Akts 18:24 - Vengo (Babungo)

²⁴ Maa yighee yɔ́ wuu Jus mɔ́ꞌ nə luu shɔ faŋ yizii yi luu Apɔlɔs, faŋ vɨ nə bi ŋwə ntɨꞌ Alesandria (fɨ shɨ Ijip). Wə ghɔ́ jwi shɨ Efesɔs, faŋ ŋwə nə luu wuu yigisə yijəənə baa lùu yineꞌtə, baa wèꞌ maa ŋwaꞌlə Nwi.

Akts 18:24 ပူးပေါင်းရင်းမြစ်များ

Matiu 13:52

Ŋwə gi tɨ́ vəŋ laa, «Wuu məkɨɨ nə ŋwaꞌlə Nwi ŋgwə faŋ ŋwə zwètə nu yifwàŋ yizɔ, lùu yaa tɨɨ fu, faŋ ŋwə nùŋsə vətɔ vi vənshə taa ŋii ŋwə, tɨ́ kɨ kaꞌ ŋwə kɨ fuusə vətɔ vəfivə fɨ fuŋ ghɔ vəmwavə.»

Lukas 24:19

Ŋwə bitə tɨ́ vəŋ laa lùu ŋkɨə nu? Vəŋ gi tɨ́ ŋwə laa, «Lùu nu Yeso, wuu Nazaret, faŋ nə luu nshiiŋii-sɔghɔ, wèꞌ maa vənu vi faŋ ŋwə nəə yɨsə, nə mbɨə faŋ ŋwə nəə gisə vənshə, vɨsɨ Nwi nə vɨɨ vənshə.

Akts 18:19

Faŋ vəŋ nə ziꞌ shɨ Efesɔs, ŋìi taa ŋii məshɔꞌtə Nwi vɨɨ Jus, gi tɨ́ vɨɨ Jus, kɨ nii mèꞌtə Prisila ghɔ Akwila shɨ Efesɔs.

Akts 18:21

gì tɨ́ vəŋ laa, «Nwi taa biŋ, mə ndɔ baa jwi.» Sheꞌ nɨniŋ, ŋwə baa kii ŋii taa bay, ndɔ̀ fɨ shɨ Efesɔs,

Akts 18:28

Ŋwə nə ghɔ̀ꞌ vɨɨ Jus ntee, faŋ ŋwə nə twèlə fɨ taa ŋwaꞌlə Nwi ŋkee ley, laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə nə.

Akts 19:1

Nə luu maa yighee yɔ́ faŋ Apɔlɔs nə luu ntɨꞌ Kɔrint fɨ shɨ Akaya, Pɔɔl shɔɔ fɨ taa təkweꞌ fɨ nsi Asia, siꞌ jwi shɨ Efesɔs. Faŋ ŋwə nə ziꞌ shɨ Efesɔs, yè vɨɨ məbiŋ nu Kristo vəmɔ́ꞌ,

Akts 27:6

Tɨɨ vəsogeꞌ ghɔ́ ye bay kwalə kəmɔ́ꞌ faŋ ŋkə nə ndɔ̀ fɨ shɨ Alesandria, kɨ kəə tɔŋ gə Itali. Ŋwə gi yia fuu, ŋìi taa bay yiŋkii.

Akts 6:9

Luu nə, vɨɨ mɔ́ꞌ nə luu shɔ faŋ vəŋ kee kàw Stefen me. Nə luu vɨɨ Jus fɨ taa ŋii məshɔꞌtə Nwi yimɔ́ꞌ, faŋ vɨ nəə tii vəŋ laa vəbuꞌ faŋ vɨ shòꞌtə fɨ maa vəŋ. Vɨɨ Kirene nə vɨɨ Alesandria nə vəmɔ́ꞌ fɨ Saylisia, nə fɨ Asia nə luu taa ŋwaa vəŋ. Vəŋ ndɔ kɨ suŋnə ghɔ vɨ Stefen.

Akts 7:22

Vɨ deesə ŋwə nə vənu və yitɔfə və vɨɨ Ijip vənshə. Ŋwə kɨ nii luu ŋkee wə maa yigisə yi nə vənu vəyɨvə vi.

1 Kɔrintian 1:12

Viŋ gàasə yiŋwaa yiŋ, vɨɨ mɔ́ꞌ gi laa vəŋ beꞌsə Pɔɔl, vɨɨ mɔ́ꞌ laa vəŋ lùu vɨɨ Apɔlɔs, vəmɔ́ꞌ laa vəŋ beꞌsə Pita, vəmɔ́ꞌ laa vəŋ beꞌsə sheꞌ Kristo.

1 Kɔrintian 16:12

Gə fɨ maa weenshu ŋwaa-nsiŋ Apɔlɔs, mə nəə buꞌ ghɔ tɨ́ ŋwə ghee yaŋ, laa ŋwə beꞌsə vaŋ-nshwi vəmɔ́ꞌ, jwì yɨ viŋ, ndèynə viŋ. Luu nə, ŋkə nə kee lùu taa ŋkɨɨ Nwi laa ŋwə jwi maa yighee nyə̀ me. Ŋwə taa kii yighee, buu jwi yɨ viŋ.

1 Kɔrintian 4:6

Vaŋ-nshwi vaŋ, nu ŋkɨə faŋ mə nii gìsə nə, mə gìsə kɔ̀ŋ nshɨ-tɔ ŋwaa nə Apɔlɔs maa məgaŋtə viŋ, tɨ́ kaꞌ viŋ kɨ̀ɨ nə ŋiꞌ yigi njyə faŋ nyə gì laa, «Bàw wə kɨ toꞌ sheꞌ maa nu ŋkɨə faŋ ŋkə lùu taa ŋwaꞌlə Nwi. Kɨ wə kɨ dee ki me.» Ŋkə kee kùꞌnə laa viŋ kɨ koꞌsə yiŋwaa buꞌ wə me, ndɔ baa suꞌsə wə mɔ́ꞌ nsi.

2 Kɔrintian 10:10

faŋ vɨɨ mɔ́ꞌ gì laa vəŋwaꞌlə və Pɔɔl lùu vəshəsə baa lùu vəweꞌ, luu nə, faŋ nsiŋ vɨ vəŋ lùu shəŋ kəmuꞌ, ŋwə bɨbwa, yigisə yi luu yibwaŋnə.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

Taytəs 3:13

Yɨ jəə maa məkɔ vətɔ və yitoꞌ tɨ́ Zenas, wuu məkɨɨ nə ntɨsə wì, nə Apɔlɔs, laa tuu wee-fa kee bə̀ə fɨ ghɔ vəŋ me.