Akts 17:14 - Vengo (Babungo)

¹⁴ Sheꞌ yighee yɔ́ vɨɨ məbiŋ nu Kristo ndi Pɔɔl, tɔŋ ŋwə mbɨɨ mamuu. Silas ghɔ Timoti goꞌ ntɨꞌ Berea.

Akts 17:14 ပူးပေါင်းရင်းမြစ်များ

Matiu 10:23

Vɨ ndɔ kɨ shoꞌ ghuu ghiŋ fɨ taa ntɨꞌ yimɔ́ꞌ, viŋ nyɨŋ gə shəŋ day. Mə naysə nu yinsəŋ tɨ́ viŋ laa viŋ kee ndɔ kia shɨ Isirayl, mètə ntɨꞌsə sənshə me, buu Wuu yinsəŋ Nwi ndɔ bəŋ jwì me.

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 16:1

Nɨniŋ, Pɔɔl ghɔ Silas gə ziꞌ Derbi nə Listra. Wuu məzwetə nu Kristo mɔ́ꞌ nə luu shɔ, yizii yi lùu Timoti. Nshu wi nə luu wuu Jus faŋ ŋwə nə nùŋ fwi yi maa Yeso. Tii wi nə luu wuu Griik.

Akts 17:10

Sheꞌ faŋ fu nə jɨ, vɨɨ məbiŋ nu Kristo ndi Pɔɔl ghɔ Silas, tɔŋ vəŋ ntɨꞌ Berea. Nɨniŋ, vəŋ gə zìꞌ Berea, shɔ̀ɔ gə̀ ŋìi taa ŋii məshɔꞌtə Nwi vɨɨ Jus.

Akts 17:15

Vɨɨ mbɨə faŋ vəŋ nə gə̀ nə Pɔɔl, gə nə ŋwə, gə̀ ziꞌ ŋkee ntɨꞌ Atens (fɨ shɨ Akaya). Vəŋ kɨ nii bə̀ŋ nə ntɔŋ fɨ ghɔ Pɔɔl laa bàw Silas ghɔ Timoti kee baa tày dɨdɨꞌ, buu jɔ̀mə yi me.

Akts 17:4

Vɨɨ mɔ́ꞌ biŋ yigisə Pɔɔl, bèꞌsə nu Pɔɔl ghɔ Silas. Vɨɨ vəyaŋ fɨ taa ŋwaa vɨɨ Griik faŋ vəŋ nəə bəŋsə Nwi, nə bèꞌsə vəŋ nɨzi. Vəki vəkwalə vəyaŋ nə luu taa ŋwaa vɨɨ vɔ́.

Akts 17:6

Faŋ vəŋ nə ziꞌ fu Jason, kee yè vɨ Pɔɔl me, kɨ nii jìa Jason nə vɨɨ məbiŋ nu Kristo vəmɔ́ꞌ, gə̀ nə vəŋ vɨsɨ vəshɨꞌ, gì nəŋay laa, «Vɨɨ mbɨə faŋ vəŋ buulə məshɨ mənshə, zìꞌ feenə taa shɨ nsiŋ ndwə nɨzi.

Akts 18:5

Yighee njyə faŋ Silas ghɔ Timoti nə ndɔ̀ fɨ shɨ Makedonia, bèꞌsə Pɔɔl, jwì Kɔrint, Pɔɔl faꞌ maa nu Nwi ŋkee nə wutə, fɨꞌtə̀ tɨ́ vɨɨ Jus laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə tɨ́ vɨɨ nə.

Akts 19:22

Nɨniŋ, ŋwə bɨ tɔ̀ŋ vɨɨ ŋgaŋtə vi vəbɔɔ shɨ Makedonia, təzii təvəŋ luu Timoti nə Erastɔs. Nshɨ-tɔ Pɔɔl baa shì Asia, bètə vəshi vəmɔ́ꞌ.

Akts 20:3

shì shɔ yiŋuu yitia, kɨ kəə tɔŋ fɨ taa bay, gə ziꞌ shɨ Siria. Faŋ ŋwə nə kəə gə nɨniŋ nə, zɔ laa vɨɨ Jus kà mənay tɔ ŋwə. Ŋwə kɨ nii tə laa yi taa bəŋ gə, shɔ̀ɔ fɨ shɨ Makedonia.

Akts 9:25

Vɨɨ məbiŋ Yeso ndi ŋwə, kwàŋ taa ŋkɔɔ, shùŋ kuu shɔ, kòꞌsə ŋwə, sùꞌsə ŋwə fu, ŋwə nyɨŋ.

Akts 9:30

Vɨɨ məbiŋ nu Yeso zɔ, ndì ŋwə, gə̀ nə ŋwə ntɨꞌ Sisaria, tɔŋ ŋwə ntɨꞌ Tarsɔs (fɨ shɨ Saylisia).

1 Timoti 1:3

Nu ŋkɨə faŋ mə nə tɨ̀ ghɔ shɔ yighee njyə faŋ mə nə ndɔ gə̀ shɨ Makedonia nə, mə baa luu naysə tɨ́ ghɔ ndwə, laa a goꞌ shɨ Efesɔs, twèy tɨ́ vɨɨ mɔ́ꞌ faŋ vəŋ kəə deesə nu Nwi kədaykə nə.

Taytəs 1:5

Ŋiꞌ nu ŋkɨə faŋ mə nə mèꞌtə ghɔ shɨ Kriit, lùu laa a bɔŋsə vənu mbɨə faŋ mbə nə gòꞌ nə, nùŋsə vɨɨ taa taa nshəŋtə vɨɨ Nwi ntɨꞌsə ntɨꞌsə, faŋ mə nə gì tɨ́ ghɔ nə.