌ, fɨꞌtə nu yifwàŋ Nwi tɨ́ vɨɨ. Fwi nyaa zutə buꞌ vəŋ maa yinsəŋ.