Akts 18:4 - Vengo (Babungo)

⁴ Maa vəshi və zwisə və vɨɨ Jus, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ kɔ̀ŋ nu Nwi, faŋ vɨɨ Jus nə vɨɨ Griik nə luu shɔ.

Akts 18:4 ပူးပေါင်းရင်းမြစ်များ

Lukas 16:31

Abraham gi tɨ́ ŋwə laa, «Vəŋ kɨ luu kee kɨ zɔnə Mose nə nshiisə-ŋii sɔghɔ me, buu kɨ kaꞌ vəŋ kee biŋ wə faŋ ŋwə ndɔ̀ fɨ shɨ yiku, jwì yɨ vəŋ me.»

Lukas 4:16

Nɨniŋ, ŋwə gə ziꞌ ntɨꞌ Nazaret nɨzi, faŋ lùu shəŋ ŋkɨə faŋ ŋwə nə tà shɔ nə. Shi zwisə Nwi kuꞌ, ŋwə gə taa ŋii Nwi, faŋ nə luu ŋgunə yi. Ŋwə ŋii, ndɔ̀ yizɔ laa yi tii ŋwaꞌlə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:35

Vɨɨ Jus gi sheꞌ vəŋ vəŋ laa, «Wə ŋwə̀ sii gì laa yi ndɔ gə fə, tɨ́ kaꞌ nsiŋ kee ndɔ ye ŋwə me? Ŋwə ndɔ gə ye vɨɨ Jus mbɨə faŋ vəŋ sàynə taa ŋwaa vɨɨ Griik, kɔꞌ kɨ nii deesə nu ki tɨ́ vɨɨ Griik mu?

Akts 13:14

Vəŋ baa kii shɔɔ, ndɔ̀ fɨ Perga, koꞌ gə̀ ziꞌ ntɨꞌ Antiɔk fɨ shɨ Pisidia. Kɨ luu maa shi zwisə Nwi, vəŋ gə taa ŋii Nwi, dùꞌnə nsi.

Akts 14:1

Pɔɔl ghɔ Barnabas shɔɔ gə̀ ntɨꞌ Ikoniɔn, baa kii ŋii taa ŋii məshəŋtə Nwi vɨɨ Jus, gì shɔ maa kəŋ jɨɨ yimɔ́ꞌ nee, vɨɨ Jus nə vɨɨ Griik vəyaŋ biŋ nu Kristo.

Akts 17:11

Vɨɨ fɨ ntɨꞌ Berea nə kii fwisə jəəsə shɔ̀ɔ vɨɨ fɨ ntɨꞌ Tesalonika. Vəŋ zɔ nu Kristo nə fwi yiley, tìi fɨ taa ŋwaꞌlə Nwi shi shi, maa məye laa vənu mbɨə faŋ Pɔɔl nəə gisə nə, lùu yinsəŋ mu?

Akts 17:17

Nɨniŋ, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ Jus ghɔ vɨ vɨɨ Griik faŋ vəŋ nə bìŋ nu Nwi vɨɨ Jus. Ŋwə baa gə̀ taa yiwiŋ shi shi, gisə tɨ́ vɨɨ mbɨə faŋ ghɔ vɨ vəŋ nəə faynə yifi.

Akts 18:13

gə gì laa, «Wə ŋwə̀ toꞌ dɔɔ vɨɨ laa vəŋ bəŋsə Nwi maa kəŋ jɨɨ yimɔ́ꞌ faŋ nyə kee yikuꞌnə maa nuŋsə shɨ me.»

Akts 18:19

Faŋ vəŋ nə ziꞌ shɨ Efesɔs, ŋìi taa ŋii məshɔꞌtə Nwi vɨɨ Jus, gi tɨ́ vɨɨ Jus, kɨ nii mèꞌtə Prisila ghɔ Akwila shɨ Efesɔs.

Akts 19:26

Nɨniŋ, viŋ yɨye, baa zɔ faŋ Pɔɔl wì buulə vətɔ və vɨɨ vəyaŋ, laa vəŋ meꞌ vənwi, buꞌ laa ŋwə toꞌ gisə laa vənwi faŋ vɨ nàysə nə ghɔ, kee lùu vənwi me. Ŋwə kee yɨsə nɨniŋ sheꞌ shɨ Efesɔs me, ŋwə yɨsə fɨ nsi Asia yinshə.

Akts 19:8

Kɨ luu maa vəshi vəzwisə və vɨɨ Jus, Pɔɔl ŋii taa ŋii məshɔꞌtə Nwi vɨɨ Jus, gì tɨ́ vəŋ nə fwi yiweꞌ maa yiŋuu yitia, kɨ kəə yɨ̀sə laa vəŋ biŋ nu yifwàŋ Nwi.

Akts 26:28

Fwàŋ Agripa bəŋsə tɨ́ ŋwə laa, «Bəə sheꞌ tɨtiꞌ fɨ ghɔ a kiasə mə nə shuu wə, mə gu wuu Kristo.»

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

2 Kɔrintian 5:11

Nɨniŋ, yia faꞌ nə wutə maa məyɨsə laa vɨɨ biŋ nu Nwi, buꞌ laa yia fee Nwi. Nwi kɨɨ nə fwi sia laa yia faꞌ nɨniŋ nə fwi yiley. Mə baa bɨꞌtə laa viŋ kɨ̀ɨ nɨniŋ nɨzi.