Akts 17:4 - Vengo (Babungo)

⁴ Vɨɨ mɔ́ꞌ biŋ yigisə Pɔɔl, bèꞌsə nu Pɔɔl ghɔ Silas. Vɨɨ vəyaŋ fɨ taa ŋwaa vɨɨ Griik faŋ vəŋ nəə bəŋsə Nwi, nə bèꞌsə vəŋ nɨzi. Vəki vəkwalə vəyaŋ nə luu taa ŋwaa vɨɨ vɔ́.

Akts 17:4 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:35

Vɨɨ Jus gi sheꞌ vəŋ vəŋ laa, «Wə ŋwə̀ sii gì laa yi ndɔ gə fə, tɨ́ kaꞌ nsiŋ kee ndɔ ye ŋwə me? Ŋwə ndɔ gə ye vɨɨ Jus mbɨə faŋ vəŋ sàynə taa ŋwaa vɨɨ Griik, kɔꞌ kɨ nii deesə nu ki tɨ́ vɨɨ Griik mu?

Akts 13:43

Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 13:50

Vɨɨ Jus duꞌ kɨ gisə tɨ́ vəki və vəshɨꞌ faŋ vəŋ nəə jwi taa ŋii Nwi vɨɨ Jus, ndɔ gə̀ yè vəshɨꞌ nɨzi, gì nu bwə tɔ Pɔɔl ghɔ Barnabas, yɨ laa vɨ tey kɨ kəə ŋiꞌ Pɔɔl ghɔ Barnabas, kɨ nii jɔ̀ŋ vəŋ fɨ maa shɨ kɔ́.

Akts 14:1

Pɔɔl ghɔ Barnabas shɔɔ gə̀ ntɨꞌ Ikoniɔn, baa kii ŋii taa ŋii məshəŋtə Nwi vɨɨ Jus, gì shɔ maa kəŋ jɨɨ yimɔ́ꞌ nee, vɨɨ Jus nə vɨɨ Griik vəyaŋ biŋ nu Kristo.

Akts 14:4

Vɨɨ shɨ vɔ́ kɨ nii gàasə yiway yibɔɔ, vɨɨ mɔ́ꞌ luu ghɔ vɨ vɨɨ Jus, vɨɨ mɔ́ꞌ luu ghɔ vɨ vɨɨ ntɔŋsə Kristo.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 15:27

Nɨniŋ, yia tɔ̀ŋ Silas ghɔ Judas, vəŋ taa naysə ŋkee nu ŋkɨə faŋ yia nyɔ̀ꞌ taa ŋwaꞌlə ŋwə̀ tɨ́ viŋ, nə shuu vəŋ nɨzi.

Akts 15:32

Judas ghɔ Silas faŋ nə luu nshiisə-ŋii sɔghɔ nɨzi, baa gì vənu vəyaŋ tɨ́ nshəŋtə vɨɨ Kristo yɔ́, yɨ̀sə vəŋ weꞌ maa nu Nwi.

Akts 15:40

Pɔɔl shoꞌ Silas. Nshəŋtə vɨɨ Kristo shɔꞌtə Nwi tɔ Pɔɔl ghɔ Silas laa Nwi gaŋtə vəŋ. Vəŋ ndɔ, tòꞌ fɨ nsi,

Akts 16:3

Pɔɔl nə kəə laa ghɔ Timoti kɨ toꞌ mɔ́ꞌ. Nɨniŋ, ŋwə ndi Timoti, sɨ̀ɨtə ŋwə, buꞌ vɨɨ Jus faŋ vəŋ nə luu maa kwiŋ ghɔ́, faŋ vəŋ nəə kɔꞌ kɨɨ laa tɨɨ Timoti nə luu wə fɨ shɨ Griis.

Akts 17:10

Sheꞌ faŋ fu nə jɨ, vɨɨ məbiŋ nu Kristo ndi Pɔɔl ghɔ Silas, tɔŋ vəŋ ntɨꞌ Berea. Nɨniŋ, vəŋ gə zìꞌ Berea, shɔ̀ɔ gə̀ ŋìi taa ŋii məshɔꞌtə Nwi vɨɨ Jus.

Akts 17:12

Nɨniŋ, vɨɨ vəyaŋ nuŋ fwisə vəŋ maa nu Kristo. Vɨɨ Griik vəyaŋ, vəndɔŋ nə vəki, nə luu taa ŋwaa vɨɨ məbiŋ nu Kristo nɨzi. Vəki vəkwalə nə luu taa ŋwaa vəŋ nɨzi.

Akts 17:14

Sheꞌ yighee yɔ́ vɨɨ məbiŋ nu Kristo ndi Pɔɔl, tɔŋ ŋwə mbɨɨ mamuu. Silas ghɔ Timoti goꞌ ntɨꞌ Berea.

Akts 17:17

Nɨniŋ, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ Jus ghɔ vɨ vɨɨ Griik faŋ vəŋ nə bìŋ nu Nwi vɨɨ Jus. Ŋwə baa gə̀ taa yiwiŋ shi shi, gisə tɨ́ vɨɨ mbɨə faŋ ghɔ vɨ vəŋ nəə faynə yifi.

Akts 17:34

Luu nə, vɨɨ mɔ́ꞌ beꞌsə Pɔɔl, nùŋ fwisə vəŋ maa Kristo. Wə muꞌ fɨ taa ŋwaa vəŋ nə luu Dionisiɔs, faŋ nə luu wuu ŋii njɔŋ ntoꞌ. Wə mɔ́ꞌ nə luu wəzwi faŋ yizii yi lùu Damaris. Vɨɨ vəmɔ́ꞌ nə luu shɔ nɨzi.

Akts 18:4

Maa vəshi və zwisə və vɨɨ Jus, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ kɔ̀ŋ nu Nwi, faŋ vɨɨ Jus nə vɨɨ Griik nə luu shɔ.

Akts 19:10

Vəŋ yɨsə nɨniŋ maa ŋuꞌsə bɔɔ. Nɨniŋ, vɨɨ Jus ghɔ vɨ vɨɨ Griik vənshə faŋ vəŋ nəə shi maa kwiŋ Asia zɔ nu tɨta Yeso.

Akts 2:44

Vɨɨ vənshə faŋ vəŋ nə nùŋ fwi vəŋ maa Yeso Kristo, shəŋtə shəŋ muꞌ, fa vəŋ luu kəmuꞌ.

Akts 21:28

yùmə laa, «Vɨɨ Isirayl, viŋ jwi gàŋtə! Ye wə ntɨə faŋ ŋwə toꞌ deesə vɨɨ vənshə nə bwə buꞌ vɨɨ Isirayl, nə buꞌ nuŋsə nyaa-nsiŋ, nə ŋii Nwi nyə̀. Ŋkə nə kee ta yikuꞌnə tɨ́ ŋwə me, ŋwə ndi vɨɨ Griik, jwì ŋìisə taa ŋii Nwi nyə̀, faŋ ŋkə kee yikuꞌnə laa vɨɨ tɔmə day ŋii shɔ me. Ŋwə bɨsə shəŋ ley Nwi kə̀.»

Akts 28:24

Vɨɨ mɔ́ꞌ biŋ nu ŋkɨə faŋ Pɔɔl nə gi, vɨɨ mɔ́ꞌ twey.

Akts 4:23

Sheꞌ yighee yɔ́ faŋ vɨ nə mèꞌtə Pita ghɔ Jɔn nə, vəŋ bəŋ gə yɨ vɨɨ vəŋ, nàysə nu ŋkɨə faŋ vɨɨ kwalə məfeꞌ Nwi nə vɨɨ taanə gì nə.

2 Kɔrintian 8:5

Ŋkə nə shɔ̀ɔ faŋ yia nə bɨꞌtə, vəŋ nə kɔ ŋkee yiŋwaa yivəŋ tɨ́ Nwi, baa luu kɔ̀ yiŋwaa vəŋ tɨ́ yia nɨzi, faŋ ŋkə lùu taa ŋkɨɨ Nwi.