Akts 16:19 - Vengo (Babungo)

¹⁹ Yighee njyə faŋ vɨɨ vɔ́ faŋ vəŋ nə kìi wəzwi ghɔ́, nə ye laa jɨɨ ŋkəə vəŋ kee baa lùu shɔ me, vəŋ jia Pɔɔl ghɔ Silas, gə̀ nə vəŋ vɨsɨ vɨɨ kwalə taa yiwiŋ,

Akts 16:19 ပူးပေါင်းရင်းမြစ်များ

Matiu 24:9

Yiŋkii ndɔ kɨ shɔɔ, vɨ jiatə viŋ, kɔ̀ maa vəshəŋ və ŋɨꞌ, zwìlə viŋ. Vɨɨ kɨ bee viŋ taa məshɨ mənshə buꞌ nu yizii kaŋ.

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Akts 14:19

Vɨɨ Jus vəmɔ́ꞌ fɨ Antiɔk nə fɨ Ikoniɔn kɨ nii jwì, bùulə tɔ vɨɨ Listra. Vəŋ tumə Pɔɔl nə ŋoꞌsə, sùŋ ŋwə, fùusə ŋwə fɨ taa shɨ, bɨꞌtə laa ŋwə kù.

Akts 14:5

Vɨɨ Jus nə vɨɨ faŋ kee lùu vɨɨ Jus me, faynə ghɔ vɨ vɨɨ kwalə vəŋ, kɨ kəə jɨɨ maa məzwilə Pɔɔl ghɔ Barnabas, ndɔ tùmə vəŋ nə ŋoꞌsə.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 15:26

Vəŋ lùu vɨɨ faŋ vəŋ bìŋ yiku maa yizii tɨta ŋwaa-nsiŋ Yeso Kristo.

Akts 15:40

Pɔɔl shoꞌ Silas. Nshəŋtə vɨɨ Kristo shɔꞌtə Nwi tɔ Pɔɔl ghɔ Silas laa Nwi gaŋtə vəŋ. Vəŋ ndɔ, tòꞌ fɨ nsi,

Akts 16:16

Shi mɔ́ꞌ faŋ vəŋ nə gə̀ maa shəŋ məshɔꞌtə Nwi, vəŋ faynə jɨɨ ghɔ vɨ wee-wəzwi mɔ́ꞌ faŋ nə luu buꞌ. Ŋwə nə kìi zwitə kəmɔ́ꞌ faŋ ŋkə nəə yɨsə ŋwə fəə mfisə tɨ́ vɨɨ, naysə vənu faŋ mbə taa buu gày. Nɨniŋ, ŋwə nəə baytə ka ŋkee yaŋ tɨ́ vɨɨ mbɨə faŋ vəŋ nə kii ŋwə.

Akts 16:20

kɔ vəŋ tɨ́ vɨɨ məshia nsɔꞌsə, gì laa, «Vɨɨ və̀ lùu vɨɨ Jus, vəŋ buulə shɨ kaŋ-nsiŋ,

Akts 16:25

Kɨ luu nɨndɨɨ mbi, Pɔɔl ghɔ Silas shɔꞌtə Nwi taa ŋii mfiŋ, ndɔ zwaa nyaysə. Vɨɨ ŋii mfiŋ nə ywiitə, zɔ fɨ ghɔ vəŋ.

Akts 16:29

Wuu məndeynə ŋii mfiŋ, bitə kiꞌ, nyɨŋ ŋìi taa ŋii mfiŋ, ŋwaa wi nə laꞌ, ŋwə shɔɔ gə̀ gù vɨsɨ Pɔɔl ghɔ Silas,

Akts 17:6

Faŋ vəŋ nə ziꞌ fu Jason, kee yè vɨ Pɔɔl me, kɨ nii jìa Jason nə vɨɨ məbiŋ nu Kristo vəmɔ́ꞌ, gə̀ nə vəŋ vɨsɨ vəshɨꞌ, gì nəŋay laa, «Vɨɨ mbɨə faŋ vəŋ buulə məshɨ mənshə, zìꞌ feenə taa shɨ nsiŋ ndwə nɨzi.

Akts 21:30

Nɨniŋ, vəŋ buulə shɨ, vɨɨ vənshə nyɨŋ fàynə maa shəŋ kɔ́, jìa Pɔɔl, sùŋ ŋwə, fùusə fɨ taa ŋii Nwi. Sheꞌ yighee muꞌ vɨ kɨ nii fày təshuu tə ŋkɔꞌ tə ŋii Nwi.

Akts 8:3

Sɔɔl bɨsə nwaa vɨɨ Kristo dɨdɨꞌ, toꞌ ŋii taa ndɔꞌ vɨɨ nə wutə, fuusə vəndɔŋ ghɔ vəki, kwaŋ vəŋ taa ŋii mfiŋ.

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

2 Kɔrintian 6:5

Yia jìa fwi sia faŋ vɨ saŋ yia, tɨꞌnə me kwàŋ yia taa ŋii mfiŋ, tɨꞌnə me bùulə shɨ buꞌ yia, tɨꞌnə me faŋ yia ye ŋɨꞌ, tɨꞌnə me shi vətuꞌ, kee bwey me, tɨꞌnə me shi nə jɨŋ.

Filipi 1:30

Nɨniŋ, nsiŋ nywenə sheꞌ nywaŋ yimuꞌ. Viŋ nə duꞌtə viŋ ye nywaŋ njyə faŋ mə nə nywenə nə, baa zɔ̀ ndwə laa mə kɨ bii nywenə nywaŋ yɔ́.

1 Tesalonika 2:2

Viŋ baa luu kɨɨ faŋ yia nə bɨ yè ŋɨꞌ ntɨꞌ Filipi, vɨɨ kɔ ŋɨꞌ tɨ́ yia dɨdɨꞌ. Luu nə, yia jia fwi buꞌ Nwi wia, jwi fɨ̀ꞌtə ntɔŋ yijəə Nwi tɨ́ viŋ, faŋ vɨ nə kɔlə nywènə yia nə.

1 Timoti 6:10

Nu məkaw ka lùu nu faŋ vənu vəbwəvə fuu vəyaŋ fɨ fuŋ. Vɨɨ vəyaŋ faŋ vəŋ nə kàw ka, ndì jɨɨ, mèꞌ məbiŋ vəŋ, ndɨ́ə yiŋwaa yivəŋ ŋkee dɨdɨꞌ.

Jeyms 2:6

Luu nə, viŋ shiasə mbəəsə. Maa luu mfuꞌsə faŋ vəŋ yɨnə viŋ. Maa kwaŋ mfuꞌsə kwaŋ viŋ taa ndɔꞌ nsɔꞌsə.