Akts 15:32 - Vengo (Babungo)

³² Judas ghɔ Silas faŋ nə luu nshiisə-ŋii sɔghɔ nɨzi, baa gì vənu vəyaŋ tɨ́ nshəŋtə vɨɨ Kristo yɔ́, yɨ̀sə vəŋ weꞌ maa nu Nwi.

Akts 15:32 ပူးပေါင်းရင်းမြစ်များ

Matiu 23:34

Yeso nə baa gì tɨ́ vɨɨ vɔ́ laa, «Viŋ zɔ! Nwi gì laa yi ndɔ tɔŋ nshiisə-ŋii sɔghɔ, nə vɨɨ yitɔfə, nə vɨɨ mədeesə ŋwaꞌlə Nwi tɨ́ viŋ, viŋ zwilə vəmɔ́ꞌ fɨ taa ŋwaa vəŋ, bey vəmɔ́ꞌ fuu fəŋkɔꞌ fə ŋkɨꞌsə, saŋ vəmɔ́ꞌ fɨ taa ŋwaa vəŋ taa ndɔꞌ Nwi ghiŋ, ndɔ shoꞌ ghuu vəŋ, vəŋ kɨ nyɨŋ fɨ shɨ tɔŋ, gə shɨ tɔŋ day.

Lukas 11:49

Buꞌ nu kɔ́ Nwi gì fɨ maa yitɔfə yi laa yi taa tɔŋ nshiisə-ŋii sɔghɔ nə vɨɨ ntɔŋsə tɨ́ vəŋ, vəŋ taa zwilə vəmɔ́ꞌ, shoꞌ ghuu vɨɨ mɔ́ꞌ.

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 11:27

Sheꞌ maa yighee yɔ́ nshiisə-ŋii sɔghɔ vəmɔ́ꞌ ndɔ fɨ ntɨꞌ Jerusalem, gə Antiɔk.

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 15:1

Maa yighee yɔ́, vɨɨ mɔ́ꞌ siꞌ jwì fɨ shɨ Judia, kɨ tɨsə vɨɨ məbiŋ nu Kristo laa, vɨ kɨ luu kee sɨ̀ɨtə vəŋ faŋ nuŋsə Mose naysə me, buu kaꞌ vəŋ kee ndɔ zɨ məbwey vəlwaŋ me.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 15:27

Nɨniŋ, yia tɔ̀ŋ Silas ghɔ Judas, vəŋ taa naysə ŋkee nu ŋkɨə faŋ yia nyɔ̀ꞌ taa ŋwaꞌlə ŋwə̀ tɨ́ viŋ, nə shuu vəŋ nɨzi.

Akts 15:3

Vɨɨ Kristo fɨ ntɨꞌ Antiɔk gə twey vəŋ jɨɨ, vəŋ shɔɔ fɨ shɨ Fənishia nə fɨ shɨ Samaria, toꞌ naysə tɨ́ vɨɨ Kristo fɨ maa vəshəŋ vənshə, faŋ vɨɨ tətɔŋ fu kwiinə fwisə vəŋ, bìŋ nu Kristo. Vɨɨ Kristo vənshə ŋaytə maa nu kɔ́.

Akts 15:31

Vəŋ tii ŋwaꞌlə ghɔ́, ŋàytə buꞌ laa ŋwə nə zwìsə fwisə vəŋ.

Akts 15:41

shɔ̀ɔ fɨ taa məshɨ mə Siria nə Saylisia, tòꞌ wèꞌsə vɨɨ məbiŋ Kristo maa nu Nwi maa vəshəŋ vənshə.

Akts 18:23

Pɔɔl nə shì Antiɔk vəshi vəmɔ́ꞌ, baa kii ndɔ fɨ fuŋ, gə̀ tòꞌ fɨ kwiŋ Galatia nə Frigia, toꞌ gisə tɨ́ vɨɨ məbiŋ nu Kristo, yɨsə vəŋ weꞌ maa nu Nwi.

Akts 2:40

Pita baa gì təgi təmɔ́ꞌ təyaŋ tɨ́ vəŋ, bùꞌ ghɔ dɨdɨꞌ laa vəŋ biŋ laa Nwi bweysə vəŋ fɨ taa ŋgwi nyə̀, faŋ vənu vəvəŋ lùu vəbwə.

Akts 20:2

shɔ̀ɔ fɨ kwiŋ yɔ́, toꞌ tɨ vɨɨ nə vənu vəyaŋ, gə̀ zìꞌ shɨ Griis,

Roma 12:6

Vəfaꞌ vaŋ-nsiŋ baa lùu nɨŋkwiŋ nɨŋkwiŋ, faŋ Nwi nə kèy nsiŋ nə yitɔfə baa nə mənɔŋ-bwaŋnə nɨŋkwiŋ nɨŋkwiŋ. Ŋkə bàw laa wə ntɨə faŋ Nwi nùŋ nu ki taa fwi ŋwə, kɨ gisə nu kɔ́, ŋkə kùꞌnə maa nu ŋkɨə faŋ nsiŋ nùŋ fwi saŋ-nsiŋ shɔ nə.

Roma 12:8

Wə ntɨə faŋ Nwi kɔ̀ wutə tɨ́ ŋwə maa mətɨsə vɨɨ, bàw ŋwə kɨ tɨsə vɨɨ. Wə ntɨə faŋ ŋwə gaŋtə vɨɨ ŋɨꞌ, kɨ yɨsə nɨniŋ nə fwi yimuꞌ. Wə ntɨə faŋ ŋwə ndeynə nshəŋtə vɨɨ Kristo, kɨ faꞌ faꞌ ghɔ́ nə wutə. Wə ntɨə faŋ ŋwə gaŋtə vɨɨ, kɨ yɨ nɨniŋ nə məsaylə.

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

1 Kɔrintian 14:29

Gə fɨ maa vɨɨ mbɨə faŋ vəŋ fɨꞌtə yigisə shuu Nwi, bàw vɨɨ vəbɔɔ gi yigi yɔ́, tɨꞌnə me vɨɨ vətia. Bàw vɨɨ vənshə kɨ nii ywìitə vənu mbɨə faŋ vɨɨ vɔ́ gisə nə, laa lùu yigisə Nwi yinsəŋ mu.

1 Kɔrintian 14:3

Luu nə, wə faŋ ŋwə fɨꞌtə yigisə shuu Nwi, ŋwə gisə yigi yɔ́ tɨ́ vɨɨ, yigi yi yɔ́ ndɔ gaŋtə vɨɨ, kwàŋ wutə taa ŋwaa vɨɨ, yɨsə vəŋ weꞌ maa nu Nwi.

1 Kɔrintian 14:32

Vɨɨ mbɨə faŋ vəŋ kìi wutə maa məfɨꞌtə yigisə shuu Nwi, kìi wutə maa məgi laa Zwitə Nwi kɔ́ kɨꞌ.

Efesɔs 3:5

faŋ Nwi nə kee ta yɨsə laa vɨɨ kɨɨ nə nu kɔ́ me. Sheꞌ ndwə ŋwə yɨsə Zwitə Ley ki twelə tɨ́ vɨɨ ntɔŋ Kristo nə tɨ́ nshiisə-ŋii sɔghɔ, faŋ luu vɨɨ ley vi.

1 Tesalonika 2:11

Viŋ kɔꞌ kɨɨ laa yia nəə yɨ nu maa wə nə muꞌ nə muꞌ fɨ wiŋ sheꞌ faŋ tɨɨ wee yaa kɨ yɨsə maa ŋwiŋ wi.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

1 Tesalonika 5:14

Vaŋ-nshwi via, yia tɨsə viŋ laa viŋ kɨ bɔŋsə vɨɨ faŋ vəŋ toꞌ fɨ maa jɨɨ yigɨŋkə, baa bàwsə fwisə vɨɨ mbɨə faŋ fwisə vəŋ lɔ̀ꞌ. Viŋ kɨ gaŋtə vɨɨ mbɨə faŋ vəŋ kee lùu vəweꞌ maa nu Nwi me. Viŋ kee gəŋsə vɨɨ vənshə.

1 Tesalonika 5:20

kee mànə nu ŋkɨə faŋ Nwi kwàŋ shuu vɨɨ, vəŋ gisə me.

2 Tesalonika 3:12

Yia gi tɨ́ kəŋ vɨɨ vɔ́, baa tɨsə vəŋ maa yizii tɨta Yeso Kristo, laa vəŋ shia, kɨ faꞌ faꞌ, zɨ fazɨ vəŋ fɨ maa faꞌ vəŋ.

1 Timoti 2:1

Mfɔŋ nu faŋ mə kəə tɨ ghɔ shɔ, lùu laa viŋ kɨ buꞌ ghɔ tɨ́ Nwi, shɔꞌtə ŋwə, fàynə shuu wiŋ, bùꞌ ghɔ tɨ́ ŋwə, kɔ̀ bwaŋ-wee tɨ́ ŋwə, yɨ̀sə nɨniŋ tɔ vɨɨ vənshə.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

1 Pita 5:1

Gə fɨ maa vɨɨ taa fɨ taa nshəŋtə vɨɨ Nwi, mə baa kɔ yigisə ntɨ tɨ́ viŋ, yuu nshɨ-tɔ ŋwaa luu wuu taa nɨzi. Mə nə yè ŋɨꞌ njyə faŋ nyə nə ŋii Kristo nə, nə yisɨ. Mə ndɔ baa luu taa ŋwaa vɨɨ mbɨə faŋ vəŋ ndɔ zɨ nu yifwàŋ Nwi, ŋkɨə faŋ ŋkə ndɔ fuu ntee fɨkɨꞌ nə.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.