Akts 17:2 - Vengo (Babungo)

² Pɔɔl ŋii taa tey yi faŋ nə luu ŋgunə yi, kɨ fɨꞌtə vənu faŋ mbə luu taa ŋwaꞌlə Nwi tɨ́ vɨɨ maa vəshi və zwisə vətia, faŋ lùu təwiŋ tətia nə.

Akts 17:2 ပူးပေါင်းရင်းမြစ်များ

Matiu 26:24

Wuu yinsəŋ Nwi taa ndi, yuu vɨ nə nyɔ̀ꞌ buꞌ ŋwə taa ŋwaꞌlə Nwi. Luu nə, ndwaŋ tɔ wə ntɨə faŋ ŋwə fìŋ Wuu yinsəŋ Nwi ghɔ́. Ŋkə nə bàw tɨ́ wə ghɔ́ laa kɨ vɨ bi ŋwə me.»

Lukas 4:16

Nɨniŋ, ŋwə gə ziꞌ ntɨꞌ Nazaret nɨzi, faŋ lùu shəŋ ŋkɨə faŋ ŋwə nə tà shɔ nə. Shi zwisə Nwi kuꞌ, ŋwə gə taa ŋii Nwi, faŋ nə luu ŋgunə yi. Ŋwə ŋii, ndɔ̀ yizɔ laa yi tii ŋwaꞌlə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:20

Yeso bəŋsə tɨ́ ŋwə laa, «Mə nəə gisə yigi nyaa ntee tɨ́ vɨɨ vənshə. Mə nəə deesə taa ndɔꞌ məshəŋtə ghiŋ, nə taa ŋii Nwi yikwalə, faŋ lùu shəŋ ŋkɨə faŋ vɨɨ Jus vənshə faynə shɔ. Mə nəə kee gisə fɨ taa vəndenə me.

Akts 13:14

Vəŋ baa kii shɔɔ, ndɔ̀ fɨ Perga, koꞌ gə̀ ziꞌ ntɨꞌ Antiɔk fɨ shɨ Pisidia. Kɨ luu maa shi zwisə Nwi, vəŋ gə taa ŋii Nwi, dùꞌnə nsi.

Akts 13:5

Faŋ vəŋ nə gə ziꞌ ntɨꞌ Salamis fɨ shɨ Sayprɔs, gə̀ fɨ̀ꞌtə yigisə Nwi taa ndɔꞌ Nwi vɨɨ Jus. Jɔn Mark nə luu taa ŋwaa vəŋ maa məgaŋtə vəŋ.

Akts 14:1

Pɔɔl ghɔ Barnabas shɔɔ gə̀ ntɨꞌ Ikoniɔn, baa kii ŋii taa ŋii məshəŋtə Nwi vɨɨ Jus, gì shɔ maa kəŋ jɨɨ yimɔ́ꞌ nee, vɨɨ Jus nə vɨɨ Griik vəyaŋ biŋ nu Kristo.

Akts 17:10

Sheꞌ faŋ fu nə jɨ, vɨɨ məbiŋ nu Kristo ndi Pɔɔl ghɔ Silas, tɔŋ vəŋ ntɨꞌ Berea. Nɨniŋ, vəŋ gə zìꞌ Berea, shɔ̀ɔ gə̀ ŋìi taa ŋii məshɔꞌtə Nwi vɨɨ Jus.

Akts 17:17

Nɨniŋ, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ Jus ghɔ vɨ vɨɨ Griik faŋ vəŋ nə bìŋ nu Nwi vɨɨ Jus. Ŋwə baa gə̀ taa yiwiŋ shi shi, gisə tɨ́ vɨɨ mbɨə faŋ ghɔ vɨ vəŋ nəə faynə yifi.

Akts 18:4

Maa vəshi və zwisə və vɨɨ Jus, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ kɔ̀ŋ nu Nwi, faŋ vɨɨ Jus nə vɨɨ Griik nə luu shɔ.

Akts 19:8

Kɨ luu maa vəshi vəzwisə və vɨɨ Jus, Pɔɔl ŋii taa ŋii məshɔꞌtə Nwi vɨɨ Jus, gì tɨ́ vəŋ nə fwi yiweꞌ maa yiŋuu yitia, kɨ kəə yɨ̀sə laa vəŋ biŋ nu yifwàŋ Nwi.

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Akts 8:35

Filip tey kɨ gisə sheꞌ buꞌ shəŋ ŋwaꞌlə kɔ́, nàysə ntɔŋ yijəə Nwi tɨ́ ŋwə kɔ̀ŋ Yeso.

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

1 Kɔrintian 15:3

Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.