Akts 15:29 - Vengo (Babungo)

²⁹ Ŋkə lùu laa, kɨ viŋ zɨ fazɨ faŋ vɨ kɔ̀ tɨ́ vənwi vədayday, fèꞌ vənwi vədayday shɔ me. Kɨ viŋ zɨ fazɨ faŋ mənshi lùu taa tey yi me. Kɨ viŋ kwə mbasə nyaa faŋ vɨ tɨtwiŋ me nyaa, nyə ku me. Baa nə laa viŋ baꞌsə fwi siŋ fɨ maa nu vəki. Viŋ kwasə yiŋwaa yiŋ fɨ maa vənu vɔ́, buu viŋ taa dùꞌ jəə. Viŋ duꞌ jəə!»

Akts 15:29 ပူးပေါင်းရင်းမြစ်များ

Akts 15:20

Bàw nsiŋ nyɔꞌ ŋwaꞌlə tɨ́ vəŋ, nàysə tɨ́ vəŋ sheꞌ laa vəŋ shiinə yiŋwaa vəŋ, kee kɨ zɨ fa faŋ ŋkə kee lùu kəley tɨ́ Nwi me, buꞌ faŋ ŋkə ndɔ̀ fɨ yɨ vənwi vədayday me. Baa nə laa kɨ vəŋ kɨ beꞌsə nu vəki me, kee kwə̀ mbasə nyaa faŋ vɨ tɨtwiŋ me wi, buu zwi me, kee zɨ fazɨ faŋ mənshi lùu taa tey yi me.

Akts 21:25

Gə fɨ maa vɨɨ mbɨə faŋ vəŋ kee lùu vɨɨ Jus me, faŋ vəŋ biŋ nu Kristo nə, yia duꞌtə yia shia, baa nyɔ̀ꞌ taa ŋwaꞌlə, tɔ̀ŋ tɨ́ vəŋ, laa kɨ vəŋ baa zɨ fazɨ faŋ vɨ feꞌ mənyia shɔ me, tɨꞌnə me faŋ mənshi lùu taa tey yi me, baa nə laa kɨ vəŋ kwə mbasə nyaa faŋ vɨ tɨtwiŋ me wi nyə ku me, baa nə laa vəŋ meꞌtə nu mətii vəki.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.

1 Jɔn 5:21

Nɨniŋ, vaŋ vaŋ, viŋ kɨ shiinə yiŋwaa yiŋ fɨ ghɔ vənwi vədayday!

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.

1 Timoti 5:22

Kɨ mɔꞌ ghɔ ghə tɔ wə titi me, kɨ shiinə ŋwaa wə laa a kee jɔmə vɨɨ taa vənu vəbwəvə vəŋ me. Bàw a kɨ shiŋnə ŋwaa wə laa vənu və ley.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

2 Kɔrintian 11:9

Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

Akts 18:21

gì tɨ́ vəŋ laa, «Nwi taa biŋ, mə ndɔ baa jwi.» Sheꞌ nɨniŋ, ŋwə baa kii ŋii taa bay, ndɔ̀ fɨ shɨ Efesɔs,

Lukas 9:61

Wə mɔ́ꞌ baa jwi, gì laa, «Mə taa beꞌsə ghɔ», bùꞌ ghɔ tɨ́ Yeso laa ŋwə meꞌtə yi, yi gə kɔ̀ bwey-jəə tɨ́ vɨɨ mbɨə faŋ vəŋ lùu taa ŋii yi.

Akts 23:30

Faŋ mə nə zɔ laa vɨɨ Jus vəmɔ́ꞌ kà yighaw tɔ ŋwə, mə tɔŋ ŋwə tɨ́ ghɔ yighee muꞌ. Mə naysə tɨ́ vɨɨ mbɨə faŋ vəŋ kəə kwaŋ ŋwə taa nsɔꞌ, laa vəŋ jwi nàysə nu bwə ŋkɨə faŋ ŋwə nə yɨ̀, vɨsɨ ghɔ.»