Akts 18:27 - Vengo (Babungo)

²⁷ Shi mɔ́ꞌ Apɔlɔs nə kəə gə shɨ Akaya. Vɨɨ məbiŋ nu Kristo fɨ shɨ Efesɔs nyɔꞌ ŋwaꞌlə tɨ́ vaŋ-nshwi vəŋ fɨ shɨ Akaya laa vəŋ jia Apɔlɔs ŋkee jəə. Nɨniŋ, ŋwə gə nə ŋwaꞌlə ghɔ́, gə̀ ziꞌ Akaya. Faŋ ŋwə nə luu yifi, gaŋtə vɨɨ məbiŋ nu Kristo ŋkee jəə nə wutə ki kɔ́, faŋ Nwi nə key ŋwə shɔ nə.

Akts 18:27 ပူးပေါင်းရင်းမြစ်များ

Kɔlɔsii 4:10

Aristarkɔs faŋ ŋwə lùu feenə taa ŋii mfiŋ yia ŋwə mɔ́ꞌ, shɔꞌtə viŋ. Mark, wee weenshu Barnabas, shɔꞌtə viŋ nɨzi. Mə duꞌtə mə nyɔꞌ vənu kɔ̀ŋ ŋwə tɨ́ viŋ. laa ŋwə taa jwi yɨ viŋ, viŋ jia ŋwə jəə.

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Filipi 1:25

Nɨniŋ, mə kɔꞌ kɨɨ yinsəŋ laa ŋkə lùu nɨniŋ, laa mə taa goꞌ feenə, nsiŋ taa goꞌ, tɨ́ kaꞌ mə gaŋtə viŋ vənshə, viŋ nùŋ fwi siŋ maa Kristo, tɨ̀ŋnə weꞌ, gə̀ nə vɨsɨ, baa kìi məŋaytə yaŋ buꞌ nu Kristo.

2 Kɔrintian 1:24

Kɨ ŋkə kee lùu laa yia kɨ sɔꞌ nsɔꞌ tɔ viŋ buꞌ məbiŋ wiŋ, faŋ viŋ nùŋsə fwi siŋ maa Kristo me. Yia bee kii lùu vɨɨ məgaŋtə viŋ laa viŋ kii məŋaytə, buꞌ laa viŋ duꞌtə viŋ nuŋsə fwi siŋ maa Kristo, gòꞌsə shɔ.

1 Kɔrintian 16:3

Yighee njyə faŋ mə ndɔ jwi yɨ viŋ, viŋ taa shoꞌ vɨɨ, vəŋ ndɨ vətɔ mbɨə faŋ viŋ baytə̀ nə, gə̀ nə mbə Jerusalem. Faŋ vəŋ taa kii gə, mə nyɔꞌ vəŋwaꞌlə, kɔ̀ tɨ́ vəŋ, vəŋ gə nə vəŋwaꞌlə vɔ́, baa nə vətɔ mbɨə faŋ viŋ baytə̀ nə.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Akts 19:1

Nə luu maa yighee yɔ́ faŋ Apɔlɔs nə luu ntɨꞌ Kɔrint fɨ shɨ Akaya, Pɔɔl shɔɔ fɨ taa təkweꞌ fɨ nsi Asia, siꞌ jwi shɨ Efesɔs. Faŋ ŋwə nə ziꞌ shɨ Efesɔs, yè vɨɨ məbiŋ nu Kristo vəmɔ́ꞌ,

Akts 18:18

Nu kɔ́ kɨ me, Pɔɔl baa shi yifi tày, baa kɨ nii kɔ̀ bwey-jəə tɨ́ vɨɨ məbiŋ nu Kristo, siꞌ gə̀ ntɨꞌ Keŋkria, kɔ̀ŋ tɔ ki, buꞌ laa ŋwə nə kɔ̀ꞌnə nu tɨ́ Nwi, ghɔ vɨ Prisila nə Akwila, kɨ nii ŋìi taa bay kwalə, tɔŋ gə njɨɨ Siria.

Akts 9:27

Barnabas ndi ŋwə, gə̀ nə ŋwə vɨsɨ vɨɨ ntɔŋ Yeso, nàysə tɨ́ vəŋ faŋ Sɔɔl yaa faynə jɨɨ ghɔ Yeso, Yeso gi tɨ́ ŋwə nə, baa nə faŋ ŋwə nə fɨ̀ꞌtə nu Nwi ntɨꞌ Damaskɔs buꞌ yizii Yeso ntee.

1 Kɔrintian 3:6

Yia lùu yaa vɨɨ faꞌ taa biisə. Mə bia vətɔ, Apɔlɔs tutə muu shɔ. Luu nə, luu sheꞌ Nwi faŋ ŋwə yɨsə laa vətɔ vɔ́ fuu kɨ ta.

Akts 18:12

Yighee njyə faŋ Galio nə bɨ jwì lùu goməna shɨ Akaya, vɨɨ Jus nə shə̀ŋtə, kà yighaw tɔ Pɔɔl, ndì ŋwə, gə̀ nə ŋwə taa ŋii nsɔꞌsə,

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 11:26

Ŋwə kəə Sɔɔl, yè ŋwə, ndì ŋwə, ghɔ ŋwə bəŋ gə Antiɔk. Vəŋ vəbɔɔ duꞌ tày ghɔ vɨ vɨɨ məbiŋ Kristo fɨ Antiɔk yaa ŋuꞌ ŋkwəŋ, deesə nu Nwi tɨ́ vɨɨ vəyaŋ. Nə luu ntɨꞌ Antiɔk faŋ vɨ nə fɔŋ tey kɨ tii vɨɨ məbiŋ nu Kristo laa vɨɨ Kristo.

Akts 15:34

Luu nə, Silas nə kàw maa məgoꞌ Antiɔk.]