Akts 16:14 - Vengo (Babungo)

¹⁴ Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Akts 16:14 ပူးပေါင်းရင်းမြစ်များ

Lukas 24:45

Nɨniŋ, ŋwə nə ŋaꞌsə fwisə vəŋ maa məkɨɨ nə yigisə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:20

Fɨ taa ŋwaa vɨɨ mbɨə faŋ vəŋ nə gə̀ ntɨꞌ Jerusalem maa məbəŋsə Nwi maa shi zwisə nə, vɨɨ shɨ Griis mɔ́ꞌ nə luu shɔ.

Akts 10:2

Ŋwə nəə fee Nwi, nùŋ fwi yi maa nu Nwi ghɔ vɨ ŋii yi yinshə. Ŋwə nə faꞌ jəə maa məgaŋtə mbəəsə fɨ shɨ Judia, ndɔ shɔꞌtə Nwi ghee nshə.

Akts 11:21

Wutə Nwi nə luu taa ŋwaa vəŋ, yɨsə laa vɨɨ vəyaŋ kwìinə fwisə vəŋ, nùŋ fwisə vəŋ maa tɨta Yeso.

Akts 13:43

Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 13:50

Vɨɨ Jus duꞌ kɨ gisə tɨ́ vəki və vəshɨꞌ faŋ vəŋ nəə jwi taa ŋii Nwi vɨɨ Jus, ndɔ gə̀ yè vəshɨꞌ nɨzi, gì nu bwə tɔ Pɔɔl ghɔ Barnabas, yɨ laa vɨ tey kɨ kəə ŋiꞌ Pɔɔl ghɔ Barnabas, kɨ nii jɔ̀ŋ vəŋ fɨ maa shɨ kɔ́.

Akts 16:40

Pɔɔl ghɔ Silas fùu fɨ taa ŋii mfiŋ yɔ́, gə̀ taa ŋii Lidia, yè vɨɨ məbiŋ nu Kristo, zwìsə fwisə vəŋ, kɨ nii yigə nə ŋwaa vəŋ.

Akts 18:7

Ŋwə meꞌtə vəŋ, ndɔ̀ gə̀ taa ŋii wə mɔ́ꞌ faŋ ŋwə nəə bəŋsə Nwi, kee lùu wuu Jus me. Yizii wə ghɔ́ luu Titiɔs Justɔs. Ŋii yi nə luu sheꞌ yɨ ŋii məshɔꞌtə Nwi vɨɨ Jus nee.

Akts 8:27

Filip ndɔ fɨ nsi, gə. Faŋ ŋwə nə ziꞌ yifi, yè wuu Itiopia mɔ́ꞌ faŋ nə luu ndifwaŋ taa mbuꞌ tɨ́ Kandaki, fwàŋ Itiopia faŋ nə luu wəzwi. Ndifwaŋ ghɔ́ nəə nuŋsə ka fwàŋ nshə. Ŋwə nə jwi Jerusalem maa məshɔꞌtə Nwi,

Roma 9:16

Nɨniŋ, kee lùu nu wə faŋ ŋwə kəə nu kɔ́ me, kee lùu nu wə faŋ ŋwə jɔmə nu kɔ́ nə wutə me. Luu sheꞌ nu gəŋsə Nwi, faŋ ŋwə kee gəŋsə wə nə.

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 3:20

Viŋ zɔ! Mə luu shuufɔ viŋ, buꞌtə. Wə faŋ ŋwə zɔ gɨ nyaa, ŋàꞌsə shuufɔ wi shee, buu mə taa ŋii shɔ, yè ŋwə, yia ŋwə zɨ, mə zɨ yia ŋwə.

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,