Akts 16:31 - Vengo (Babungo)

³¹ Vəŋ bəŋsə tɨ́ ŋwə laa, «Nuŋ fwi yə maa Yeso Kristo, buu a ndɔ kii məbwey vəlwaŋ, viŋ vɨ ŋii yə.»

Akts 16:31 ပူးပေါင်းရင်းမြစ်များ

Mark 16:16

Wə ntɨə faŋ ŋwə taa biŋ ntɔŋ yɔ́, fì muu mə Nwi, buu ŋwə ndɔ zɨ məbwey vəlwaŋ. Wə ntɨə faŋ ŋwə kee yibiŋ me, ndɔ ŋii taa nsɔꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:12

Nə biŋ sheꞌ way vɨɨ bìŋ ŋwə, nùŋ fwisə vəŋ maa ŋwə. Nɨniŋ, ŋwə yɨ vɨɨ mbɨə faŋ vəŋ nùŋ fwisə vəŋ maa ŋwə, luu vaŋ Nwi, buꞌ faŋ vəŋ nə nùŋ fwisə vəŋ maa yizii yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:36

Wə ntɨə faŋ ŋwə nùŋ fwi yi maa Wee Nwi ghɔ́, kìi məbwey faŋ ŋwə gòꞌsə yighee muꞌ. Wə ntɨə faŋ ŋwə kee bìŋ yigisə Wee Nwi me, kaꞌ ŋwə ndɔ kee ye məbwey vəlwaŋ me, tɨꞌnə me fùu fɨ taa nsɔꞌ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:47

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, kii məbwey faŋ ŋwə kee yaa kɨ mè me.

Akts 15:11

Maa nsiŋ nùŋ fwi saŋ-nsiŋ maa tɨta Yeso, laa nsiŋ ndɔ kii məbwey vəlwaŋ buꞌ gəŋ si. Maa vɨɨ vɔ́ yɨ sheꞌ nɨniŋ.»

Akts 16:15

Yighee njyə faŋ wəzwi ghɔ́ nə vɨɨ ŋiinə vi nə fì muu mə Nwi, ŋwə kɨ nii tìi Pɔɔl ghɔ vɨ vɨɨ vi, laa vəŋ jwi shì taa ŋii ŋwə, faŋ vəŋ bìŋ yinsəŋ laa yi lùu wuu məbiŋ Nwi nə. Wəzwi ghɔ́ dɔɔ vəŋ, vəŋ biŋ.

Akts 16:32

Nɨniŋ, vəŋ fɨꞌtə nu Nwi tɨ́ ŋwə nə tɨ́ vɨɨ vənshə fɨ taa ŋii ŋwə.

Akts 18:8

Luu nə, Krispɔs faŋ nə luu tɨɨ ŋii məshɔꞌtə Nwi vɨɨ Jus, nuŋ fwi yi maa tɨta Yeso ghɔ vɨ ŋii yi yinshə. Vɨɨ Kɔrint vəyaŋ faŋ vəŋ nə zɔ̀ yigisə Pɔɔl, nuŋ fwisə vəŋ maa Kristo nɨzi, fì muu mə Nwi.

Akts 4:12

Kaꞌ wə kee kìi məbwey fɨ ghɔ wə dɨday me. Nwi kɔ sheꞌ Yeso tɨ́ nsiŋ laa nsiŋ ndɔ kii məbwey vəlwaŋ, faŋ nsiŋ bìŋ yizii Yeso yɔ́.»

Akts 8:36

Vəŋ nəə toꞌ fɨ jɨɨ, ziꞌ yɨ muu mɔ́ꞌ, ndifwaŋ ghɔ́ gi laa, «Ye muu mbə̀, taa lay kə lay mə laa mə kee fì muu me?» [

Roma 11:16

Mfɔŋ b̰e kɨ luu, lùu ŋkə Nwi, buu vəbee vənshə lùu mbə Nwi nɨzi. Ghay tɨ kɨ luu, lùu ŋgə Nwi, buu təntaŋ tə tɨ tɔ́ luu ntə Nwi nɨzi.

Galatia 3:14

Lùu ŋiꞌ nu ŋkɨə faŋ ŋkə yɨ̀, buu kaꞌ vɨɨ vənshə fɨ mbi ndɔ ye mənɔŋ-bwaŋnə fɨ ghɔ Nwi, faŋ Nwi nə kɔ̀ꞌnə tɨ́ Abraham nə. Ŋkə luu sheꞌ buꞌ Yeso Kristo faŋ ŋwə nə kù tɔ nsiŋ nə. Lùu faŋ nsiŋ fi Zwitə Nwi, faŋ Nwi nə kɔ̀ꞌnə maa məkɔ tɨ́ nsiŋ nə. Nsiŋ fi Zwitə Nwi kɔ́, faŋ nsiŋ nuŋ fwi saŋ-nsiŋ maa Kristo.

Galatia 3:22

Vɨ bee kii nyɔ̀ꞌ taa ŋwaꞌlə Nwi laa wutə nu bwə sɔꞌ mbi yinshə. Nɨniŋ laa Nwi kɔ mənɔŋ-bwaŋnə wi faŋ ŋwə nə kɔ̀ꞌnə nə, sheꞌ tɨ́ vɨɨ mbɨə faŋ vəŋ nùŋ fwi vəŋ maa Yeso Kristo.

Galatia 3:26

Viŋ lumə laa, viŋ faŋ viŋ kìi nu kəmuꞌ, viŋ vɨ Yeso Kristo, viŋ lùu vaŋ Nwi, buꞌ laa viŋ nùŋ fwi siŋ maa ŋwə.