Akts 17:32 - Vengo (Babungo)

³² Vɨɨ vɔ́ kɨ zɔ nu məywey fɨ shɨ yiku, vɨɨ mɔ́ꞌ taw ŋwə, vɨɨ mɔ́ꞌ gi laa vəŋ ndɔ baa jwi zɔ nu kɔ́ fɨ ghɔ ŋwə shi day.

Akts 17:32 ပူးပေါင်းရင်းမြစ်များ

Lukas 14:18

Luu nə, vɨɨ vɔ́ vənshə baytə nə shuu muꞌ, tay-shuꞌ. Wə muꞌ gi laa, «Mə ywàŋ shəŋ faꞌ kəmɔ́ꞌ. Nu ghɔꞌ mə laa mə gə ndèynə. Mə buꞌ ghɔ laa a meꞌtə me.»

Lukas 22:63

Vɨɨ mbɨə faŋ vəŋ nə jìa Yeso nə, shɨꞌ ŋwə, sàŋ ŋwə,

Lukas 23:11

Nɨniŋ, fwàŋ Herod ghɔ vəsogeꞌ vi shiasə ŋwə, shɨꞌ ŋwə, mɔ̀ꞌ njwi yindwaꞌlə maa ŋwə, ndì ŋwə, bə̀ŋsə tɨ́ goməna Pilate.

Lukas 23:36

Vəsogeꞌ shɨꞌ ŋwə nɨzi, ndì məluꞌ məshəsə, nesə̀, kɔ̀ tɨ́ ŋwə,

Akts 13:41

«Vɨɨ məshiasə nu kaŋ, viŋ ye, shuu wiŋ yɔŋ, viŋ ndɔ ndi. Mə ndɔ yɨsə nu sɨ viŋ, ŋkee nu, faŋ kaꞌ wə gì tɨ́ viŋ, viŋ kee biŋ me.»

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 17:31

buꞌ laa Nwi tə̀ shi faŋ ŋwə ndɔ shoꞌmə vənu və vɨɨ vənshə fɨ shɨ nsi, tə̀ wə faŋ ŋwə ndɔ shoꞌmə nu kɔ́ nə tɔ ki. Ŋwə ndɔ shoꞌmə vənu vənshə sheꞌ nə jɨɨ yiloomə. Nwi kɔ̀ wutə kɔ́ tɨ́ wə ghɔ́, faŋ Nwi nə ywèysə ŋwə fɨ shɨ yiku.»

Akts 17:33

Nɨniŋ, Pɔɔl fuu fɨ nɨntəŋ ŋwaa vəŋ, gə nə ŋwaa ŋgwinə.

Akts 2:13

Luu nə, vɨɨ mɔ́ꞌ tɨtaw, gì laa shɔ̀ɔ məluꞌ sɨ vəŋ.

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

Akts 25:19

Vəŋ gi sheꞌ vənu vəmɔ́ꞌ buꞌ nu Nwi vəŋ, faŋ ntaysə nə fùu shɔ, baa nə nu kɔ̀ŋ ŋku wə mɔ́ꞌ faŋ yizii yi lùu Yeso, faŋ Pɔɔl gisə laa ŋwə mbi.

Akts 26:8

Sii yɨ̀ kə ŋkə lùu kəweꞌ tɨ́ viŋ maa məbiŋ laa Nwi yweysə vɨɨ fɨ shɨ yiku?

1 Kɔrintian 1:23

Luu nə, yia fɨꞌtə sheꞌ nu Kristo laa vɨ nə bèy ŋwə fuu fəŋkɔꞌ fə ŋkɨꞌsə buꞌ nsiŋ. Nu kɔ́ yɨ̀sə fwisə vɨɨ Jus bɨ. Vɨɨ tɔmə day gi laa lùu nu vəmfaw.

1 Kɔrintian 15:12

Yigisə Nwi yɔ́ faŋ yia fɨꞌtə tɨ́ vɨɨ nə, lùu laa, Nwi nə ywèysə Kristo fɨ shɨ yiku. Faŋ ŋkə lùu nɨniŋ, faŋ Nwi nə ywèysə Kristo fɨ shɨ yiku nə, sii kaꞌ vɨɨ mɔ́ꞌ fɨ taa ŋwaa viŋ gi laa məywey fɨ shɨ yiku kee lùu shɔ me kɨkə?

1 Kɔrintian 4:10

Yia lùu yaa vəmfaw buꞌ faŋ yia fɨꞌtə nu Kristo. Gə fɨ maa viŋ, viŋ lùu yaa vɨɨ tɔ-ley buꞌ Kristo. Yia kee kìi wutə me. Luu nə, viŋ kìi wutə. Viŋ lùu vɨɨ faŋ vɨ fee viŋ. Luu nə, yia lùu vɨɨ faŋ vɨ gisə mbi yibwə tɔ yia.

2 Kɔrintian 6:2

Taa ŋwaꞌlə Nwi, vɨ nyɔ̀ꞌ laa, «Mə Nwi yɨ̀ nu ŋkɨə faŋ a nə bùꞌ ghɔ tɨ́ mə nə, maa yighee njyə faŋ nyə kùꞌnə. Mə gaŋtə ghɔ maa shi ŋkɨə faŋ mə kɔ məbwey tɨ́ vɨɨ.» Viŋ zɔ! Yigisə Nwi yɔ́ fàynə ndwə. Lùu yighee njyə faŋ nyə kùꞌnə tɨ́ Nwi ndwə. Shi ŋkɨə faŋ Nwi kɔ məbwey tɨ́ vɨɨ nə, lùu ndee.

Hibru 11:36

Vɨɨ mɔ́ꞌ nə ye ŋɨꞌ faŋ vɨɨ nə shɨꞌ vəŋ buꞌ nu Nwi, saŋ vəŋ nə vəmfa. Vɨ nə ka vəŋ nə vəsumə, mɔ̀ꞌ taa ŋii mfiŋ.

Hibru 13:13

Nɨniŋ, bàw nsiŋ ndɔ meꞌtə shiŋii, beꞌsə ŋwə fu, baa luu bìꞌ fɨ maa tɔ dɨɨ ki.