Akts 15:9 - Vengo (Babungo)

⁹ Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

Akts 15:9 ပူးပေါင်းရင်းမြစ်များ

Akts 10:15

Gɨ yɔ́ baa kii bəŋsə jwì maa ŋwə lwesə ghee bɔɔ, gì laa, «Fa ŋkɨə faŋ Nwi sɔ̀ ŋkə ley, kaa baa tii laa lùu fa bwə me!»

Akts 10:28

Ŋwə gi tɨ́ vəŋ laa, «Maa viŋ kɨɨ laa vɨ twèy tɨ́ vɨɨ Jus ŋkee nəŋay, laa kɨ vəŋ kɨ zɨnə, tɨꞌnə me, kɨ shɔɔnə ghɔ vɨ vɨɨ faŋ lùu vɨɨ tɔmə day me. Luu nə, Nwi də̀ shee laa, kɨ mə tii wə laa ŋwə lùu wuu bwə, tɨꞌnə me laa ŋwə kee lùu ley vɨsɨ Nwi me.

Akts 10:34

Pita ŋaꞌ shuu wi, gì laa, «Mə kɨɨ ŋkee yinsəŋ ndwə laa, Nwi kee yaa kɨ yɨsə nu ŋkuŋ me.

Akts 11:12

Zwitə Ley Nwi naysə shee laa yia vɨ vəŋ gə mɔ́ꞌ, kɨ mə betə me. Vaŋ-nshwi vaŋ-nsiŋ və̀ ntɔfə, yia vəŋ gə mɔ́ꞌ, gə̀ ŋìi taa ŋii wə ghɔ́.

Akts 14:1

Pɔɔl ghɔ Barnabas shɔɔ gə̀ ntɨꞌ Ikoniɔn, baa kii ŋii taa ŋii məshəŋtə Nwi vɨɨ Jus, gì shɔ maa kəŋ jɨɨ yimɔ́ꞌ nee, vɨɨ Jus nə vɨɨ Griik vəyaŋ biŋ nu Kristo.

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

Roma 3:22

Jɨɨ yɔ́ lùu laa wə nuŋ fwi yi maa Yeso Kristo, buu Nwi kiasə vənu vi, mbə loomə. Jɨɨ yɔ́ lùu tɨ́ vɨɨ vənshə faŋ vəŋ nùŋ fwisə vəŋ maa ŋwə, faŋ vəŋ kɔlə lùu vɨɨ fə, ŋkwiinə kee lùu shɔ me.

Roma 3:9

Nɨniŋ, nu kɔ́ lùu kɨkə ndwə? Yia vɨɨ Jus shɔ̀ɔ vɨɨ mɔ́ꞌ nə nu mu? Bey, yia kee bee shɔ̀ɔ vəŋ me. Maa nsiŋ nii duꞌtə nsiŋ ye laa, vənu vəbwəvə lùu maa vɨɨ Jus ghɔ vɨ vɨɨ tɔmə day vənshə.

Roma 9:24

Nwi tii nsiŋ laa lùu vɨɨ vi, kee tii nsiŋ sheꞌ fɨ taa ŋwaa vɨɨ Jus me, tìi vəmɔ́ꞌ fɨ taa ŋwaa vɨɨ tɔmə day faŋ kee lùu vɨɨ Jus me.

1 Kɔrintian 1:2

Yia Sɔsteniis nyɔꞌ ŋwaꞌlə ŋwə̀ tɨ́ nwaa vɨɨ Nwi fɨ shɨ Kɔrint. Viŋ lùu vɨɨ ley Nwi buꞌ faŋ viŋ fàynə viŋ vɨ Yeso Kristo. Nə shòꞌ Nwi shòꞌ viŋ laa viŋ luu vɨɨ vi, ghɔ vɨ vɨɨ vənshə, faŋ vəŋ bəŋsə Tii ŋwaa-nsiŋ Yeso Kristo maa vəshəŋ vənshə. Yeso Kristo lùu Tɨɨ vəŋ, baa lùu Tii ŋwaa-nsiŋ nɨzi.

1 Kɔrintian 7:18

Wə lùu shɔ faŋ vɨ yaa duꞌtə vɨ sɨɨtə ŋwə maa yighee njyə faŋ Nwi nə tìi ŋwə, ŋkə kee bàw ŋwə ndɨə yifɨɨ shəŋ məsɨɨtə yɔ́ me. Kɨ luu wə luu shɔ faŋ vɨ nə kee ta sɨ̀ɨtə ŋwə maa yighee njyə faŋ Nwi nə tìi ŋwə me, kɨ ŋwə yɨsə laa vɨ sɨɨtə ŋwə me.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Efesɔs 3:6

Ŋiꞌ nu kɔ́ lùu laa, vɨɨ mbɨə faŋ vɨ nə kee bì vəŋ yaa vɨɨ Jus me, lùu vɨɨ məzɨ vətɔ və Nwi nɨzi, baa lùu way ŋwaa vɨɨ Nwi, ndɔ zɨ məbwey vəlwaŋ nɨzi, faŋ Nwi nə kɔ̀ꞌnə maa məkɔ tɨ́ vɨɨ nə. Lùu nɨniŋ buꞌ Yeso Kristo, faŋ vəŋ bìŋ ntɔŋ yijəə yi nə.

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!