Akts 16:9 - Vengo (Babungo)

⁹ Faŋ vəŋ nə luu yifi, njyəə shi Pɔɔl vətuꞌ. Ŋwə ye wuu Makedonia jwi maa ŋwə taa njyəə, tɨŋ kɨ buꞌ ghɔ tɨ́ ŋwə, gì laa, «Tɔŋ jwì njɨɨ Makedonia, jwì gàŋtə yia!»

Akts 16:9 ပူးပေါင်းရင်းမြစ်များ

Akts 10:3

Shi mɔ́ꞌ bwafu nshiiŋii Nwi fuu yikəꞌ ŋwə, tii ŋwə laa, «Kɔrniliɔs.»

Akts 10:30

Kɔrniliɔs gi tɨ́ ŋwə laa, «Shɔ̀ɔ vəshi yishwe ndwə, sheꞌ faŋ ndwə nee, maa vəshɨshwi vətia, mə duꞌ taa ŋii mə, kɨ shɔꞌtə Nwi. Wə mɔ́ꞌ gwəkə tɨ̀ŋnə vɨsɨ mə nə njwi si səndwaꞌlə,

Akts 16:10

Faŋ njyəə yɔ́ nə shì Pɔɔl nɨniŋ nə, vəŋ kəə bay maa mətɔŋ gə̀ njɨɨ Makedonia, buꞌ laa vəŋ nə kɨɨ laa tii Nwi tii vəŋ, laa vəŋ tɔŋ gə̀ fɨ̀ꞌtə ntɔŋ yijəə Nwi tɨ́ vɨɨ Makedonia.

Akts 16:12

baa ndɔ̀ fɨ fuŋ, toꞌ gə̀ zìꞌ Filipi, faŋ luu ŋkee ntɨꞌ vɨsɨ fɨ shɨ Makedonia. Shəŋ kɔ́ nə baa luu ntɨꞌ vəndɔ tɨ́ vɨɨ Rom. Vəŋ kɨ nii shì yifi maa vaŋ-mbusə vəshi.

Akts 18:5

Yighee njyə faŋ Silas ghɔ Timoti nə ndɔ̀ fɨ shɨ Makedonia, bèꞌsə Pɔɔl, jwì Kɔrint, Pɔɔl faꞌ maa nu Nwi ŋkee nə wutə, fɨꞌtə̀ tɨ́ vɨɨ Jus laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə tɨ́ vɨɨ nə.

Akts 19:21

Yiŋkii kɨ shɔɔ, Pɔɔl kwaꞌtə fɨ tɔ ŋwə laa yi taa shɔɔ fɨ shɨ Makedonia, baa nə fɨ shɨ Akaya, buu bə̀ŋ gə Jerusalem. Ŋwə gi laa, «Mə taa ziꞌ yifi, buu kaꞌ mə gə ye shɨ Rom nɨzi.»

Akts 19:22

Nɨniŋ, ŋwə bɨ tɔ̀ŋ vɨɨ ŋgaŋtə vi vəbɔɔ shɨ Makedonia, təzii təvəŋ luu Timoti nə Erastɔs. Nshɨ-tɔ Pɔɔl baa shì Asia, bètə vəshi vəmɔ́ꞌ.

Akts 19:29

Shɨ kɔ́ kənshə kɨ nii luu ŋkee kəbuulə kəbuulə, vɨɨ vənshə nyɨŋ gə̀ maa shəŋ vəghay, fùu jìa Gayɔs nə Aristarkɔs, vɨɨ Makedonia, faŋ nə luu vɨɨ ghuu yitoꞌ Pɔɔl.

Akts 20:1

Faŋ yumə məbuulə vədɨꞌ nə shìa, Pɔɔl baytə vɨɨ məbiŋ nu Kristo shəŋ muꞌ, gì tɨ́ vəŋ, tɨ vəŋ, kɨ nii kɔ̀ bwey-jəə tɨ́ vəŋ, ndɔ̀ gə̀ shɨ Makedonia,

Akts 20:3

shì shɔ yiŋuu yitia, kɨ kəə tɔŋ fɨ taa bay, gə ziꞌ shɨ Siria. Faŋ ŋwə nə kəə gə nɨniŋ nə, zɔ laa vɨɨ Jus kà mənay tɔ ŋwə. Ŋwə kɨ nii tə laa yi taa bəŋ gə, shɔ̀ɔ fɨ shɨ Makedonia.

Akts 27:2

Pɔɔl ghɔ wə ntɨə faŋ ŋwə nyɔ̀ꞌ ŋwaꞌlə ŋwə̀, ŋii bay kwalə kəmɔ́ꞌ, faŋ ŋkə nə ndɔ̀ fɨ Adramitiəm, kɨ kəə gə ziꞌ kwiŋ shɨ Asia. Lùu faŋ yia nə ndɔ fɨ ntɨꞌ Sisaria, yia vɨ Aristarkɔs, wuu Makedonia mɔ́ꞌ fɨ ntɨꞌ Tesalonika.

Akts 9:38

Ntɨꞌ Lida yɔ́ nə luu nshənə fɨ ntɨꞌ Jɔpa. Nɨniŋ, vɨɨ məbiŋ nu Yeso zɔ laa Pita luu ntɨꞌ Lida, vəŋ tɔŋ vɨɨ vəbɔɔ maa Pita, laa vəŋ gə bùꞌ ghɔ tɨ́ ŋwə, laa ŋwə yasə jwì ye vəŋ.

Roma 15:26

Fwisə vɨɨ Makedonia nə vɨɨ Akaya nə bàw, vəŋ baytə vətɔ maa mətɔŋ tɨ́ mbəəsə fɨ taa ŋwaa vɨɨ ley Nwi fɨ ntɨꞌ Jerusalem.

2 Kɔrintian 11:9

Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

2 Kɔrintian 12:7

Luu nə, Nwi yɨsə laa kɨ mə koꞌsə ŋwaa me, buꞌ vənu və shuu yɔŋvə faŋ mə nə ye nə. Vɨ sɔ̀ nyaw maa mbasə ŋwaa ŋwaa, faŋ luu ŋkee nshiiŋii Satan, faŋ vɨ nə kɔ laa ŋwə saŋ mə, laa mə kee baa kɨ koꞌsə ŋwaa me.

2 Kɔrintian 7:5

Faŋ yia nə jwì Makedonia, yia nə kee kìi məshəŋ ŋwaa me; yia kii ŋɨꞌ maa vəshəŋ vənshə. Vɨɨ kɔ ŋɨꞌ tɨ́ yia. Fwi sia ghaysə yia nɨzi.

2 Kɔrintian 8:1

Vaŋ-nshwi vaŋ, yia kəə yɨ̀ viŋ kɨɨ nə nu jəə ŋkɨə faŋ Nwi kèy nshəŋtə vɨɨ Nwi fɨ shɨ Makedonia shɔ.

2 Kɔrintian 9:2

Mə kɨɨ nə fwi yijəə yiŋ, baa bəŋsə viŋ shɔ tɨ́ vɨɨ Makedonia. Mə nàysə tɨ́ vəŋ laa vɨɨ Akaya nə duꞌtə vəŋ tey kɨ baytə vətɔ vəvəŋ shù fɨ maa ŋuꞌ njii. Wutə kiŋ kɔ́ suŋtə vəŋ vəyaŋ.

1 Tesalonika 4:10

Viŋ baa luu yɨ̀ nɨniŋ maa vaŋ-nshwi vaŋ-nsiŋ vənshə fɨ shɨ Makedonia. Vaŋ-nshwi via, yia tɨsə viŋ sheꞌ laa viŋ kɔꞌ kɨ gɨgə nə vɨsɨ taa ŋkawnə yiŋ yɔ́.