Akts 16:13 - Vengo (Babungo)

¹³ Kɨ luu maa shi zwisə Nwi vɨɨ Jus, vəŋ fuu, gə̀ mbɨɨ muu faŋ vəŋ nəə bɨꞌtə laa shəŋ məshɔꞌtə Nwi lùu shɔ. Vəŋ duꞌnə nsi, gì tɨ́ vəki mbɨə faŋ vəŋ nə bàytə yifi.

Akts 16:13 ပူးပေါင်းရင်းမြစ်များ

Matiu 13:2

Vɨɨ vəyaŋ jwi shə̀ŋtə yɨ ŋwə. Nɨniŋ, ŋwə ŋii taa bay, dùꞌ taa tey yi, nwaa vɨɨ vɔ́ tɨŋnə mbɔꞌ muu.

Mark 16:15

Ŋwə kɨ nii nàysə tɨ́ vəŋ laa, «Viŋ ndɔ, gə̀ taa mbi yinshə, kɨ toꞌ fɨꞌtə ntɔŋ yijəə Nwi tɨ́ vɨɨ vənshə fɨ taa mbi.

Lukas 13:10

Kɨ luu maa shi zwisə Nwi mɔ́ꞌ, Yeso fɨꞌtə nu Nwi taa ŋii Nwi yimɔ́ꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:2

Fu lee, ŋkee taa nshia-ndoo-mbisɨ, Yeso baa ndɔ̀ gə̀ taa ŋii Nwi yikwalə, vɨɨ vənshə baa kɨ baytə yɨ ŋwə. Ŋwə duꞌnə nsi, kɨ deesə nu Nwi tɨ́ vəŋ.

Akts 13:14

Vəŋ baa kii shɔɔ, ndɔ̀ fɨ Perga, koꞌ gə̀ ziꞌ ntɨꞌ Antiɔk fɨ shɨ Pisidia. Kɨ luu maa shi zwisə Nwi, vəŋ gə taa ŋii Nwi, dùꞌnə nsi.

Akts 13:42

Pɔɔl metə yigi yi yɔ́. Vɨɨ fuu fɨ taa ŋii Nwi, buꞌ ghɔ tɨ́ Pɔɔl nə Barnabas laa shi zwisə taa baa kuꞌ, vəŋ baa jwì nàysə kɔ̀ŋ nu kɔ́ tɨ́ vəŋ.

Akts 16:16

Shi mɔ́ꞌ faŋ vəŋ nə gə̀ maa shəŋ məshɔꞌtə Nwi, vəŋ faynə jɨɨ ghɔ vɨ wee-wəzwi mɔ́ꞌ faŋ nə luu buꞌ. Ŋwə nə kìi zwitə kəmɔ́ꞌ faŋ ŋkə nəə yɨsə ŋwə fəə mfisə tɨ́ vɨɨ, naysə vənu faŋ mbə taa buu gày. Nɨniŋ, ŋwə nəə baytə ka ŋkee yaŋ tɨ́ vɨɨ mbɨə faŋ vəŋ nə kii ŋwə.

Akts 16:6

Vɨ Pɔɔl kɨ nii shɔ̀ɔ fɨ taa məshɨ mə Frigia nə Galatia, buꞌ laa Zwitə Ley Nwi nə fəŋ vəŋ maa məfɨꞌtə nu Nwi shɨ Asia.

Akts 17:2

Pɔɔl ŋii taa tey yi faŋ nə luu ŋgunə yi, kɨ fɨꞌtə vənu faŋ mbə luu taa ŋwaꞌlə Nwi tɨ́ vɨɨ maa vəshi və zwisə vətia, faŋ lùu təwiŋ tətia nə.

Akts 18:4

Maa vəshi və zwisə və vɨɨ Jus, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ kɔ̀ŋ nu Nwi, faŋ vɨɨ Jus nə vɨɨ Griik nə luu shɔ.

Akts 20:7

Kɨ luu maa shi vɨsɨ faŋ yiwiŋ zì, yia faynə shəŋ muꞌ, yia vɨ vɨɨ məbiŋ nu Kristo maa məbɨꞌtə bee, Pɔɔl gi ghɔ vɨ vəŋ, buꞌ laa ŋwə nəə kəə ndɔ̀, faŋ fu taa lee. Nɨniŋ, ŋwə gi yigi zìꞌ nɨntəŋ vətuꞌ.

Akts 21:5

Faŋ vəshi via nə kùꞌnə maa məshi yifi, yia baa ndɔ̀ fɨ yifi. Vɨɨ vɔ́ vənshə ndi yia nə vəki vəvəŋ nə vaŋ vəŋ, tòꞌ fùu fɨ taa shɨ, yia vɨ vəŋ tuŋ vətɔ vəyəə via nsi shuu muu, shɔ̀ꞌtə Nwi,

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.