Akts 16:22 - Vengo (Babungo)

²² Vɨɨ taa shɨ kɨ nii kwàŋ yighaw shɔ, vɨɨ məshia nsɔꞌsə setə njwisə Pɔɔl ghɔ Silas fɨ maa vəŋ, gì laa vɨ saŋ vəŋ.

Akts 16:22 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Matiu 27:26

Nɨniŋ, ŋwə fuusə Barabas, kɔ̀ tɨ́ vəŋ, ndì Yeso, gì laa vɨ saŋ ŋwə nə vəmfa, gə̀ bey ŋwə fuu fəŋkɔꞌ fə ŋkɨꞌsə.

Lukas 12:11

Kɨ luu vɨ ndɔ ndi viŋ, gə̀ nə viŋ taa ndɔꞌ nsɔꞌsə, nə vɨsɨ məshəŋtə kwalə, kɨ viŋ lɔꞌ, kɨ kwaꞌtə laa viŋ sii taa fi tɔ kiŋ kɨkə me, tɨꞌnə me laa viŋ taa gi laa kə me.

Akts 16:37

Pɔɔl zɔ ntɔŋ yɔ́, gì tɨ́ vəŋ laa, «Vɨ nə kee kəə nu kia, ye laa yia gu nu me, sàŋ yia taa yiwiŋ, faŋ yia lùu vɨɨ Rom, baa kwàŋ yia taa ŋii mfiŋ. Luu ndwə, vəŋ kəə nyɨnyɔꞌtə fùusə yia buꞌ kə? Ŋkə kee lùu nɨniŋ me! Bàw vəŋ taa jwi feenə maa nshɨ-tɔ vəŋ, jwì fùusə yia.»

Akts 17:5

Vɨɨ Jus ye, fəsə ŋii taa fwisə vəŋ, vəŋ gə bàytə vɨɨ dayday nə vɨɨ bwənə, bàytə vɨɨ vəyaŋ, vəŋ ŋii nə mbuulə taa shɨ. Nɨniŋ, vɨɨ Jus vɔ́ gə ŋìi fu Jason, kɨ kəə Pɔɔl ghɔ Silas maa məjia vəŋ, gə̀ nə vəŋ vɨsɨ nwaa vɨɨ vɔ́, faŋ vəŋ nə bàytə shɔ nə.

Akts 18:12

Yighee njyə faŋ Galio nə bɨ jwì lùu goməna shɨ Akaya, vɨɨ Jus nə shə̀ŋtə, kà yighaw tɔ Pɔɔl, ndì ŋwə, gə̀ nə ŋwə taa ŋii nsɔꞌsə,

Akts 5:40

baa tìi vɨɨ ntɔŋ Yeso taa ŋii, saŋ vəŋ nə vəmfa, gì tɨ́ vəŋ laa kɨ vəŋ baa kɨ deesə nu kɔ̀ŋ yizii Yeso me, kɨ nii mèꞌtə vəŋ.

2 Kɔrintian 6:5

Yia jìa fwi sia faŋ vɨ saŋ yia, tɨꞌnə me kwàŋ yia taa ŋii mfiŋ, tɨꞌnə me bùulə shɨ buꞌ yia, tɨꞌnə me faŋ yia ye ŋɨꞌ, tɨꞌnə me shi vətuꞌ, kee bwey me, tɨꞌnə me shi nə jɨŋ.

1 Tesalonika 2:2

Viŋ baa luu kɨɨ faŋ yia nə bɨ yè ŋɨꞌ ntɨꞌ Filipi, vɨɨ kɔ ŋɨꞌ tɨ́ yia dɨdɨꞌ. Luu nə, yia jia fwi buꞌ Nwi wia, jwi fɨ̀ꞌtə ntɔŋ yijəə Nwi tɨ́ viŋ, faŋ vɨ nə kɔlə nywènə yia nə.

Hibru 11:36

Vɨɨ mɔ́ꞌ nə ye ŋɨꞌ faŋ vɨɨ nə shɨꞌ vəŋ buꞌ nu Nwi, saŋ vəŋ nə vəmfa. Vɨ nə ka vəŋ nə vəsumə, mɔ̀ꞌ taa ŋii mfiŋ.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»