Akts 18:12 - Vengo (Babungo)

¹² Yighee njyə faŋ Galio nə bɨ jwì lùu goməna shɨ Akaya, vɨɨ Jus nə shə̀ŋtə, kà yighaw tɔ Pɔɔl, ndì ŋwə, gə̀ nə ŋwə taa ŋii nsɔꞌsə,

Akts 18:12 ပူးပေါင်းရင်းမြစ်များ

Matiu 27:19

Kɨ luu maa yighee yɔ́, faŋ goməna nə dùꞌ fuu ŋkaw məshia nsɔꞌ nə, zu wi tɔŋ ntɔŋ tɨ́ ŋwə laa, kɨ ŋwə kwaŋ ghɔ maa nu nsɔꞌ wuu ley wì me, laa nu ki nii ghaysə yi dɨdɨꞌ ndee taa njyəə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:13

Pilate zɔ nu kɔ́, fùusə Yeso fu, dùꞌnə fuu ŋkaw məshia nsɔꞌ maa shəŋ ŋkɨə faŋ vɨ nəə tii nə taa shiŋii ŋoꞌsə. Yizii shəŋ kɔ́ yimɔ́ꞌ luu laa Gabata maa ghaŋ Hibru.

Akts 13:12

Goməna ghɔ́ ye nu ŋkɨə faŋ ŋkə nə gày, shuu wi yɔŋ maa wutə mədeesə vəŋ buꞌ tɨta Yeso. Ŋwə kɨ nii bìŋ nu Nwi.

Akts 13:50

Vɨɨ Jus duꞌ kɨ gisə tɨ́ vəki və vəshɨꞌ faŋ vəŋ nəə jwi taa ŋii Nwi vɨɨ Jus, ndɔ gə̀ yè vəshɨꞌ nɨzi, gì nu bwə tɔ Pɔɔl ghɔ Barnabas, yɨ laa vɨ tey kɨ kəə ŋiꞌ Pɔɔl ghɔ Barnabas, kɨ nii jɔ̀ŋ vəŋ fɨ maa shɨ kɔ́.

Akts 13:7

Ŋwə nə luu wuumba goməna Sergiɔs Pɔɔl, faŋ nə luu wuu tɔ ley. Goməna ghɔ́ tii Barnabas ghɔ Sɔɔl, kɨ kəə zɔ nu Nwi fɨ ghɔ vəŋ, vəŋ jwi.

Akts 13:8

Bar-Jiisəs, wuu ŋay ghɔ́, faŋ yizii yi maa ghaŋ Griik nə luu Elimas, twey yigisə vəŋ, kɨ kəə kwiinə fwi goməna laa ŋwə kee bìŋ nu Kristo me.

Akts 14:19

Vɨɨ Jus vəmɔ́ꞌ fɨ Antiɔk nə fɨ Ikoniɔn kɨ nii jwì, bùulə tɔ vɨɨ Listra. Vəŋ tumə Pɔɔl nə ŋoꞌsə, sùŋ ŋwə, fùusə ŋwə fɨ taa shɨ, bɨꞌtə laa ŋwə kù.

Akts 14:2

Luu nə, vɨɨ Jus vəmɔ́ꞌ faŋ vəŋ nə kee bìŋ nu Kristo me, gə yè vɨɨ faŋ kee lùu vɨɨ Jus me, yɨ̀ laa fwisə vəŋ fəŋ maa Pɔɔl ghɔ Barnabas.

Akts 17:13

Faŋ vɨɨ Jus fɨ ntɨꞌ Tesalonika nə zɔ laa vɨ Pɔɔl fɨꞌtə nu Nwi ntɨꞌ Berea nɨzi, vəŋ jwi shɔ, bùulə tɔ vɨɨ, bùulə ntɨꞌ yɔ́ yinshə.

Akts 17:5

Vɨɨ Jus ye, fəsə ŋii taa fwisə vəŋ, vəŋ gə bàytə vɨɨ dayday nə vɨɨ bwənə, bàytə vɨɨ vəyaŋ, vəŋ ŋii nə mbuulə taa shɨ. Nɨniŋ, vɨɨ Jus vɔ́ gə ŋìi fu Jason, kɨ kəə Pɔɔl ghɔ Silas maa məjia vəŋ, gə̀ nə vəŋ vɨsɨ nwaa vɨɨ vɔ́, faŋ vəŋ nə bàytə shɔ nə.

Akts 18:11

Nɨniŋ, ŋwə shi shɔ ŋuꞌ ŋkwəŋ nə yiŋuu ntɔfə, deesə nu Nwi tɨ́ vɨɨ.

Akts 18:27

Shi mɔ́ꞌ Apɔlɔs nə kəə gə shɨ Akaya. Vɨɨ məbiŋ nu Kristo fɨ shɨ Efesɔs nyɔꞌ ŋwaꞌlə tɨ́ vaŋ-nshwi vəŋ fɨ shɨ Akaya laa vəŋ jia Apɔlɔs ŋkee jəə. Nɨniŋ, ŋwə gə nə ŋwaꞌlə ghɔ́, gə̀ ziꞌ Akaya. Faŋ ŋwə nə luu yifi, gaŋtə vɨɨ məbiŋ nu Kristo ŋkee jəə nə wutə ki kɔ́, faŋ Nwi nə key ŋwə shɔ nə.

Akts 19:21

Yiŋkii kɨ shɔɔ, Pɔɔl kwaꞌtə fɨ tɔ ŋwə laa yi taa shɔɔ fɨ shɨ Makedonia, baa nə fɨ shɨ Akaya, buu bə̀ŋ gə Jerusalem. Ŋwə gi laa, «Mə taa ziꞌ yifi, buu kaꞌ mə gə ye shɨ Rom nɨzi.»

Akts 25:10

Pɔɔl gi laa, «Mə tɨ̀ŋnə taa ŋii nsɔꞌ fwàŋ kwalə Kaysa fɨ shɨ Rom, faŋ ghɔ lùu goməna tɨ́ ŋwə nə. Lùu shəŋ ŋkɨə faŋ vɨ taa ghaa sɔꞌ nsɔꞌ nyaa. Mə kee yɨ̀ nu bwə tɨ́ vɨɨ Jus me. A kɔꞌ kɨɨ ŋkee jəə.

Roma 15:26

Fwisə vɨɨ Makedonia nə vɨɨ Akaya nə bàw, vəŋ baytə vətɔ maa mətɔŋ tɨ́ mbəəsə fɨ taa ŋwaa vɨɨ ley Nwi fɨ ntɨꞌ Jerusalem.

Roma 16:5

Viŋ shɔꞌtə vəŋ, baa shɔ̀ꞌtə nshəŋtə vɨɨ Kristo fɨ taa ŋii vəŋ, baa shɔ̀ꞌtə Epaynetɔs, faŋ mə kàw ŋwə nə. Ŋwə nə luu mfɔŋ wə faŋ ŋwə nə fìŋ tɔ ki tɨ́ Kristo fɨ shɨ Asia.

1 Kɔrintian 16:15

Vaŋ-nshwi vaŋ, gə̀ fɨ maa Stefanas, viŋ kɔꞌ kɨɨ laa ŋwə nə luu mfɔŋ wə fɨ nsi Akaya faŋ ŋwə nə bìŋ nu Nwi. Ŋwə baa luu tweꞌ ghɔ vɨ vɨɨ vi laa vəŋ taa faꞌ maa məgaŋtə vɨɨ Nwi.

2 Kɔrintian 1:1

Lùu mə, Pɔɔl, faŋ Nwi nə shòꞌ mə laa mə luu wuu faꞌ Yeso Kristo, baa nə weenshu ŋwaa-nsiŋ Timoti, faŋ yia nyɔ̀ꞌ ŋwaꞌlə ŋwə̀ tɨ́ viŋ. Yia nyɔ̀ꞌ tɨ́ viŋ, vɨɨ ley Nwi vənshə fɨ shɨ Kɔrint nə fɨ nsi Akaya yinshə.

2 Kɔrintian 11:10

Mə gì ntee buꞌ yinsəŋ Kristo fɨ taa fwi mə laa, kaꞌ wə kee fə̀ŋ mə fɨ maa nu kɔ́ fɨ nsi Akaya me, fɔnə faŋ mə faꞌ tɨ́ viŋ, kee ndeynə vəndɔꞌnə me, faŋ lùu nu məŋaytə shee.

2 Kɔrintian 11:26

Ghee yaŋ faŋ mə toꞌ yitoꞌ nyaa, mə nə kii ŋɨꞌ fɨ ghɔ muu, faŋ mbə fùu, baa nə fɨ ghɔ vəndɔꞌ, baa lùu taa ŋɨꞌ fɨ ghɔ vɨɨ Jus nə fɨ ghɔ vɨɨ tɔŋmə day. Mə nə yè ŋɨꞌ taa məshɨ, nə taa vəshəŋ və nɔŋ-nɔŋ, nə taa mamuu, nə taa ŋwaa vɨɨ mənay.

2 Kɔrintian 9:2

Mə kɨɨ nə fwi yijəə yiŋ, baa bəŋsə viŋ shɔ tɨ́ vɨɨ Makedonia. Mə nàysə tɨ́ vəŋ laa vɨɨ Akaya nə duꞌtə vəŋ tey kɨ baytə vətɔ vəvəŋ shù fɨ maa ŋuꞌ njii. Wutə kiŋ kɔ́ suŋtə vəŋ vəyaŋ.

1 Tesalonika 2:14

Vaŋ-nshwi via, viŋ ndi ghuu yitoꞌ vɨɨ Nwi fɨ shɨ Judia, faŋ vəŋ lùu vɨɨ Nwi fiiba Yeso Kristo, buꞌ faŋ viŋ ye ŋɨꞌ fɨ ghɔ vɨɨ shɨ viŋ, sheꞌ faŋ vɨɨ Jus vɔ́ ye ŋɨꞌ fɨ ghɔ vɨɨ shɨ vəŋ nə.

1 Tesalonika 2:16

Vəŋ baa fəŋ yia laa kɨ yia kɨ gisə tɨ́ vɨɨ tətɔŋ fu, tɨ́ kaꞌ Nwi bweysə vəŋ me. Nɨniŋ, vəŋ lwèsə mfɨꞌ nu bwə vəŋ yighee muꞌ. Luu nə, nsɔꞌ Nwi duꞌtə nyə jia vəŋ maa məndisə vəŋ.

Jeyms 2:6

Luu nə, viŋ shiasə mbəəsə. Maa luu mfuꞌsə faŋ vəŋ yɨnə viŋ. Maa kwaŋ mfuꞌsə kwaŋ viŋ taa ndɔꞌ nsɔꞌsə.