Akts 18:18 - Vengo (Babungo)

¹⁸ Nu kɔ́ kɨ me, Pɔɔl baa shi yifi tày, baa kɨ nii kɔ̀ bwey-jəə tɨ́ vɨɨ məbiŋ nu Kristo, siꞌ gə̀ ntɨꞌ Keŋkria, kɔ̀ŋ tɔ ki, buꞌ laa ŋwə nə kɔ̀ꞌnə nu tɨ́ Nwi, ghɔ vɨ Prisila nə Akwila, kɨ nii ŋìi taa bay kwalə, tɔŋ gə njɨɨ Siria.

Akts 18:18 ပူးပေါင်းရင်းမြစ်များ

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Mark 6:46

Ŋwə kɔ bwey-jəə tɨ́ vɨɨ vɔ́, ndɔ̀ koꞌ gə̀ fuu kweꞌ maa məshɔꞌtə Nwi.

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 15:23

Vɨ kɨ nii nyɔ̀ꞌ ŋwaꞌlə, kɔ̀ tɨ́ vəŋ, vəŋ gə nə ŋwə. Taa ŋwaꞌlə ghɔ́, vɨ nə ŋwàꞌlə laa, «Nyɔꞌ vɨɨ ntɔŋ Yeso ghɔ vɨ vɨɨ taa fɨ taa məshəŋtə vɨɨ Kristo nyɔ̀ꞌ ŋwaꞌlə ŋwə̀ tɨ́ vɨɨ tətɔŋ fu faŋ viŋ biŋ nu Kristo, faŋ viŋ shi taa məshɨ mə Antiɔk nə Siria nə Saylisia. Yia nyɔ̀ꞌ tɨ́ viŋ yaa vaŋ-nshwi viŋ, shɔꞌtə viŋ jəə jəə.

Akts 15:41

shɔ̀ɔ fɨ taa məshɨ mə Siria nə Saylisia, tòꞌ wèꞌsə vɨɨ məbiŋ Kristo maa nu Nwi maa vəshəŋ vənshə.

Akts 18:2

Faŋ ŋwə nə ziꞌ yifi, yè wuu Jus mɔ́ꞌ faŋ yizii yi luu Akwila. Vɨ nə bì ŋwə shɨ Pɔntɔs. Ŋwə nə bɨ kɨ jɨjwi fɨ shɨ Itali ghɔ zu wi Prisila, buꞌ faŋ fwàŋ Klɔɔdiɔs nə kɔ̀ sɔꞌ laa vɨɨ Jus vənshə fuu fɨ shɨ Rom, faŋ lùu nsi Itali. Pɔɔl nə gə ye vəŋ,

Akts 18:26

Ŋwə tey kɨ gisə taa ŋii məshɔꞌtə Nwi vɨɨ Jus nə fwi yiweꞌ. Prisila ghɔ Akwila zɔ yigisə yi, tii ŋwə taa ŋii vəŋ, baa twèlə nu tɨta Yeso tɨ́ ŋwə ŋkee jəə.

Akts 18:27

Shi mɔ́ꞌ Apɔlɔs nə kəə gə shɨ Akaya. Vɨɨ məbiŋ nu Kristo fɨ shɨ Efesɔs nyɔꞌ ŋwaꞌlə tɨ́ vaŋ-nshwi vəŋ fɨ shɨ Akaya laa vəŋ jia Apɔlɔs ŋkee jəə. Nɨniŋ, ŋwə gə nə ŋwaꞌlə ghɔ́, gə̀ ziꞌ Akaya. Faŋ ŋwə nə luu yifi, gaŋtə vɨɨ məbiŋ nu Kristo ŋkee jəə nə wutə ki kɔ́, faŋ Nwi nə key ŋwə shɔ nə.

Akts 21:23

Bàw a yɨ nu ŋkɨə faŋ yia naysə tɨ́ ghɔ ndwə. Vɨɨ mɔ́ꞌ taa ŋwaa yia feenə yishwe faŋ vəŋ nə kɔ̀ꞌnə nu tɨ́ Nwi, kɨ kəə leysə yiŋwaa vəŋ vɨsɨ Nwi.

Akts 21:24

Nɨniŋ, bàw a ndi vəŋ, ŋìi taa ŋwaa vəŋ, baa luu lèysə nɨzi, ndɔ̀ꞌ tɔ kə nə tɔ vəŋ vənshə taa ŋii Nwi yikwalə, buu vəŋ taa kɔŋ vətɔ vəvəŋ. A yɨ nɨniŋ, buu vɨɨ vənshə taa ye laa vənu mbɨə faŋ vɨ gì kɔ̀ŋ ghɔ, kee lùu yinsəŋ me, faŋ vəŋ ye laa nshɨ-tɔ wə yɨsə maa jɨɨ ntɨsə Mose.

Akts 21:3

kɨ gə nɨniŋ, yè shɨ Sayprɔs fɨ maa kwiŋ ŋkwii, shɔ̀ɔ tɔŋ gə̀ fɨ yiba shɨ Siria, kɨ nii fùu Tayra, buꞌ laa nə luu shəŋ ŋkɨə faŋ vɨ nə fùusə vətɔ fɨ taa bay kɔ́.

Roma 16:1

Mə buꞌ ghɔ tɨ́ viŋ tɔ weenshu ŋwaa-nsiŋ Fibee, faŋ lùu wuu məgaŋtə faꞌ Nwi taa nshəŋtə vɨɨ Kristo fɨ shɨ Keŋkria.

1 Kɔrintian 9:20

Yighee njyə faŋ mə lùu yia vɨɨ Jus, mə beꞌsə nshinə vɨɨ Jus, tɨ́ kaꞌ mə ndi vəŋ, vəŋ beꞌsə Yeso Kristo. Faŋ ntɨsə nsɨə faŋ Nwi nə kɔ̀ tɨ́ Mose kee kɔlə kà mə me, yighee njyə faŋ mə lùu yia vɨ vɨɨ faŋ ntɨsə sɔ́ kà vəŋ, mə dùꞌ taa ŋwaa vəŋ sheꞌ yaa wə faŋ ntɨsə sɔ́ kà mə nɨzi, tɨ́ kaꞌ mə ndi vəŋ, vəŋ beꞌsə Kristo.

Galatia 1:21

Maa yighee yɔ́, faŋ mə nə ndɔ̀ fɨ Jerusalem, gə kwiŋ Siria, baa nə Saylisia.