Akts 16:6 - Vengo (Babungo)

⁶ Vɨ Pɔɔl kɨ nii shɔ̀ɔ fɨ taa məshɨ mə Frigia nə Galatia, buꞌ laa Zwitə Ley Nwi nə fəŋ vəŋ maa məfɨꞌtə nu Nwi shɨ Asia.

Akts 16:6 ပူးပေါင်းရင်းမြစ်များ

Lukas 1:2

Vɨɨ mbɨə faŋ vəŋ nə yè vənu vɔ́ nə sɨ, shù fɨ maa vənzi, fɨ̀ꞌtə nu Nwi tɨ́ nsiŋ, nàysə vənu vɔ́ tɨ́ nsiŋ.

Akts 10:19

Pita nəə kɨ bii kəə maa məkɨɨ nə ŋiꞌ njyəə yɔ́, Zwitə Ley Nwi gi tɨ́ ŋwə laa, «Ye vɨɨ vətia faŋ vəŋ kəə ghɔ.

Akts 11:12

Zwitə Ley Nwi naysə shee laa yia vɨ vəŋ gə mɔ́ꞌ, kɨ mə betə me. Vaŋ-nshwi vaŋ-nsiŋ və̀ ntɔfə, yia vəŋ gə mɔ́ꞌ, gə̀ ŋìi taa ŋii wə ghɔ́.

Akts 16:7

Vəŋ kɨ ziꞌ kwiŋ Misia, fɨꞌnə maa məshɔɔ gə̀ shɨ Bitinia, Zwitə Yeso twey.

Akts 18:23

Pɔɔl nə shì Antiɔk vəshi vəmɔ́ꞌ, baa kii ndɔ fɨ fuŋ, gə̀ tòꞌ fɨ kwiŋ Galatia nə Frigia, toꞌ gisə tɨ́ vɨɨ məbiŋ nu Kristo, yɨsə vəŋ weꞌ maa nu Nwi.

Akts 19:10

Vəŋ yɨsə nɨniŋ maa ŋuꞌsə bɔɔ. Nɨniŋ, vɨɨ Jus ghɔ vɨ vɨɨ Griik vənshə faŋ vəŋ nəə shi maa kwiŋ Asia zɔ nu tɨta Yeso.

Akts 20:16

Yia nə gə̀ nɨniŋ, buꞌ laa Pɔɔl nə gì laa yi taa shɨshɔɔ fɨ Efesɔs, laa kɨ yi bɨsə yighee nsi Asia me. Ŋwə nəə kəə toꞌ titi, tɨ́ kaꞌ yighee mɔ́ꞌ ŋwə ziꞌ ntɨꞌ Jerusalem maa shi Pentekos.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Akts 20:4

Faŋ ŋwə nə shɔ̀ɔ fɨ shɨ Makedonia nə, vɨɨ mɔ́ꞌ nə luu shɔ faŋ ghɔ vɨ Pɔɔl toꞌ mɔ́ꞌ. Vɨɨ vɔ́ luu Sopata, wee Pirɔs fɨ Berea, nə Aristarkɔs ghɔ Sekundɔs fɨ ntɨꞌ Tesalonika, nə Gayɔs ghɔ Timoti fɨ Derbi, nə Tikikɔs ghɔ Trofimɔs fɨ kwiŋ Asia.

Akts 21:27

Faŋ vəshi vɔ́ kwatia nəə kəə mè, vɨɨ Jus mɔ́ꞌ faŋ vəŋ nə ndɔ̀ fɨ kwiŋ Asia, ye Pɔɔl taa ŋii Nwi yikwalə, tey kɨ buulə fwisə nwaa vɨɨ vənshə, jìa Pɔɔl,

Akts 6:9

Luu nə, vɨɨ mɔ́ꞌ nə luu shɔ faŋ vəŋ kee kàw Stefen me. Nə luu vɨɨ Jus fɨ taa ŋii məshɔꞌtə Nwi yimɔ́ꞌ, faŋ vɨ nəə tii vəŋ laa vəbuꞌ faŋ vɨ shòꞌtə fɨ maa vəŋ. Vɨɨ Kirene nə vɨɨ Alesandria nə vəmɔ́ꞌ fɨ Saylisia, nə fɨ Asia nə luu taa ŋwaa vəŋ. Vəŋ ndɔ kɨ suŋnə ghɔ vɨ Stefen.

Akts 8:29

Zwitə Ley Nwi gi tɨ́ Filip laa ŋwə shəŋtə gə kɨ toꞌ fɨ yɨ kaalə kɔ́.

Roma 16:5

Viŋ shɔꞌtə vəŋ, baa shɔ̀ꞌtə nshəŋtə vɨɨ Kristo fɨ taa ŋii vəŋ, baa shɔ̀ꞌtə Epaynetɔs, faŋ mə kàw ŋwə nə. Ŋwə nə luu mfɔŋ wə faŋ ŋwə nə fìŋ tɔ ki tɨ́ Kristo fɨ shɨ Asia.

1 Kɔrintian 12:11

Vənu vɔ́ vənshə ndɔ sheꞌ fɨ ghɔ Zwitə Nwi kɔ́ kəmuꞌ, faŋ ŋkə kɔ wutə tɨ́ vɨɨ maa məyɨsə vənu vɔ́. Ŋwə kɔ wutə tɨ́ wə tɨ̀ me wə nɨŋkwiŋ nɨŋkwiŋ, faŋ ŋkə bàw too Zwitə Nwi kɔ́.

1 Kɔrintian 16:1

Gə fɨ maa ka ŋgwə faŋ vɨ baytə maa məgaŋtə vɨɨ Nwi shɔ fɨ shɨ Jerusalem, bàw viŋ kɨ yɨ sheꞌ maa jɨɨ njyə faŋ mə nə tɨ̀ vəməshəŋtə və vɨɨ Nwi fɨ shɨ Galatia shɔ nə.

1 Kɔrintian 16:19

Vəməshəŋtə və vɨɨ Nwi vənshə fɨ kwiŋ Asia shɔꞌtə viŋ. Akwila nə Prisila nə nshəŋtə vɨɨ Nwi faŋ vəŋ fàynə taa ŋii vəŋ, shɔꞌtə viŋ ŋkee jəə, fɔnə viŋ vɨ vəŋ lùu fa kəmuꞌ taa ŋwaa tɨta Yeso.

2 Kɔrintian 1:8

Bàw viŋ kɨɨ laa ŋɨꞌ nə ŋìi yia shɨ Asia dɨdɨꞌ. Ŋkee nu weꞌ nə ŋìi yia, ghɔ̀ꞌ yia, ghɔ̀ꞌ wutə kia; yia fee laa yia kee taa bwey, fùu fɨ fuŋ me.

Galatia 1:2

Mə nyɔ̀ꞌ ŋwaꞌlə ŋwə̀, yia vɨɨ məbiŋ Kristo vənshə faŋ yia vɨ vəŋ lùu feenə. Yia vənshə shɔꞌtə viŋ, vɨɨ Nwi fɨ shɨ Galatia.

Galatia 3:1

Aŋ viŋ, vɨɨ Galatia, viŋ jɨ̀ŋtə dɨdɨꞌ. Lòꞌ ndə lòꞌ viŋ? Viŋ lumə faŋ mə nə fɨ̀ꞌtə tɨ́ viŋ ŋkee ley ley, faŋ vɨ nə bèy Yeso Kristo fuu fəŋkɔꞌ fə ŋkɨꞌsə.

2 Timoti 1:15

A kɨɨ laa vɨɨ vənshə fɨ nsi Asia mèꞌ mə. Vɨɨ mɔ́ꞌ fɨ taa ŋwaa vəŋ luu Figelɔs nə Hermojenis.

2 Timoti 4:10

buꞌ laa Dimas nyɨ̀ŋ fɨ yɨ mə, kaw maa məshi taa mbi nyə̀, ndɔ gə shɨ Tesalonika. Kresens gə̀ shɨ Galatia, Titɔs gə̀ shɨ Dalmatia.

Hibru 11:8

Gə fɨ maa Abraham, ŋwə nə nùŋ fwi yi maa Nwi, maa yighee njyə faŋ Nwi nə tìi ŋwə, gì tɨ́ ŋwə laa ŋwə ndɔ fɨ nsi, gə̀ maa shəŋ ŋkɨə faŋ Nwi taa də tɨ́ ŋwə, buu ŋwə ndɔ kii shəŋ kɔ́ nə. Ŋwə nə biŋ, zɔ̀nə Nwi, ndɔ̀ fɨ nsi, mèꞌtə shəŋ ki, ndɔ̀, faŋ ŋwə nə kee kɔlə kɨ̀ɨ nə shəŋ ŋkɨə faŋ ŋwə gə shɔ nə me.

1 Pita 1:1

Lùu mə Pita, wuu ntɔŋ Yeso Kristo, faŋ mə tɔŋ ŋwaꞌlə ŋwə̀ tɨ́ viŋ, vɨɨ Nwi faŋ viŋ sàykə taa məshɨ mə Pɔntɔs nə Galatia nə Kapadosia nə Asia nə Bitinia.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 1:4

Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,