Akts 17:5 - Vengo (Babungo)

⁵ Vɨɨ Jus ye, fəsə ŋii taa fwisə vəŋ, vəŋ gə bàytə vɨɨ dayday nə vɨɨ bwənə, bàytə vɨɨ vəyaŋ, vəŋ ŋii nə mbuulə taa shɨ. Nɨniŋ, vɨɨ Jus vɔ́ gə ŋìi fu Jason, kɨ kəə Pɔɔl ghɔ Silas maa məjia vəŋ, gə̀ nə vəŋ vɨsɨ nwaa vɨɨ vɔ́, faŋ vəŋ nə bàytə shɔ nə.

Akts 17:5 ပူးပေါင်းရင်းမြစ်များ

Matiu 27:18

Ŋwə nə gì nɨniŋ buꞌ laa ŋwə nəə kɔꞌ kɨɨ laa vəŋ nə ghɨ̀ꞌ Yeso ghɨghɨꞌ, buu kɔ ŋwə maa nsɔꞌ.

Akts 13:45

Faŋ vɨɨ Jus nə yè faŋ vɨɨ vɔ́ baytə ŋkee vəyaŋ nee nə, kɨ kəə zɔ yigisə Nwi, fəsə ŋii taa fwisə vəŋ, vəŋ twey nu ŋkɨə faŋ Pɔɔl nə gì ntee, ndasə ŋwə nə nu Nwi.

Akts 14:19

Vɨɨ Jus vəmɔ́ꞌ fɨ Antiɔk nə fɨ Ikoniɔn kɨ nii jwì, bùulə tɔ vɨɨ Listra. Vəŋ tumə Pɔɔl nə ŋoꞌsə, sùŋ ŋwə, fùusə ŋwə fɨ taa shɨ, bɨꞌtə laa ŋwə kù.

Akts 14:2

Luu nə, vɨɨ Jus vəmɔ́ꞌ faŋ vəŋ nə kee bìŋ nu Kristo me, gə yè vɨɨ faŋ kee lùu vɨɨ Jus me, yɨ̀ laa fwisə vəŋ fəŋ maa Pɔɔl ghɔ Barnabas.

Akts 17:13

Faŋ vɨɨ Jus fɨ ntɨꞌ Tesalonika nə zɔ laa vɨ Pɔɔl fɨꞌtə nu Nwi ntɨꞌ Berea nɨzi, vəŋ jwi shɔ, bùulə tɔ vɨɨ, bùulə ntɨꞌ yɔ́ yinshə.

Akts 17:6

Faŋ vəŋ nə ziꞌ fu Jason, kee yè vɨ Pɔɔl me, kɨ nii jìa Jason nə vɨɨ məbiŋ nu Kristo vəmɔ́ꞌ, gə̀ nə vəŋ vɨsɨ vəshɨꞌ, gì nəŋay laa, «Vɨɨ mbɨə faŋ vəŋ buulə məshɨ mənshə, zìꞌ feenə taa shɨ nsiŋ ndwə nɨzi.

Akts 17:7

Jason ndi vəŋ, nùŋ vəŋ fu ŋwə. Vəŋ vənshə kee bìŋ nu fwàŋ ŋwaa-nsiŋ Kaysa me, gisə laa fwàŋ mɔ́ꞌ lùu shɔ, lùu Yeso.

Akts 17:9

Vəshɨꞌ vɔ́ gì, Jason ghɔ vɨ vɨɨ mɔ́ꞌ ndɔꞌ nsawnə. Vɨ kɨ nii mèꞌtə vəŋ, vəŋ gə.

Akts 18:12

Yighee njyə faŋ Galio nə bɨ jwì lùu goməna shɨ Akaya, vɨɨ Jus nə shə̀ŋtə, kà yighaw tɔ Pɔɔl, ndì ŋwə, gə̀ nə ŋwə taa ŋii nsɔꞌsə,

Akts 19:40

Viŋ kɔꞌ kɨɨ laa betə sheꞌ fa nee, buu vɨ kwàŋ nsiŋ taa nsɔꞌ maa nu ŋkɨə faŋ ŋkə gày feenə ndee, faŋ vɨ buulə shɨ kaŋ-nsiŋ nə, nsiŋ kee kɨ̀ɨ nə nu, naysə tɨ́ fwàŋ kwalə ŋwaa-nsiŋ me.»

Akts 7:9

Vətɨɨ vaŋ-nsiŋ vɔ́ bee weenshu vəŋ Josef, fìŋ ŋwə shɨ Ijip. Luu nə, Nwi nə luu yiba jɨŋ ŋwə,

Roma 16:21

Timoti, faŋ yia ŋwə faꞌ mɔ́ꞌ nə, nə Lusiɔs, nə Jason, nə Sosipata, faŋ lùu vɨɨ shɨ vaŋ nə, shɔꞌtə viŋ.

1 Kɔrintian 3:3

buꞌ laa viŋ kɨ bii shi nshinə yiŋ yaa vɨɨ fɨ taa mbi. Viŋ kɨ bii nə fəsə baa nə ntaysə taa ŋwaa viŋ. Ŋkə də̀ laa mbɨꞌtə yiŋ kɨ bii yaa njyə vɨɨ fɨ taa mbi, viŋ toꞌ yaa vɨɨ fɨ taa mbi.

2 Kɔrintian 11:26

Ghee yaŋ faŋ mə toꞌ yitoꞌ nyaa, mə nə kii ŋɨꞌ fɨ ghɔ muu, faŋ mbə fùu, baa nə fɨ ghɔ vəndɔꞌ, baa lùu taa ŋɨꞌ fɨ ghɔ vɨɨ Jus nə fɨ ghɔ vɨɨ tɔŋmə day. Mə nə yè ŋɨꞌ taa məshɨ, nə taa vəshəŋ və nɔŋ-nɔŋ, nə taa mamuu, nə taa ŋwaa vɨɨ mənay.

Galatia 5:21

nə məsəsə vətɔ və vɨɨ, nə məzwi wə, nə mənu məluꞌ məyaŋmə, nə maa mətia yiŋwaa, nə kəŋ vənu vɔ́ vəyaŋ. Mə gì tɨ́ viŋ faŋ mə nə duꞌtə mə gi tɨ́ viŋ laa, vɨɨ faŋ vəŋ yɨsə kəŋ vənu vɔ́, kee ndɔ ŋii məbwey vəlwaŋ taa yifwàŋ Nwi me.

Galatia 5:26

Kɨ nsiŋ kɨ koꞌsə yiŋwaa nyaa-nsiŋ me. Kɨ nsiŋ yɨsə njyoꞌ wə lia me, tɨꞌnə me sə wə me!

1 Tesalonika 1:6

Viŋ nə zwètə nshinə yia baa nə nshinə tɨta Yeso, buꞌ faŋ viŋ nə zɔ̀ nu Nwi, bìŋ nə məŋaytə, faŋ vɨ nə kɔlə kɔ ŋɨꞌ tɨ́ viŋ ŋkee yiyaŋ. Nə yɨsə Zwitə Ley Nwi laa viŋ nə bìŋ nə məŋaytə nə.

Jeyms 4:5

Viŋ bɨꞌtə laa ŋwaꞌlə Nwi gì dayday laa, «Zwitə ŋkɨə faŋ Nwi nə kwàŋ taa fwisə nsiŋ, kəə laa fwi saŋ-nsiŋ lwaŋ nə ŋkə, laa nsiŋ luu vɨɨ vi.»