Akts 15:3 - Vengo (Babungo)

³ Vɨɨ Kristo fɨ ntɨꞌ Antiɔk gə twey vəŋ jɨɨ, vəŋ shɔɔ fɨ shɨ Fənishia nə fɨ shɨ Samaria, toꞌ naysə tɨ́ vɨɨ Kristo fɨ maa vəshəŋ vənshə, faŋ vɨɨ tətɔŋ fu kwiinə fwisə vəŋ, bìŋ nu Kristo. Vɨɨ Kristo vənshə ŋaytə maa nu kɔ́.

Akts 15:3 ပူးပေါင်းရင်းမြစ်များ

Lukas 15:32

Luu nə, ŋkə kuꞌnə maa məyɨsə məŋaytə, buꞌ laa weenshu wə ŋwə̀ nə ku, baa bwèy ndwə. Ŋwə nə ndì, vɨ baa yè ŋwə ndwə.»

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 13:48

Vɨɨ mbɨə faŋ vəŋ nə kee lùu vɨɨ Jus me, zɔ nu kɔ́, ŋàytə, bə̀ŋsə nu Nwi. Vɨɨ vənshə faŋ Nwi nə shoꞌ laa vəŋ ndɔ zɨ məbwey vəlwaŋ, kɨ nii kìasə gù vɨɨ məbiŋ nu Kristo.

Akts 13:52

Gə fɨ maa vɨɨ mbɨə faŋ vəŋ nə bìŋ nu Kristo (ntɨꞌ Antiɔk), Zwitə Ley Nwi nə məŋaytə lwaŋ taa fwisə vəŋ.

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

Akts 15:1

Maa yighee yɔ́, vɨɨ mɔ́ꞌ siꞌ jwì fɨ shɨ Judia, kɨ tɨsə vɨɨ məbiŋ nu Kristo laa, vɨ kɨ luu kee sɨ̀ɨtə vəŋ faŋ nuŋsə Mose naysə me, buu kaꞌ vəŋ kee ndɔ zɨ məbwey vəlwaŋ me.

Akts 15:12

Ŋwə gi nɨniŋ, vɨɨ vənshə shia, kɨ zɔ sheꞌ fɨ ghɔ Barnabas ghɔ Pɔɔl, faŋ vəŋ naysə vənu və shuu yɔŋvə, baa nə vənu və yifiŋtə, faŋ Nwi yɨ̀sə tɨ́ vɨɨ tətɔŋ fu, buꞌ faŋ Barnabas ghɔ Pɔɔl nə fɨꞌtə ntɔŋ yijəə Nwi tɨ́ vəŋ nə.

Akts 15:22

Ŋwə nə gì nɨniŋ, vɨɨ ntɔŋ Kristo nə vɨɨ taa fɨ taa məshəŋtə vɨɨ Kristo ghɔ vɨ vɨɨ Kristo vənshə biŋ, shìa laa vɨ shoꞌ vɨɨ mɔ́ꞌ, tɔŋ vəŋ Antiɔk ghɔ Pɔɔl nə Barnabas. Vəŋ shoꞌ Judas faŋ vɨ nəə tii ŋwə nə Barsabas, baa nə Silas. Vɨɨ vɔ́ vəbɔɔ nə luu vɨɨ faŋ vɨ nə kɔ̀ feenə tɨ́ vəŋ dɨdɨꞌ taa ŋwaa vɨɨ məbiŋ nu Kristo.

Akts 15:32

Judas ghɔ Silas faŋ nə luu nshiisə-ŋii sɔghɔ nɨzi, baa gì vənu vəyaŋ tɨ́ nshəŋtə vɨɨ Kristo yɔ́, yɨ̀sə vəŋ weꞌ maa nu Nwi.

Akts 15:4

Nɨniŋ, vəŋ gə ziꞌ Jerusalem. Məshəŋtə vɨɨ Kristo fɨ ntɨꞌ Jerusalem ndi vəŋ nə məŋaytə. Vɨɨ ntɔŋ Kristo nə vɨɨ taa fɨ taa məshəŋtə ghɔ́ jia vəŋ jəə. Vəŋ naysə vənu vənshə faŋ Nwi nə gàŋtə vəŋ, vəŋ yɨsə.

Akts 17:15

Vɨɨ mbɨə faŋ vəŋ nə gə̀ nə Pɔɔl, gə nə ŋwə, gə̀ ziꞌ ŋkee ntɨꞌ Atens (fɨ shɨ Akaya). Vəŋ kɨ nii bə̀ŋ nə ntɔŋ fɨ ghɔ Pɔɔl laa bàw Silas ghɔ Timoti kee baa tày dɨdɨꞌ, buu jɔ̀mə yi me.

Akts 20:38

Gəŋsə nə koo vəŋ ŋkee dɨdɨꞌ, buꞌ yigi njyə faŋ ŋwə nə gì laa vəŋ kee ndɔ baa ye yi nə me. Vəŋ kɨ nii ndì ŋwə, gə̀ twey ŋwə taa bay.

Akts 21:5

Faŋ vəshi via nə kùꞌnə maa məshi yifi, yia baa ndɔ̀ fɨ yifi. Vɨɨ vɔ́ vənshə ndi yia nə vəki vəvəŋ nə vaŋ vəŋ, tòꞌ fùu fɨ taa shɨ, yia vɨ vəŋ tuŋ vətɔ vəyəə via nsi shuu muu, shɔ̀ꞌtə Nwi,

Akts 28:15

Vɨɨ məbiŋ nu Kristo fɨ shɨ Rom kɨ zɔ laa yia jɨjwi, vɨɨ mɔ́ꞌ ndɔ jwì ndì yia ŋkee fɨ maa shəŋ yiwiŋ Apiu, nə vəmɔ́ꞌ maa shəŋ kəmɔ́ꞌ faŋ vɨ tii nə Ndɔꞌ-məzɨ-fazɨ-tia. Vəshəŋ vɔ́ nəə kɨ bii ntaŋ fɨ shɨ Rom. Nə luu yitoꞌ vəshi vəbɔɔ. Faŋ Pɔɔl nə yè vɨɨ vɔ́, faŋ vəŋ jwi ndì ŋwə ŋkee fɨ ntaŋ nə, ŋwə bwaŋ Nwi, fwi yi shəŋtə.

Akts 8:14

Vɨɨ ntɔŋ Kristo mbɨə faŋ vəŋ nə luu ntɨꞌ Jerusalem nə, zɔ laa vɨɨ Samaria bìŋ yigisə Nwi. Vəŋ tɔŋ Pita ghɔ Jɔn tɨ́ vɨɨ Samaria.

Roma 15:24

Nɨniŋ, mə ndɔ jwi yɨ viŋ maa yighee njyə faŋ mə ndɔ kɨ gə shɨ Speyn, buꞌ laa mbɨꞌtə nyaa lùu laa mə ndɔ kɨ shɔɔ, jwi ye viŋ ŋkəə, zɔ̀ zwitə kiŋ tɨtiꞌ, buu viŋ gə twèy mə shɔ.

1 Kɔrintian 16:11

Kɨ tuu wə muꞌ shiasə ŋwə me. Yighee njyə faŋ ŋwə ndɔ baa kɨ gə, viŋ gaŋtə ŋwə, twey ŋwə jɨɨ jəə jəə, tɨ́ kaꞌ ŋwə jwi yɨ mə. Yia vɨ vɨɨ Nwi fɨ feenə kɨꞌ ŋwə.

1 Kɔrintian 16:6

Nɨniŋ, mə ndɔ kii yighee, tɨ́ kaꞌ nsiŋ shì mɔ́ꞌ tày. Yighee mɔ́ꞌ mə ndɔ tay yɨ viŋ maa yighee gwə yinshə, tɨ́ kaꞌ viŋ taa gaŋtə mə yighee njyə faŋ mə ndɔ meꞌtə viŋ, gə vəshəŋ vədayvə.

2 Kɔrintian 1:16

Mə nəə kəə ye viŋ, buu shɔ̀ɔ fɨ yɨ viŋ, gə ziꞌ shɨ Makedonia, baa ndɔ̀ fɨ Makedonia, bə̀ŋ jwì yè viŋ, buu viŋ gaŋtə mə, gə̀ twèy mə shɨ Judia.

Taytəs 3:13

Yɨ jəə maa məkɔ vətɔ və yitoꞌ tɨ́ Zenas, wuu məkɨɨ nə ntɨsə wì, nə Apɔlɔs, laa tuu wee-fa kee bə̀ə fɨ ghɔ vəŋ me.